ବିଜେପି ଶାସିତ ନିଗମରେ 500 କୋଟି ସ୍କାମ ଅଭିଯୋଗ କରିଛନ୍ତି ଶିବସେନା ନେତା ସଞ୍ଜୟ ରାଉତ

ମହାରାଷ୍ଟ୍ରର ଶାସକ ଦଳ ଶିବସେନା ନେତା ସଞ୍ଜୟ ରାଉତ ମ୍ୟୁନିସିପାଲିଟି କର୍ପୋରେସନ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି । ସଞ୍ଜୟ ରାଉତ ବିଜେପି ଶାସିତ ପିମ୍ପରୀ-ଚିଞ୍ଚୱାଡ ମ୍ୟୁନିସିପାଲ କର୍ପୋରେସନରେ 500 କୋଟି ଟଙ୍କା ଠକେଇ ଅଭିଯୋଗ କରିଛନ୍ତି ।

Published: Thursday, October 21, 2021, 18:11 [IST]

ମୁମ୍ବାଇ : ମହାରାଷ୍ଟ୍ରର ଶାସକ ଦଳ ଶିବସେନା ନେତା ସଞ୍ଜୟ ରାଉତ ମ୍ୟୁନିସିପାଲିଟି କର୍ପୋରେସନ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି । ସଞ୍ଜୟ ରାଉତ ବିଜେପି ଶାସିତ ପିମ୍ପରୀ-ଚିଞ୍ଚୱାଡ ମ୍ୟୁନିସିପାଲ କର୍ପୋରେସନରେ 500 କୋଟି ଟଙ୍କା ଠକେଇ ଅଭିଯୋଗ କରିଛନ୍ତି । ସଞ୍ଜୟ ରାଉତ ଏକ ଚିଠି ଲେଖି ଏହି ଘଟଣାର ତଦନ୍ତ ଦାବି କରିଛନ୍ତି । ଶିବସେନା ନେତା ବିଜେପି ନେତା କିରିଟ ସୋମୈୟାଙ୍କୁ ଇଡି ଯାଞ୍ଚ ପାଇଁ ଏକ ଚିଠି ଲେଖିଛନ୍ତି ।

ସଞ୍ଜୟ ରାଉତ କହିଛନ୍ତି ଯେ ଏହି ଘୋଟାଲା ବିରୋଧରେ ସେ ଯଥେଷ୍ଟ ପ୍ରମାଣ ଦାଖଲ କରିଛନ୍ତି ଯାହା ଦ୍ୱାରା ଏହାର ଯଥାର୍ଥ ଅନୁସନ୍ଧାନ କରାଯାଇପାରିବ । ସେ କହିଛନ୍ତି ଯେ ଏହି ସ୍କାମକୁ ଇଡି ଦ୍ୱାରା ଯାଞ୍ଚ କରାଯାଉ, ଏଥିଲାଗି ସେ ସ୍ମାର୍ଟ ସିଟି ପ୍ରକଳ୍ପରେ ହୋଇଥିବା ସ୍କାମ ସହ ଜଡିତ ପ୍ରମାଣ ଏବଂ ଗୁରୁତ୍ୱପୂର୍ଣ୍ଣ ଦସ୍ତାବିଜ ହସ୍ତାନ୍ତର କରିଛନ୍ତି ।

ଆପଣଙ୍କୁ କହିରଖୁଛୁ ଯେ ଏହି ସ୍କାମ ପାଇଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ, ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ସମେତ କେତେକ ନେତାଙ୍କ ଉପରେ ବିଜେପି ନେତା କିରିଟ ସୋମୈୟା ଟାର୍ଗେଟ କରିଥିଲେ । ବର୍ତ୍ତମାନ ସଞ୍ଜୟ ରାଉତ ତାଙ୍କୁ ଟାର୍ଗେଟ୍ କରି ବିଜେପି ଶାସିତ ନଗରନିଗମରେ ଘୋଟାଲା ହୋଇଥିବା ଅଭିଯୋଗ କରିଛନ୍ତି । ସେ କହିଛନ୍ତି ଯେ ସମୟସୀମା ଶେଷ ହେବା ପରେ ମଧ୍ୟ ପ୍ରକଳ୍ପର 50 ପ୍ରତିଶତ କାମ ଶେଷ ହୋଇନାହିଁ । କମ୍ପାନୀଗୁଡିକ ଉପକୃତ ହେବା ପାଇଁ ସରକାରୀ ଟଙ୍କାକୁ ଅପବ୍ୟବହାର କରାଯାଇଛି ବୋଲି ସେ ଅଭିଯୋଗ କରିଛନ୍ତି ।

Published On October 21, 2021