ଭୋଟିଂ ପୂର୍ବରୁ ନନ୍ଦିଗ୍ରାମରେ ଧାରା 144 ଲାଗୁ, ହେଲିକ୍ୟାପ୍ଟର ମାଧ୍ୟମରେ ହେବ ତଦାରଖ
ଭୋଟ୍ ଦେବାର ଠିକ୍ ପୂର୍ବରୁ ନିର୍ବାଚନ ଆୟୋଗ ନନ୍ଦିଗ୍ରାମରେ ଧାରା 144 ଲାଗୁ କରିଛନ୍ତି । ନନ୍ଦିଗ୍ରାମର ମତଦାନ କେନ୍ଦ୍ରର 200 ମିଟର ମଧ୍ୟରେ ପାଞ୍ଚ କିମ୍ବା ଅଧିକ ଲୋକଙ୍କୁ ଗୋଟିଏ ସ୍ଥାନରେ ଏକାଠି ହେବାକୁ ଅନୁମତି ମିଳିବ ନାହିଁ ।
କୋଲକାତା : ପଶ୍ଚିମବଙ୍ଗର 30 ଟି ବିଧାନସଭା ଆସନ ପାଇଁ ଦ୍ୱିତୀୟ ପର୍ଯ୍ୟାୟରେ ଗୁରୁବାର ଦିନ ଭୋଟ୍ ଗ୍ରହଣ ହେବ । ମତଦାନ ହେବାକୁ ଥିବା ଏହି 30ଟି ବିଧାନସଭା ଆସନ ମଧ୍ୟରେ ନନ୍ଦିଗ୍ରାମ ମଧ୍ୟ ସାମିଲ ଅଛି, ଯେଉଁଠାରୁ ତୃଣମୂଳ କଂଗ୍ରେସର ମୁଖ୍ୟ ତଥା ବଙ୍ଗଳାର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଟିଏମସି ଛାଡ଼ି ବିଜେପିରେ ସାମିଲ ହୋଇଥିବା ଶୁଭେନ୍ଦୁ ଅଧିକାରୀଙ୍କ ମଧ୍ୟରେ କଡ଼ା ଟକ୍କର ହେବ ବୋଲି କୁହାଯାଉଛି । ଏହି ସମୟରେ, ଭୋଟ୍ ଦେବାର ଠିକ୍ ପୂର୍ବରୁ ନିର୍ବାଚନ ଆୟୋଗ ନନ୍ଦିଗ୍ରାମରେ ଧାରା 144 ଲାଗୁ କରିଛନ୍ତି । ନିର୍ବାଚନ ଆୟୋଗଙ୍କ ନିର୍ଦ୍ଦେଶ ଅନୁଯାୟୀ, ନନ୍ଦିଗ୍ରାମର ମତଦାନ କେନ୍ଦ୍ରର 200 ମିଟର ମଧ୍ୟରେ ପାଞ୍ଚ କିମ୍ବା ଅଧିକ ଲୋକଙ୍କୁ ଗୋଟିଏ ସ୍ଥାନରେ ଏକାଠି ହେବାକୁ ଅନୁମତି ମିଳିବ ନାହିଁ ।
ପୂର୍ବ ମିଦନାପୁରସ୍ଥିତ ହଳଦିଆର ସବ୍-ଡିଭିଜନାଲ ମାଜିଷ୍ଟ୍ରେଟ୍ ଧାରା 144 କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଜାରି କରିଥିବାବେଳେ କହିଛନ୍ତି ଯେ, ଏହି ସମୟ ମଧ୍ୟରେ ନିର୍ବାଚନ ଡ୍ୟୁଟିରେ ନିୟୋଜିତ ଥିବା ବ୍ୟକ୍ତି ଏବଂ ସମ୍ପୃକ୍ତ ମତଦାନ କେନ୍ଦ୍ରରେ ଭୋଟ୍ ଦେବାକୁ ଆସିଥିବା ଭୋଟରଙ୍କୁ କେବଳ ଅନୁମତି ମିଳିବ । ଯେଉଁମାନେ ଧାରା 144 କୁ ଉଲ୍ଲଂଘନ କରୁଛନ୍ତି ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏଥିସହ ହେଲିକପ୍ଟର ଯୋଗେ ନିର୍ବାଚନ ଆୟୋଗ ଏହି ଆସନ ଉପରେ ତଦାରଖ ଆରମ୍ଭ କରିଛନ୍ତି । ଏହା ବ୍ୟତୀତ ନନ୍ଦିଗ୍ରାମର ଭୋଟର ହୋଇନଥିବା ଲୋକଙ୍କ ପ୍ରବେଶକୁ ସମ୍ପୂର୍ଣ୍ଣ ନିଷେଧ କରାଯାଇଛି ।
ଲୋକମାନେ ବିନା ଭୟରେ ମତଦାନ କରନ୍ତୁ
ହଳଦିଆ ସବ-ଡିଭିଜନାଲ ମାଜିଷ୍ଟ୍ରେଟ କହିଛନ୍ତି ଯେ, ନନ୍ଦିଗ୍ରାମ ଏକ ଅତ୍ୟନ୍ତ ସମ୍ବେଦନଶୀଳ ବିଧାନସଭା ଆସନ ଯେଉଁଠାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଶୁଭେନ୍ଦୁ ଅଧିକାରୀଙ୍କ ପରି ଉଚ୍ଚ ପଦବୀ ପ୍ରାର୍ଥୀମାନେ ବିବାଦରେ ଅଛନ୍ତି । ଭୋଟ୍ ଦେବା ପୂର୍ବରୁ, ଆମେ ନିଶ୍ଚିତ କରିବାକୁ ଚାହୁଁଛୁ ଯେ ନନ୍ଦିଗ୍ରାମରେ ଆଇନ ଶୃଙ୍ଖଳା ପରିସ୍ଥିତି ଖରାପ ନହୁଏ ଏବଂ ଲୋକମାନେ ବିନା ଭୟରେ ଭୋଟ୍ ଦିଅନ୍ତୁ ।
355 ମତଗାନ ବୁଥରେ 22 କମ୍ପାନୀ କେନ୍ଦ୍ରୀୟ ସୁରକ୍ଷା ବଳ ନିୟୋଜିତ
ଧାରା 144 କାର୍ଯ୍ୟକାରୀ ହେବା ସହିତ ନିର୍ବାଚନ ଆୟୋଗ ନନ୍ଦୀଗ୍ରାମର 355 ମତଦାନ ବୁଥରେ ସୁରକ୍ଷା ପାଇଁ 22 ଟି କେନ୍ଦ୍ରୀୟ ବାହିନୀର କମ୍ପାନୀ ନିୟୋଜିତ କରିଛନ୍ତି । ମତଦାନ ପୂର୍ବରୁ କେନ୍ଦ୍ରୀୟ ସୁରକ୍ଷା ବାହିନୀ ରାଜ୍ୟ ପୋଲିସ ସହିତ ନନ୍ଦିଗ୍ରାମର ଗୁରୁତ୍ୱପୂର୍ଣ୍ଣ ସ୍ଥାନରେ ଚେକଆଉଟ୍ ଆରମ୍ଭ କରିଛନ୍ତି । ନନ୍ଦିଗ୍ରାମରେ ପ୍ରବେଶ କରିବା ପୂର୍ବରୁ ପ୍ରତ୍ୟେକ ଯାନ ଯାଞ୍ଚ କରାଯାଉଛି ଏବଂ କୌଣସି ବାହାର ଲୋକଙ୍କୁ ପ୍ରବେଶ କରିବାକୁ ଅନୁମତି ନାହିଁ ।
Click it and Unblock the Notifications
Sign in with Google