ଯେଉଁ ବିଲ୍ ଚିରି ଦେଇଥିଲେ, ସେହି ବିଲ୍ ପାଇଁ ଆଜି ଚାଲିଗଲା ରାହୁଲଙ୍କ ସଦସ୍ୟତା
2013 ରେ ଯେଉଁ ବିଲ୍ କୁ ବିରୋଧ କରି ଚିରି ଦେଇଥିଲେ ରାହୁଲ ଗାନ୍ଧୀ ସେହି ବିଲ୍ ପାଇଁ ଆଜି ସଦସ୍ୟତା ପଦ ହରାଇଲେ ରାହୁଲ ଗାନ୍ଧୀ । ଯଦି ସେଦିନ ସେହି ବିଲ୍ କୁ କଂଗ୍ରେସ ସରକାର ପାରିତ କରିଦେଇଥାନ୍ତେ ତେବେ ଆଜି ରାହୁଲ ଗାନ୍ଧୀ ନିଦ ସାସଂଦ ପଦ ହରାଇନଥାନ୍ତେ । ତେବେ କଣ ଥିଲା ସେହି ବିଲ୍, ଯାହାକି ରାହୁଲଙ୍କ ପାଇଁ ବର୍ତ୍ତମାନ ଅଭିଷାପ ସାଜିଛି ଆସନ୍ତି ସେ ବିଷୟରେ ଜାଣିବା ।
ଦୋଷୀ ସାବ୍ୟସ୍ତ ହୋଇଥିବା ସାଂସଦମାନଙ୍କୁ ତୁରନ୍ତ ଅଯୋଗ୍ୟତାରୁ ରକ୍ଷା କରିବା ପାଇଁ ୟୁପିଏ ସରକାର ଆଣିଥିବା ଏକ ଆଦେଶକୁ କଂଗ୍ରେସ ନେତା ରାହୁଲ ଗାନ୍ଧୀ ପ୍ରତ୍ୟାଖ୍ୟାନ କରିଥିଲେ । ଏପରିକି ଗଣମାଧ୍ୟମ ସହ କଥାବାର୍ତ୍ତା ସମୟରେ ଏହାକୁ ସର୍ବସାଧାରଣରେ ଚିରି ଦେଇଥିଲେ । ଶେଷରେ ଏହାକୁ ପ୍ରତ୍ୟାହାର କରାଯାଇଥିଲା । ଯଦି ଏହି ବିଲ୍ 2013 ରେ ପାରିତ ହୋଇଥାନ୍ତା ତେବେ ଆଜି ରାହୁଲ ଏହା ବଳରେ ସଂସଦ ପଦରେ ରହିପାରିଥାନ୍ତେ ।
ଲିଲି ଥୋମାସ୍ ବନାମ ୟୁନିଅନ୍ ଅଫ୍ ଇଣ୍ଡିଆ ମାମଲାରେ 2013 ର ଏକ ରାୟରେ ସୁପ୍ରିମକୋର୍ଟ ଲୋକ ପ୍ରତିନିଧୀଙ୍କ ଅଧିନିୟମର ଧାରା 8 (4) କୁ ଅସାମ୍ବିଧାନିକ ବୋଲି ଖଣ୍ଡନ କରିଥିଲେ। ଏଥିରେ ଦର୍ଶାଯାଇଥିଲା ଯେ ଯଦି ଗୃହର ଜଣେ ସଦସ୍ୟ ଦଣ୍ଡନୀୟ ଅପରାଧରେ ଦୋଷୀ ସାବ୍ୟସ୍ତ ହୋଇ ଦୁଇ ବର୍ଷରୁ ଅଧିକ ସମୟ ପାଇଁ ଦଣ୍ଡିତ ହୁଅନ୍ତି, ଏବଂ ଦୋଷୀ ସାବ୍ୟସ୍ତ ହେବାର ତିନିମାସ ମଧ୍ୟରେ ଆବେଦନ କରିବେ, ତାଙ୍କୁ ଗୃହରେ ସଦସ୍ୟତାରୁ ଅଯୋଗ୍ୟ କରାଯିବ ନାହିଁ ।
ଏହାର ଅର୍ଥ ହେଉଛି ଯେ ଏହିପରି ସାଂସଦଙ୍କ ନିକଟରେ ଆବେଦନ କରିବା ପର୍ଯ୍ୟାପ୍ତ ହେବ ନାହିଁ, କିନ୍ତୁ ସେମାନଙ୍କୁ ମଧ୍ୟ ଏହି ମାମଲାରେ ନିଜକୁ ନିର୍ଦ୍ଦୋଷ ସାବ୍ୟସ୍ତ କରିବାକୁ ପଡିବ । ସେହି ବର୍ଷ ୟୁପିଏ ସରକାର ଧାରା 8(4) ବଜାୟ ରଖିବା ପାଇଁ ଏକ ନିର୍ଦ୍ଦେଶନାମା ଜାରି କରିଥିଲେ, କିନ୍ତୁ ରାହୁଲ ଗାନ୍ଧୀ ଏହି ନିୟମ ସମ୍ପୂର୍ଣ୍ଣ ଅର୍ଥହୀନ ବୋଲି କହିଥିଲେ । ଏପରିକି ସେ ଏହି ବିଲ୍ କୁ ଚିରି ଫୋପାଡ଼ି ଦେଇଥିଲେ ।
ପ୍ରଧାନମନ୍ତ୍ରୀ ମନମୋହନ ସିଂହ ବିଦେଶ ଗସ୍ତରେ ଥିବା ସମୟରେ ଏହି ବିଲ୍ ଅଣାଯାଇଥିଲା । ଏହା ସରକାରଙ୍କୁ ବହୁତ ଲଜ୍ଜିତ କରିଥିଲା ଏବଂ ଶେଷରେ ପ୍ରତ୍ୟାହାର କରି ନିଆଯାଇଥିଲା । ପରିବର୍ତ୍ତିତ ଆଇନ ଅନୁଯାୟୀ 2013 ରେ କଂଗ୍ରେସ ସାଂସଦ ରସିଦ ମାସୁଦଙ୍କ ଠାରୁ ଆରମ୍ଭ କରି ଅନେକ ରାଜନେତା ଅଯୋଗ୍ୟ ଘୋଷିତ ହୋଇଥିଲେ । ରାଜ୍ୟସଭା ସଦସ୍ୟ ମାସୁଦଙ୍କୁ 2013 ରେ ଅଯୋଗ୍ୟ ଘୋଷଣା କରାଯାଇଥିଲା । ଭି ପି ସିଂହ ସରକାରରେ ସେ (1989-90) ସେ ଜଣେ ମନ୍ତ୍ରୀ ଥିଲେ ।
ଅଯୋଗ୍ୟ ହୋଇଥିବା ଅନ୍ୟମାନଙ୍କ ମଧ୍ୟରେ ଆରଜେଡି ମୁଖ୍ୟ ଲାଲୁ ପ୍ରସାଦ ଏବଂ ଜେଡିୟୁ ର ଜଗଦୀଶ ଶର୍ମା ମଧ୍ୟ ଅଛନ୍ତି, ଯେଉଁମାନେ ଚାରା ସ୍କାମ ମାମଲାରେ ଦୋଷୀ ସାବ୍ୟସ୍ତ ହେବା ପରେ ଲୋକସଭା ସଦସ୍ୟ ଭାବରେ ଅଯୋଗ୍ୟ ହୋଇଥିଲେ ।
ଲୋକସଭାର ପ୍ରତିନିଧି ଅଧିନିୟମର ଧାରା 8 ଅନୁଯାୟୀ, ଯଦି ଦୋଷୀ ସାବ୍ୟସ୍ତ ହୋଇ ଦୁଇ ବର୍ଷ କିମ୍ବା ତା'ଠାରୁ ଅଧିକ କାରାଦଣ୍ଡରେ ଦଣ୍ଡିତ ହୁଅନ୍ତି, ତେବେ ସଦସ୍ୟତା ପଦ ରଦ୍ଦ ହେବ । ଏପରିକି ଏହା ପରେ 6 ବର୍ଷ ପର୍ଯ୍ୟନ୍ଚ ନିର୍ବାଚନରେ ପ୍ରତିଦ୍ୱନ୍ଦିତା କରିବା ଉପରେ ରୋକ୍ ଲାଗିଯାଏ ।
Click it and Unblock the Notifications
Sign in with Google