ବିଦେଶରେ ରାହୁଲ ଗାନ୍ଧୀଙ୍କ ଭାଷଣକୁ ନେଇ ସଂସଦରେ ହଙ୍ଗାମା, କ୍ଷମା ଦାବି କଲେ ରାଜନାଥ ସିଂହ

ରାହୁଲ ଗାନ୍ଧୀ ଲଣ୍ଡନରେ ଦେଇଥିବା ଭାଷଣକୁ ନେଇ ସଂସଦର ଉଭୟ ଗୃହରେ ଉତ୍ତେଜନା ଦେଖାଦେଇଛି । ରାହୁଲଙ୍କ ବିବୃତ୍ତି ଉପରେ ଅନେକ ବିଜେପି ସାଂସଦ ଅସନ୍ତୋଷ ପ୍ରକାଶ କରିଛନ୍ତି । ରାହୁଲ ଗୃହରେ କ୍ଷମା ମାଗିବା ନେଇ ଦାବି କରିଛନ୍ତି ।

Updated: Monday, March 13, 2023, 13:36 [IST]

ନୂଆଦିଲ୍ଲୀ : ସଂସଦରେ ବଜେଟ୍ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆରମ୍ଭର ପ୍ରଥମ ଦିନରୁ ଉଭୟ ଗୃହରେ ହଟ୍ଟଗୋଳ ଦେଖିବାକୁ ମିଳିଛି । ଉଭୟ ଲୋକସଭା ଓ ରାଜ୍ୟସଭାରେ ଶାସକ-ବିରୋଧୀ ମୁହାଁମୁହିଁ ହୋଇଛନ୍ତି । ଏହ ସମୟରେ ରାହୁଲ ଗାନ୍ଧୀ ଲଣ୍ଡନରେ ଦେଇଥିବା ଭାଷଣକୁ ନେଇ ଗୃହରେ ଉତ୍ତେଜନା ଦେଖାଦେଇଛି । ଅନେକ ବିଜେପି ସାଂସଦ ଅସନ୍ତୋଷ ପ୍ରକାଶ କରିଛନ୍ତି । କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ ରାହୁଲ ଗାନ୍ଧୀ ଭାରତକୁ ଅପମାନିତ କରିଛନ୍ତି, ସେ ଗୃହରେ କ୍ଷମା ମାଗନ୍ତୁ ।

ଏହା ବ୍ୟତୀତ କେନ୍ଦ୍ର ମନ୍ତ୍ରୀ ପୀୟୁଷ ଗୋଏଲ ଏବଂ ଗିରିରାଜ ସିଂହ ମଧ୍ୟ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି । ସାଂସଦଙ୍କ ଉତ୍ତେଜନା ମଧ୍ୟରେ ଉଭୟ ଗୃହ ଅପରାହ୍ନ 2 ଟା ପର୍ଯ୍ୟନ୍ତ ସ୍ଥଗିତ ରଖାଯାଇଛି ।

ଲୋକସଭାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ରାହୁଲ ଗାନ୍ଧୀଙ୍କ ବିବୃତ୍ତି ଉପରେ କହିଛନ୍ତି ଯେ ଏହି ଗୃହର ସଦସ୍ୟ ରାହୁଲ ଗାନ୍ଧୀ ଲଣ୍ଡନରେ ଭାରତକୁ ଅପମାନିତ କରିଛନ୍ତି । ମୁଁ ଦାବି କରୁଛି ଯେ ତାଙ୍କ ବିବୃତ୍ତିକୁ ଏହି ଗୃହର ସମସ୍ତ ସଦସ୍ୟ ନିନ୍ଦା କରନ୍ତୁ ଏବଂ ତାଙ୍କୁ ଗୃହ ସମ୍ମୁଖରେ କ୍ଷମା ମାଗିବାକୁ କୁହାଯାଉ ।

ଏଥି ସହ କେନ୍ଦ୍ର ମନ୍ତ୍ରୀ ପୀୟୁଷ ଗୋଏଲ କହିଛନ୍ତି ଯେ ଜଣେ ପ୍ରତିଷ୍ଠିତ ବିରୋଧୀଦଳ ନେତା ବିଦେଶ ଯାଇ ଭାରତୀୟ ଗଣତନ୍ତ୍ର ଉପରେ ଆକ୍ରମଣ କରୁଛନ୍ତି । ସେ ଭାରତ ଏବଂ ସଂସଦର ଲୋକଙ୍କୁ ଅପମାନିତ କରିଛନ୍ତି । ଭାରତରେ ବାକ୍ ସ୍ୱାଧୀନତା ଅଛି ଏବଂ ସାଂସଦମାନେ ସଂସଦରେ କଥା ହୋଇପାରିବେ । ଭାରତ ଉପରେ ଏଭଳି ମନ୍ତବ୍ୟ ଦେବାକୁ ତାଙ୍କର କୌଣସି ଅଧିକାର ନାହିଁ । ରାହୁଲ ଗାନ୍ଧୀ ସଂସଦରେ କ୍ଷମା ପ୍ରାର୍ଥନା କରିବା ଉଚିତ୍ ।

କେନ୍ଦ୍ର ମନ୍ତ୍ରୀ ଗିରିରାଜ ସିଂହ କହିଛନ୍ତି ଯେ ଲଣ୍ଡନରେ ରାହୁଲ ଗାନ୍ଧୀ କହିଛନ୍ତି ଯେ ସାଂସଦମାନଙ୍କୁ ସଂସଦରେ କହିବାକୁ ଅନୁମତି ନାହିଁ । ଏହା ଲୋକସଭା ପାଇଁ ଅପମାନ । ଯେତେବେଳେ ଜଣେ ବ୍ୟକ୍ତି ଦେଶ ବାହାରେ ପ୍ରଧାନମନ୍ତ୍ରୀଙ୍କୁ ଅପମାନ କରନ୍ତି, ସେତେବେଳେ ସେ ଦେଶକୁ ଅପମାନିତ କରନ୍ତି । ଯେଉଁମାନେ ଲୋକସଭାରେ ଘଣ୍ଟା ଘଣ୍ଟା ଧରି ବିବୃତ୍ତି ଦିଅନ୍ତି ଏବଂ ବିଦେଶ ଯାଇ କୁହନ୍ତି ଯେ ଲୋକଙ୍କୁ କହିବାକୁ ଅନୁମତି ନାହିଁ, ଲୋକସଭା ବାଚସ୍ପତି ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ୍ ।

ସେହିପରି, ବିରୋଧୀ ଦଳ ଆଦାନୀ ମାମଲା କେନ୍ଦ୍ର ସରକାରଙ୍କ ବିରୋଧରେ ପ୍ରତିବାଦ କରିଛନ୍ତି । ହଟ୍ଟଗୋଳ ମଧ୍ୟରେ ରାଜ୍ୟସଭା ମଧ୍ୟ ଅପରାହ୍ନ 2ଟା ପର୍ଯ୍ୟନ୍ତ ମୁଲତବୀ ରଖାଯାଇଛି । ମିଳିଥିବା ସୂଚନା ସଦ୍ୟତମ ସୂଚନା ଅନୁସାରେ, ରାଜ୍ୟସଭାର ବିରୋଧୀ ସଦସ୍ୟମାନେ ବିଜୟ ଛକରୁ ପଦଯାତ୍ରାରେ ଯାଇ ସାମ୍ବାଦିକ ସମ୍ମିଳନୀ କରିବେ ।