ଏନସିପି ଅଧ୍ୟକ୍ଷ ପଦ ଛାଡ଼ିଲେ ଶରଦ ପାୱାର
ନୂଆଦିଲ୍ଲୀ: ମହାରାଷ୍ଟ୍ରର ବରିଷ୍ଠ ରାଜନେତା ଶରଦ ପାୱାର ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ର ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି । ପାୱାର ଦେଶର ଅନ୍ୟତମ ବିରୋଧୀ ଦଳର ନେତା ଏବଂ ମହାରାଷ୍ଟ୍ରରେ ମହା ବିକାଶ ଅଘାଡି ସରକାର ଗଠନ ପାଇଁ ଶିବସେନା, କଂଗ୍ରେସ ଏବଂ ଏନସିପି ମଧ୍ୟରେ ଏକ ଅସମ୍ଭବ ମିଳିତ ମଞ୍ଚ ଗଠନ କରିବାରେ ତାଙ୍କର ପ୍ରମୁଖ ଭୂମିକା ଥିଲା । ତାଙ୍କ ପୁସ୍ତକ ପ୍ରକାଶନ ସମୟରେ ସେ କହିଥିଲେ ଯେ ଆଜି ମୁଁ ଏନସିପି ରାଷ୍ଟ୍ରୀୟ ଅଧ୍ୟକ୍ଷ ପଦରୁ ଅବସର ନେବାକୁ ନିଷ୍ପତ୍ତି ନେଇଛି ।
ତାଙ୍କ ଜୀବନ ସହ ଜଡିତ ଏକ ପୁସ୍ତକ ରିଲିଜ୍ କାର୍ଯ୍ୟକ୍ରମକୁ ସମ୍ବୋଧିତ କରି ଏନସିପି ମୁଖ୍ୟ ଶରଦ ପାୱାର କହିଛନ୍ତି ଯେ ମୁଁ ଏନସିପି ରାଷ୍ଟ୍ରୀୟ ସଭାପତି ପଦରୁ ଇସ୍ତଫା ଦେଉଛି । ଶରଦ ପାୱାରଙ୍କ ଏହି ବିବୃତ୍ତି ପରେ କାର୍ଯ୍ୟକ୍ରମରେ ଉପସ୍ଥିତ ଲୋକମାନେ ତାଙ୍କ ଇସ୍ତଫା ପ୍ରତ୍ୟାହାର କରିବାକୁ ଦାବି କରି ସ୍ଲୋଗାନ ଦେଇଥିଲେ ।
ତେବେ ତାଙ୍କ ପରେ କିଏ ପାର୍ଟିର ମୁଖ୍ୟ ହେବେ ସେ ନେଇ ଏପର୍ଯ୍ୟନ୍ତ କୌଣସି ଘୋଷଣା ହୋଇନାହିଁ ।
#WATCH | "I am resigning from the post of the national president of NCP," says NCP chief Sharad Pawar pic.twitter.com/tTiO8aCAcK
— ANI (@ANI) May 2, 2023
ଏନସିପି ର ସହ-ପ୍ରତିଷ୍ଠାତା ଥିଲେ ପାୱାର । 1999 ରେ, ପାୱାର, ପିଏ ସାଙ୍ଗମା ଏବଂ ତାରିକ ଅନୱାର ଏନସିପି ଦଳ ଗଠନ କରିଥିଲେ । ସେତେବେଳର ଜାତୀୟ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କ ସହ ବିବାଦକୁ କଂଗ୍ରେସରୁ ବହିଷ୍କୃତ ହେବା ପରେ ସେ ଏହି ଦଳ ଗଠନ କରିଥିଲେ ।
Click it and Unblock the Notifications
Sign in with Google