ଶରଦଙ୍କ ଘରେ ବିରୋଧୀ ମେଳି, ଇଭିଏମ୍ କୁ ନେଇ ହେବ ଚର୍ଚ୍ଚା
ନୂଆଦିଲ୍ଲୀ: ଆଗକୁ ଲୋକସଭା ନିର୍ବାଚନ ସହ କେତେକ ରାଜ୍ୟରେ ବିଦାନସଭା ନିର୍ବାଚନ ଥିବା ବେଳେ ଇଭିଏମ୍ କୁ ନେଇ ଉଠିଛି ଅନେକ ପ୍ରଶ୍ନ । ସ୍ୱଚ୍ଛ ଓ ନିରପେକ୍ଷ ନିର୍ବାଚନ ପାଇଁ ଇଭିଏମର ଦକ୍ଷତା ଓ ଇଭିଏମକୁ ନେଇ ଅନେକ ପ୍ରଶ୍ନ କରୁଛନ୍ତି ବିରୋଧୀ । ଏହି ସମୟରେ ଏହା ଉପରେ ଆଲୋଚନା କରିବା ପାଇଁ ଆଜି ଶରଦ ପାୱାରଙ୍କ ଘରେ ହେବ ବିରୋଧୀଙ୍କ ମେଳି । ଏନସିପି ସୁପ୍ରିମୋ ଶରଦ ପାୱାର ସମସ୍ତ ବିରୋଧୀ ଦଳଙ୍କୁ ଆମନ୍ତ୍ରଣ କରିଛନ୍ତି ।
ବିରୋଧୀ ମହାମେଣ୍ଟ ଓ ଇଭିଏମକୁ ନେଇ ପାଓ୍ୱାରଙ୍କ ଘରେ ଏକାଠି ହେବେ ତମାମ ବିରୋଧୀ ଦଳ ନେତା । ସନ୍ଧ୍ୟା 6 ରେ ବୈଠକ ବସିବ । ସ୍ୱଚ୍ଛ ଓ ନିରପେକ୍ଷ ନିର୍ବାଚନ ପାଇଁ ଇଭିଏମର ଦକ୍ଷତା ଓ ଇଭିଏମକୁ ନେଇ ରହିଥିବା ସନ୍ଦେହକୁ ସିଇସି ଦୂର କରନ୍ତୁ ବୋଲି ଶରଦ କହିଛନ୍ତି । ଏହି ସମୟରେ ଆଇଟି ବିଶେଷଜ୍ଞଙ୍କ ମତାମତ ନିଆଯିବ । ଏହା ପରେ ଏହାକୁ ନେଇ ଅନ୍ତିମ ମତ ଆସିବ ।
ଏହା ପୂର୍ବରୁ ଅନେକ ସାମାଜିକ କର୍ମୀ ଏବଂ ରାଜନୈତିକ ଦଳ ଇଭିଏମ୍ କୁ ନେଇ ପ୍ରଶ୍ନ ଉଠାଇଥିଲେ । ଏହା ପରେ ସ୍ପଷ୍ଟ ଉତ୍ତର ରଖିବେ ବୋଲି କହିଥିଲେ ନିର୍ବାଚନ କମିଶନ ।
ଏହା ସହିତ 2024 ନିର୍ବାଚନ ପୂର୍ବରୁ ଚଳିତ ବର୍ଷ ହେବାକୁ ଥିବା 6 ରାଜ୍ୟର ବିଧାନସଭା ନିର୍ବାଚନର ଗୁରୁତ୍ୱ ରହିଛି । ବିଧାନସଭା ନିର୍ବାଚନ ଫଳାଫଳ ଆଗାମୀ ଲୋକସଭା ନିର୍ବାଚନର ଫଳାଫଳ ଖଣ ହେବ ସେ ନେଇ ଏକ ପ୍ରକାର ସ୍ପଷ୍ଟ କରିବ । ସେପଟେ ବିଜେପି ବିରୋଧରେ ବିରୋଧୀ ମହାମେଣ୍ଟର ନେତୃତ୍ୱ କଂଗ୍ରେସକୁ ଦେବାକୁ କିଛି ଦଳର ଅସହମତି ଥିବା ବେଳେ ଟିଏମସି, ସମାଜବାଦୀ ପାର୍ଟି ଓ ବିଆରଏସ କିଛି ଭିନ୍ନ ଯୋଜନା କରୁଥିବା ଚର୍ଚ୍ଚା ହେଉଛି ।
Click it and Unblock the Notifications
Sign in with Google