ୟୁପି ନିର୍ବାଚନ ପାଇଁ ଘୋଷଣାପତ୍ର ଜାରି କଲା ସମାଜବାଜୀ ପାର୍ଟି, 15 ଦିନ ମଧ୍ୟରେ ଆଖୁ ଦେୟ ସହିତ ଏହି ପ୍ରତିଶୃତି ଦେଲେ ଅଖିଳେଶ

ଅଖିଳେଶଙ୍କ ମେନିଫେଷ୍ଟୋ ଅନୁଯାୟୀ, ଯଦି ସପା ସରକାର ଗଠନ ହୁଏ ତେବେ 15 ଦିନ ମଧ୍ୟରେ ଆଖୁର ଦେୟ ପ୍ରଦାନ କରାଯିବ । କେବଳ ଏତିକି ନୁହେଁ, ସମସ୍ତ ଫସଲ ଉପରେ MSP ଲାଗୁ ହେବ ବୋଲି ଘୋଷଣାପତ୍ରରେ କୁହାଯାଇଛି ।

Published: Tuesday, February 8, 2022, 18:55 [IST]

ଲକ୍ଷ୍ନୌ : ବିଜେପି ପରେ ବର୍ତ୍ତମାନ ସମାଜବାଦୀ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବ ମଧ୍ୟ 2022 ୟୁପି ନିର୍ବାଚନ ସମ୍ପର୍କରେ ନିଜର ମେନିଫେଷ୍ଟୋ ପ୍ରକାଶ କରିଛନ୍ତି । ଅଖିଳେଶ ଯାଦବ ମଙ୍ଗଳବାର 08 ଫେବୃଆରୀରେ ପ୍ରକାଶ କରିଥିବା ଏହି ମନିଫେଷ୍ଟୋକୁ 'ସତ୍ୟ ବଚନ ଏବଂ ଅତୁଟ ପ୍ରତିଶ୍ରୁତି' ନାମରେ ନାମିତ କରିଛନ୍ତି । ଅଖିଳେଶଙ୍କ ମେନିଫେଷ୍ଟୋ ଅନୁଯାୟୀ, ଯଦି ସପା ସରକାର ଗଠନ ହୁଏ ତେବେ 15 ଦିନ ମଧ୍ୟରେ ଆଖୁର ଦେୟ ପ୍ରଦାନ କରାଯିବ । କେବଳ ଏତିକି ନୁହେଁ, ସମସ୍ତ ଫସଲ ଉପରେ MSP ଲାଗୁ ହେବ ବୋଲି ଘୋଷଣାପତ୍ରରେ କୁହାଯାଇଛି । ଏଥିସହିତ 4 ବର୍ଷରେ କୃଷକମାନଙ୍କୁ ଋଣମୁକ୍ତ କରିବା ପରି କେତେକ ଗୁରୁତ୍ୱପୂର୍ଣ୍ଣ ପ୍ରତିଶ୍ରୁତି ଦେଇଛନ୍ତି ଅଖିଳେଶ ଯାଦବ ।

କଣ ରହିଛି ଅଖିଳେଶଙ୍କ ଘୋଷଣାପତ୍ରରେ...

2027 ସୁଦ୍ଧା ଏକ କୋଟି ଚାକିରି ସୃଷ୍ଟି ହେବ
ସରକାରୀ ଚାକିରିରେ ମହିଳାମାନଙ୍କୁ 33 ପ୍ରତିଶତ ସଂରକ୍ଷଣ ଦିଆଯିବ
300 ୟୁନିଟ୍ ବିଦ୍ୟୁତ୍ ଜନସାଧାରଣଙ୍କୁ ମାଗଣାରେ ଦିଆଯିବ
12 ପାସ୍ ଛାତ୍ରଙ୍କୁ ଲାପଟପ୍ ବଣ୍ଟନ କରାଯିବ
ଛୋଟ କାରିଗରମାନଙ୍କୁ ପ୍ରତିବର୍ଷ 18 ହଜାର ଟଙ୍କାର ସାହାଯ୍ୟ କରାଯିବ
ଏକ ବର୍ଷ ଧରି ଚାଲିଥିବା କୃଷକ ଆନ୍ଦୋଳନର ଶହୀଦଙ୍କ ପରିବାରକୁ 25 ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରାଯିବ
କାମଧେନୁ ଯୋଜନା ପୁଣି ଆରମ୍ଭ ହେବ
2027 ସୁଦ୍ଧା UP 100% ସାକ୍ଷର ସ୍ଥିତି କରିବ
15 ଦିନରେ ଆଖୁ ଚାଷୀଙ୍କୁ ଦେୟ ପ୍ରଦାନ କରାଯିବ
ଶହୀଦ ଚାଷୀଙ୍କ ନାମରେ ଏକ ସ୍ମାରକୀ ନିର୍ମାଣ କରାଯିବ
ବିପିଏଲ୍ କୁ ପ୍ରତିବର୍ଷ ମାଗଣାରେ ଦୁଇଟି ଗ୍ୟାସ୍ ସିଲିଣ୍ଡର ଦିଆଯିବ
ବୃଦ୍ଧମାନଙ୍କୁ ପ୍ରତିବର୍ଷ 18 ହଜାର ଟଙ୍କା ପେନସନ୍ ମିଳିବ
ପୁରୁଣା ପେନ୍ସନ୍ ସ୍କିମ୍ ପୁନଃସ୍ଥାପିତ ହେବ
1090 କୁ ମଜବୁତ କରାଯିବ ଏବଂ ଅନୁସନ୍ଧାନ ପାଇଁ ବ୍ୟବସ୍ଥା କରାଯିବ
ବାଳିକା ଶିକ୍ଷା ଦିଆଯିବ
ଗରିବଙ୍କ ପାଇଁ ସମାଜବାଦୀ କ୍ୟାଣ୍ଟିନ୍ ଏବଂ ଗ୍ରୋସୋରୀ ଦୋକାନ ଖୋଲିବ
ବୁଣାକାର, ଟେଲର୍ ଏବଂ ଅସଂଗଠିତ କ୍ଷେତ୍ରର ଲୋକଙ୍କୁ ପେନସନ୍ ଦିଆଯିବ
ଡାଏଲ୍ 100 ର ପ୍ରତିକ୍ରିୟା ସମୟ 15 ମିନିଟରୁ କମ୍ ହେବ
ପ୍ରତ୍ୟେକ ଜିଲ୍ଲାରେ ମଡେଲ ସ୍କୁଲ ପ୍ରତିଷ୍ଠା କରାଯିବ
ସ୍ୱାସ୍ଥ୍ୟକେନ୍ଦ୍ରର ବଜେଟ୍ ତିନି ଗୁଣ ହେବ। ସ୍ୱାସ୍ଥ୍ୟ ସୁବିଧା ସୁଦୃଢ ହେବ
ଏମଏସଏମଇ ପାଇଁ ସପୋର୍ଟ ସିଷ୍ଟମ ବିକଶିତ ହେବ
ପାନୀୟ ଜଳ ସୁବିଧା ସହିତ ଗ୍ରାମଗୁଡିକରେ ୱାଇ-ଫାଇ ସୁବିଧା ଉପଲବ୍ଧ ହେବ