କଂଗ୍ରେସ ଅଧ୍ୟକ୍ଷ ନିର୍ବାଚନ ଲଢିବେନି ଅଶୋକ ଗେହଲଟ୍, ସୋନିଆ ଗାନ୍ଧୀଙ୍କୁ ମାଗିଲେ କ୍ଷମା
କଂଗ୍ରେସରେ ହେବାକୁ ଥିବା ଅଧ୍ୟକ୍ଷ ନିର୍ବାଚନ ଦୌଡ଼ରୁ ଓହରିଗଲେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ । ସୋନିଆ ଗାନ୍ଧୀଙ୍କ ସହ ରାଜସ୍ଥାନ ମୁଖ୍ୟମନ୍ତ୍ରୀଙ୍କ ବୈଠକ ଶେଷ ହେବା ପରେ ଅଶୋକ ଗଣମାଧ୍ୟମ ସହ କଥାବାର୍ତ୍ତା ବେଳେ ଏନେଇ ଘୋଷଣା କରିଛନ୍ତି ।
ନୂଆଦିଲ୍ଲୀ : କଂଗ୍ରେସରେ ହେବାକୁ ଥିବା ଅଧ୍ୟକ୍ଷ ନିର୍ବାଚନ ଦୌଡ଼ରୁ ଓହରିଗଲେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ । ସୋନିଆ ଗାନ୍ଧୀଙ୍କ ସହ ରାଜସ୍ଥାନ ମୁଖ୍ୟମନ୍ତ୍ରୀଙ୍କ ବୈଠକ ଶେଷ ହେବା ପରେ ଅଶୋକ ଗଣମାଧ୍ୟମ ସହ କଥାବାର୍ତ୍ତା ବେଳେ ଏନେଇ ଘୋଷଣା କରିଛନ୍ତି । ସେ କହିଛନ୍ତି ଯେ ସେ ଆଉ କଂଗ୍ରେସ ଅଧ୍ୟକ୍ଷ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ଏଥିସହ ଗତ କିଛି ଦିନ ମଧ୍ୟରେ ରାଜସ୍ଥାନରେ ଘଟିଥିବା ରାଜନୈତିକ ଘଟଣା ପାଇଁ ସେ ସୋନିଆ ଗାନ୍ଧୀଙ୍କ ନିକଟରେ କ୍ଷମା ମାଗିଛନ୍ତି ।
ଗଣମାଧ୍ୟମ ସହ କଥାବାର୍ତ୍ତା ବେଳେ ଅଶୋକ ଗେହଲଟ୍ ଆହୁରି କହିଛନ୍ତି ଯେ ମୁଁ ଦଶନ୍ଧି ଧରି କଂଗ୍ରେସ ଦଳର ଜଣେ ବିନମ୍ର କର୍ମୀ ରହିଛି । କିଛି ଦିନ ପୂର୍ବରୁ ଜୟପୁରରେ ଘଟିଥିବା ଘଟଣା ପାଇଁ ମୁଁ ସୋନିଆ ଗାନ୍ଧୀଙ୍କୁ କ୍ଷମା ମାଗିଛି । ଆହୁରି ମଧ୍ୟ, ଯେତେବେଳେ ମୁଁ କୋଚିରେ ରାହୁଲ ଗାନ୍ଧୀଙ୍କୁ ଭେଟି କଂଗ୍ରେସ ଅଧ୍ୟକ୍ଷ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଅନୁରୋଧ କଲି, ସେତେବେଳେ ସେ କହିଥିଲେ ଯେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ଏବଂ ସେ ମୋତେ ପ୍ରତିଦ୍ୱନ୍ଦ୍ୱିତା କରିବାକୁ କହିଥିଲେ, କିନ୍ତୁ ବର୍ତ୍ତମାନ ମୁଁ ଏହା ସ୍ପଷ୍ଟ କରିବାକୁ ଚାହୁଁଛି ମୁଁ ଏହି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ ।
ମୁଖ୍ୟମନ୍ତ୍ରୀ ରହିବେ କି ନାହିଁ ?
ଆପଣଙ୍କୁ କହି ରଖୁଛୁ ସୋନିଆ ଗାନ୍ଧୀଙ୍କ ସହ ଅଶୋକ ଗେହଲଟଙ୍କ ସାକ୍ଷାତ ପ୍ରାୟ ଦେଢ ଘଣ୍ଟା ଧରି ଚାଲିଥିଲା । ଏହି ବୈଠକ ବିଷୟରେ ପୂର୍ବରୁ କଳ୍ପନାଜଳ୍ପନା ଥିଲା ଯେ ଏହି ବୈଠକରୁ କିଛି ବଡ ଖବର ନିଶ୍ଚିତ ଭାବରେ ବାହାରକୁ ଆସିପାରେ । ଏହି ବୈଠକ ଶେଷ ହେବା ପରେ ଗେହଲୋଟ୍ ସ୍ପଷ୍ଟ କରିଛନ୍ତି ଯେ ସେ ଆଉ ଅଧ୍ୟକ୍ଷ ନିର୍ବାଚନ ଦୌଡ଼ରେ ରହିବେ ନାହିଁ । ଏହି ସମୟରେ ସେ ଆହୁରି ମଧ୍ୟ କହିଛନ୍ତି ଯେ ରାଜସ୍ଥାନର ମୁଖ୍ୟମନ୍ତ୍ରୀ ମୁଁ ରହିବି କି ନାହିଁ ତାହା ସୋନିଆ ଗାନ୍ଧୀ ସ୍ଥିର କରିବେ । କିନ୍ତୁ ମୁଁ ମୁଖ୍ୟମନ୍ତ୍ରୀ ରହିବାକୁ ଚାହୁଁଛି ।
ଉଲ୍ଲେଖଯୋଗ୍ୟ, ଅଶୋକ ଗେହଲୋଟ୍ ସିଏମ୍ ରହିବେ କି ନାହିଁ ତାହା ସୋନିଆ ଗାନ୍ଧୀ ସ୍ଥିର କରିବେ, ତଥାପି କଂଗ୍ରେସ ଅଧ୍ୟକ୍ଷ ପଦ ପାଇଁ ଦୁଇଜଣ ପ୍ରତିଯୋଗୀ ଅଛନ୍ତି । ସେଥିମଧ୍ୟରୁ ଜଣେ ଶଶି ଥରୁର ଏବଂ ଅନ୍ୟ ଜଣେ ହେଉଛନ୍ତି କଂଗ୍ରେସର ବରିଷ୍ଠ ନେତା ଦିଗବିଜୟ ସିଂହ । ସିଂହ ଶୁକ୍ରବାର ଦିନ ତାଙ୍କ ନାମାଙ୍କନ ଦାଖଲ କରିପାରନ୍ତି ।
Click it and Unblock the Notifications
Sign in with Google