ରାଜ୍ୟସଭା ନିର୍ବାଚନ : 16 ଆସନରୁ 9ଟି ହାତେଇଲା ବିଜେପି, ଜାଣନ୍ତୁ କେଉଁ ଆସନରେ କିଏ ହେଲେ ବିଜୟୀ
ରାଜସ୍ଥାନ, ହରିୟାଣା, ମହାରାଷ୍ଟ୍ର, କର୍ଣ୍ଣାଟକ ଚାରି ରାଜ୍ୟରେ 16 ଟି ରାଜ୍ୟସଭା ନିର୍ବାଚନ ଫଳାଫଳ ଘୋଷଣା କରାଯାଇଛି । ଏହି 16 ଟି ଆସନରୁ ଭାରତୀୟ ଜନତା ପାର୍ଟି 9 ଟି ଆସନ ଜିତିଛି । କଂଗ୍ରେସ ଖାତାକୁ ଯାଇଛି 5 ଆସନ ।
ନୂଆଦିଲ୍ଲୀ : ରାଜସ୍ଥାନ, ହରିୟାଣା, ମହାରାଷ୍ଟ୍ର, କର୍ଣ୍ଣାଟକ ଚାରି ରାଜ୍ୟରେ 16 ଟି ରାଜ୍ୟସଭା ନିର୍ବାଚନ ଫଳାଫଳ ଘୋଷଣା କରାଯାଇଛି । ଏହି 16 ଟି ଆସନରୁ ଭାରତୀୟ ଜନତା ପାର୍ଟି 9 ଟି ଆସନ ଜିତିଛି । କଂଗ୍ରେସ ଖାତାକୁ ଯାଇଛି 5 ଆସନ । 16 ଟି ଆସନ ପାଇଁ କଂଗ୍ରେସ ଏବଂ ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ମହାରାଷ୍ଟ୍ରର 6 ଟି, କର୍ଣ୍ଣାଟକର 4 ଟି, ରାଜସ୍ଥାନରେ 4 ଟି ଏବଂ ହରିୟାଣାର 2 ଟି ଆସନ ପାଇଁ ନିର୍ବାଚନ ହୋଇଥିଲା । ରାଜସ୍ଥାନରେ କଂଗ୍ରେସ ତିନୋଟି ରାଜ୍ୟସଭା ଆସନ ପାଇଥିବାବେଳେ ବିଜେପି କେବଳ ଗୋଟିଏ ଜିତିପାରିଛି । ମହାରାଷ୍ଟ୍ରରେ ବିଜେପି 3 ଟି ଆସନ ପାଇଛି । ବିଜେପି ହରିୟାଣାରେ ଦୁଇଟି ରାଜ୍ୟସଭା ଆସନ ଜିତିଛି । କର୍ଣ୍ଣାଟକରେ ବିଜେପି ପ୍ରତିଦ୍ୱନ୍ଦ୍ୱିତା କରିଥିବା ତିନୋଟି ଆସନରେ ଜିତିଛି ।
ମହାରାଷ୍ଟ୍ରରେ ବିଜେପିର ପୀୟୁଷ ଗୋୟଲ, ଡ଼ ଅନିଲ ବୋଣ୍ଡେ, ବିଜେପିର ଧନଞ୍ଜୟ ମହାଦିକ ଜିତିଛନ୍ତି । କଂଗ୍ରେସର ନେତା ଇମ୍ରାନ ପ୍ରତାପଗରୀ, ଶିବସେନାର ସଞ୍ଜୟ ରାଉତ ଏବଂ ଏନସିପିର ପ୍ରଫୁଲ୍ଲ ପଟେଲ ରାଜ୍ୟସଭାକୁ ନିର୍ବାଚିତ ହୋଇଛନ୍ତି ।
ରାଜସ୍ଥାନର 4 ଆସନରୁ କଂଗ୍ରେସର ରଣଦୀପ ସୁରଜେୱାଲା, ମୁକୁଲ ଭସ୍ନି, ପ୍ରମୋଦ ତିୱାରୀ ବିଜୟୀ ହୋଇଛନ୍ତି । ବିଜେପିର ଘନଶ୍ୟାମ ତିୱାରୀ ଗୋଟିଏ ଆସନରୁ ବିଜୟୀ ହୋଇଛନ୍ତି ।
କର୍ଣ୍ଣାଟକର 4 ଆସନରୁ ବିଜେପି ତିନୋଟି ଆସନ ଓ କଂଗ୍ରେସ ଗୋଟିଏ ଆସନରେ ବିଜୟୀ ହୋଇଛି । ବିଜେପିର ନିର୍ମଳା ସୀତାରମଣ, ଜଗେଶ, ଲହର ସିଂ ସିରୋୟା ଏବଂ କଂଗ୍ରେସର ମସୁର ଅଲି ଖାନ ଜିତିଛନ୍ତି ।
ହରିୟାଣାରେ ବିଜେପିର କୃଷ୍ଣ ଲାଲ ପନୱାର ଜିତିଥିବା ବେଳେ ବିଜେପି ସମର୍ଥିତ ସ୍ୱାଧୀନ ପ୍ରାର୍ଥୀ କାର୍ତ୍ତିକେୟ ଶର୍ମା ରାଜ୍ୟସଭାକୁ ନିର୍ବାଚିତ ହୋଇଛନ୍ତି ।
Click it and Unblock the Notifications
Sign in with Google