ଦଳ ଭାଙ୍ଗିଲେ ସୁପରଷ୍ଟାର ରଜନୀକାନ୍ତ, ରାଜନୀତିରେ ପ୍ରବେଶ କରିବେ ନାହିଁ ବୋଲି କଲେ ଘୋଷଣା

ସୁପରଷ୍ଟାର ଅଭିନେତା ରଜନୀକାନ୍ତ ସୋମବାର ତାଙ୍କ ପାର୍ଟୀ 'ରଜନୀ ମକ୍କଲ ମନ୍ଦ୍ରମ'କୁ ବନ୍ଦ କରିଛନ୍ତି । ଏହା ସହ ରଜନୀକାନ୍ତ କହିଛନ୍ତି ଯେ ସେ ରାଜନୀତିରେ ପ୍ରବେଶ କରିବେ ନାହିଁ ।

ଚେନ୍ନାଇ : ସୁପରଷ୍ଟାର ଅଭିନେତା ରଜନୀକାନ୍ତ ସୋମବାର ତାଙ୍କ ପାର୍ଟୀ 'ରଜନୀ ମକ୍କଲ ମନ୍ଦ୍ରମ'କୁ ବନ୍ଦ କରିଛନ୍ତି । ଏହା ସହ ରଜନୀକାନ୍ତ କହିଛନ୍ତି ଯେ ସେ ରାଜନୀତିରେ ପ୍ରବେଶ କରିବେ ନାହିଁ । 'ରଜନୀ ମନ୍ଦ୍ରମ' ପାର୍ଟିକୁ ଭାଙ୍ଗି ରଜନୀକାନ୍ତ କହିଛନ୍ତି ଯେ ଭବିଷ୍ୟତରେ ରାଜନୀତିରେ ଯୋଗଦେବା ପାଇଁ ମୋର କୌଣସି ଯୋଜନା ନାହିଁ । ମୁଁ ରାଜନୀତିରେ ପାଦ ଦେବି ନାହିଁ । ରଜନୀକାନ୍ତ 'ରଜନୀ ମକ୍କଲ ମନ୍ଦ୍ରମ' ପାର୍ଟିର ଅଧିକାରୀଙ୍କ ସହ ଆଲୋଚନା କରିବା ପରେ ଏହି ନିଷ୍ପତ୍ତି ନେଇଛନ୍ତି। ରଜନୀକାନ୍ତ ତାଙ୍କ ପ୍ରଶଂସକଙ୍କ ସହ ବୈଠକ ମଧ୍ୟ କରିଛନ୍ତି ।

ରଜନୀକାନ୍ତ 29 ଡିସେମ୍ବର 2020 ରେ ଘୋଷଣା କରିଥିଲେ ଯେ ସେ ସକ୍ରିୟ ରାଜନୀତିରେ ପ୍ରବେଶ କରିବେ । ତେବେ ପୁନର୍ବାର ସ୍ୱାସ୍ଥ୍ୟଗତ ସମସ୍ୟା ହେତୁ ସେ କହିଛନ୍ତି ଯେ ସେ ରାଜନୈତିକ ଦଳ ଆରମ୍ଭ କରୁ ନ ଥିବାରୁ ଦୁଃଖିତ ।

ରଜନୀକାନ୍ତ 2020 ମସିହାରେ ଟ୍ୱିଟର ହ୍ୟାଣ୍ଡେଲରେ ଏକ ଚିଠି ଜାରି କରିଥିଲେ । ଯେଉଁଥିରେ ରଜନୀକାନ୍ତ ଲେଖିଥିଲେ, ମୁଁ ମୋର ରାଜନୈତିକ ଇନିଂସ ଆରମ୍ଭ କରିବି ନାହିଁ ବୋଲି ସୂଚନା ଦେଇ ମୁଁ ବହୁତ ଦୁଃଖିତ । ମୁଁ ଏହି ନିଷ୍ପତ୍ତି ନେଇଛି । କିନ୍ତୁ ଏହି ସମୟରେ ମୋର ପ୍ରାଥମିକତା ହେଉଛି ସ୍ୱାସ୍ଥ୍ୟ ।

ଆମେରିକାରେ ସ୍ୱାସ୍ଥ୍ୟ ଯାଞ୍ଚ ପରେ ରଜନୀକାନ୍ତ ଚେନ୍ନାଇକୁ ଫେରିଛନ୍ତି । ରଜନୀକାନ୍ତ ଗତ ଶୁକ୍ରବାର ସକାଳେ ଆମେରିକାରୁ ଫେରିଥିଲେ।

English summary

Rajinikanth Dissolves His Party RMM