ରାଜ୍ୟସଭା ନିର୍ବାଚନ 2022 : ବିନା ନିର୍ବାଚନରେ ଜିତିଲେ ସିବଲ, ଚିଦାମ୍ବରମଙ୍କ ସମେତ 41 ଜଣ ପ୍ରାର୍ଥୀ

ଉତ୍ତରପ୍ରଦେଶରେ ସମସ୍ତ 11 ପ୍ରାର୍ଥୀ, ତାମିଲନାଡୁରେ 6 ଜଣ, ବିହାରରେ ପାଞ୍ଚ ଜଣ, ଆନ୍ଧ୍ରପ୍ରଦେଶରେ ଚାରିଜଣ, ମଧ୍ୟପ୍ରଦେଶ ଏବଂ ଓଡିଶାରେ ତିନିଜଣ, ଛତିଶଗଡ, ପଞ୍ଜାବ, ତେଲେଙ୍ଗାନା ଏବଂ ଝାଡଖଣ୍ଡରେ ଦୁଇଜଣ ଲେଖାଏଁ ଏବଂ ଉତ୍ତରାଖଣ୍ଡର ଜଣେ ପ୍ରାର୍ଥୀ ବିଜୟୀ ହୋଇଛନ୍ତି

Published: Saturday, June 4, 2022, 11:05 [IST]

ନୂଆଦିଲ୍ଲୀ : 2022 ରାଜ୍ୟସଭା ନିର୍ବାଚନ ପୂର୍ବରୁ 11 ଟି ରାଜ୍ୟରୁ 41 ଜଣ ପ୍ରାର୍ଥୀଙ୍କୁ ରାଜ୍ୟସଭା ନିର୍ବାଚନରେ ବିନା ପ୍ରତିଦ୍ୱନ୍ଦିତା ଭାବେ ନିର୍ବାଚିତ ଘୋଷିତ କରାଯାଇଛି । ଅର୍ଥାତ୍ ରାଜ୍ୟସଭା ନିର୍ବାଚନରେ 41 ଜଣ ପ୍ରାର୍ଥୀ ବିନା ନିର୍ବାଚନରେ ଜିତିଛନ୍ତି । 15 ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର 57 ଟି ରାଜ୍ୟସଭା ଆସନ ପାଇଁ ନିର୍ବାଚନ ଜୁନ୍ 10 ରେ ଅନୁଷ୍ଠିତ ହେବ । ଗତ ଦିନରେ କୌଣସି ପ୍ରାର୍ଥୀ ପ୍ରାର୍ଥୀପତ୍ର ପ୍ରତ୍ୟାହାର କରିନଥିବାରୁ ହରିୟାଣା, ରାଜସ୍ଥାନ, କର୍ଣ୍ଣାଟକ ଏବଂ ମହାରାଷ୍ଟ୍ରରେ କଡ଼ା ଟକ୍କର ହେବ ବୋଲି କୁହାଯାଉଛି ।

ଉତ୍ତରପ୍ରଦେଶରେ ସମସ୍ତ 11 ପ୍ରାର୍ଥୀ, ତାମିଲନାଡୁରେ 6 ଜଣ, ବିହାରରେ ପାଞ୍ଚ ଜଣ, ଆନ୍ଧ୍ରପ୍ରଦେଶରେ ଚାରିଜଣ, ମଧ୍ୟପ୍ରଦେଶ ଏବଂ ଓଡିଶାରେ ତିନିଜଣ, ଛତିଶଗଡ, ପଞ୍ଜାବ, ତେଲେଙ୍ଗାନା ଏବଂ ଝାଡଖଣ୍ଡରେ ଦୁଇଜଣ ଲେଖାଏଁ ଏବଂ ଉତ୍ତରାଖଣ୍ଡର ଜଣେ ପ୍ରାର୍ଥୀ ବିନା ପ୍ରତିଦ୍ୱନ୍ଦୀରେ ଜିତିଛନ୍ତି ।

ଉତ୍ତରପ୍ରଦେଶରୁ ସମାଜବାଦୀ ପାର୍ଟି ପ୍ରାର୍ଥୀ ଜାଭେଦ୍ ଅଲି, ଆରଏଲଡିର ଜୟନ୍ତ ଚୌଧୁରୀ ଏବଂ ସପା ସମର୍ଥିତ କପିଲ ସିବଲ ଜିତିଛନ୍ତି । ବିଜେପିର ପୂର୍ବତନ ବିଧାୟକ ଡକ୍ଟର ରାଧା ମୋହନ ଦାସ ଅଗ୍ରୱାଲ, ପୂର୍ବତନ ବିଧାୟକ ସଂଗୀତା ଯାଦବ, ବିଜେପି ଓବିସି ମୋର୍ଚ୍ଚା ରାଷ୍ଟ୍ରୀୟ ସଭାପତି ଡ କେ ଲକ୍ଷ୍ମଣ, ପୂର୍ବତନ ସାଂସଦ ମିଥିଲେଶ କୁମାର, ବିଜେପିର ପୂର୍ବତନ ପ୍ରଦେଶ ଅଧ୍ୟକ୍ଷ ଡକ୍ଟର ଲକ୍ଷ୍ମୀକାନ୍ତ ବାଜପେୟୀ, ମହିଳା ମୋର୍ଚ୍ଚାର ପୂର୍ବତନ ଅଧ୍ୟକ୍ଷ ଦର୍ଶନା ସିଂ, ବିକାଶ କର୍ପୋରେସନ୍ ସଭାପତି ବାବୁରାମ ନିଶାଦ, ରାଜ୍ୟସଭା ସଦସ୍ୟ ସୁରେନ୍ଦ୍ର କୁମାର ନାଗର ରାଜ୍ୟସଭାରେ ପହଞ୍ଚିଛନ୍ତି ।
ଓଡ଼ିଶାରୁ ବିଜୁ ଜନତା ଦଳର ମୁଖପାତ୍ର ସସ୍ମିତ ପାତ୍ର, ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ, ମୁଖପାତ୍ର ସୁଲତା ଦେଓ ବିନା ପ୍ରତିଦ୍ୱନ୍ଦିତାରେ ରାଜ୍ୟସବାକୁ ନିର୍ବାଚିତ ହୋଇଛନ୍ତି ।
ବିହାରରୁ ଆରଜେଡ଼ିର ମୀସା ଭାରତୀ, ଫୈୟାଜ ଅହମ୍ମଦ, ବିଜେପିର ସତୀଶ ଚନ୍ଦ୍ର ଦୁବେ ଏବଂ ଶମ୍ଭୁ ଚରଣ ପଟେଲ, ଜେଡିୟୁରୁ ଖିରୁ ମହତୋ ଜିତିଛନ୍ତି ।
YSR କଂଗ୍ରେସର ଭି ବିଡା ମସ୍ତାନ ରାଓ, ଆର କୃଷ୍ଣାୟ ଏବଂ ଏସ ନିରଂଜନ ରେଡ୍ଡୀ, ବିଜୟ ସାଇ ରେଡ୍ଡୀ ଆନ୍ଧ୍ରପ୍ରଦେଶରୁ ରାଜ୍ୟସଭାରେ ପହଞ୍ଚିଛନ୍ତି ।
ପଞ୍ଜାବରୁ ଆମ୍ ଆଦମୀ ପାର୍ଟିର ବଲବୀର ସିଂ ସେଚୱାଲ ଏବଂ ବ୍ୟବସାୟୀ ବିକ୍ରମଜିତ ସିଂହ ସାହନି ଜିତିଛନ୍ତି ।
ତାମିଲନାଡୁରୁ ଏଆଇଜିଏମକେର ସିଭି ଶଣମୁଗମ୍ ଏବଂ ଆର ଧରମର, କଂଗ୍ରେସରୁ ପି ଚିଦାମ୍ବରମ୍ ଏବଂ ଜିଏମକେର ଆର୍ ଗିରିରାଜନ୍, କେ.ଆର.ଏନ୍ ରାଜେଶ କୁମାର ଏବଂ ଏସ କଲ୍ୟାଣସୁନ୍ଦରମ୍ ରାଜ୍ୟସଭାକୁ ଯାଇଛନ୍ତି ।
ଝାଡଖଣ୍ଡରୁ କେବଳ ଜେଏମଏମର ମହୁଆ ମାଜି ଏବଂ ବିଜେପିର ଆଦିତ୍ୟ ସାହୁ ଜିତିଛନ୍ତି ।
ବିଜେପିର ସୁମିତ୍ରା ବାଲ୍ମିକୀ ଏବଂ ମଧ୍ୟପ୍ରଦେଶର କବିତା ପାଟିଡା ଏବଂ କଂଗ୍ରେସରୁ ବିଜୟ ତନଖା ରାଜ୍ୟସଭାରେ ପହଞ୍ଚିଛନ୍ତି ।
ଛତିଶଗଡରୁ ରାଜୀବ ଶୁକ୍ଲା ଏବଂ କଂଗ୍ରେସର ରଣଜିତ୍ ରଞ୍ଜନ ବିଜୟୀ ହୋଇଛନ୍ତି ।
ସେହିପରି ଉତ୍ତରାଖଣ୍ଡରୁ ବିଜେପିର କଳ୍ପନା ସୈନୀ ରାଜ୍ୟସଭାକୁ ଯାଇଛନ୍ତି ।