ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ରାହୁଲ ଗାନ୍ଧୀଙ୍କ ଚିଠି, କୃଷକମାନଙ୍କ ପାଇଁ କଲେ ଏହି ସବୁ ଦାବି
କଂଗ୍ରେସ ନେତା ରାହୁଲ ଗାନ୍ଧୀ ଗୁରୁବାର (ଜୁଲାଇ 29) ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି କୃଷକଙ୍କ ସ୍ୱଳ୍ପକାଳୀନ ଫସଲ ଋଣ ଦେବାର ସମୟସୀମା 31 ଡିସେମ୍ବର 2021 ପର୍ଯ୍ୟନ୍ତ ବୃଦ୍ଧି କରିବାକୁ କହିଛନ୍ତି ।
ନୂଆଦିଲ୍ଲୀ : କଂଗ୍ରେସ ନେତା ରାହୁଲ ଗାନ୍ଧୀ ଗୁରୁବାର (ଜୁଲାଇ 29) ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି କୃଷକଙ୍କ ସ୍ୱଳ୍ପକାଳୀନ ଫସଲ ଋଣ ଦେବାର ସମୟସୀମା 31 ଡିସେମ୍ବର 2021 ପର୍ଯ୍ୟନ୍ତ ବୃଦ୍ଧି କରିବାକୁ କହିଛନ୍ତି । ରାହୁଲ ଗାନ୍ଧୀ ତାଙ୍କ ପତ୍ରରେ ମଧ୍ୟ ଏହିପରି ଋଣ ଉପରେ ସମସ୍ତ ଦଣ୍ଡାତ୍ମକ ସୁଧ ଛାଡ଼ କରିବାକୁ ଦାବି କରିଛନ୍ତି । କ୍ରମାଗତ କରୋନା ମହାମାରୀ ଯୋଗୁଁ ସାରା ଦେଶରେ କୃଷକମାନେ ଗୁରୁତର ଅର୍ଥନୈତିକ ସମସ୍ୟାର ସମ୍ମୁଖୀନ ହେଉଛନ୍ତି, ଏଭଳି ପରିସ୍ଥିତିରେ ଋଣ ପରିଶୋଧ କରିବା ସେମାନଙ୍କ ପାଇଁ କଷ୍ଟକର ହୋବ ବୋଲି ରାହୁଲ ଗାନ୍ଧୀ କହିଛନ୍ତି ।
ରାହୁଲ ଗାନ୍ଧୀ ତାଙ୍କ ଚିଠିରେ ତାଙ୍କ ନିର୍ବାଚନମଣ୍ଡଳୀ ୱାୟାନା଼ ବିଷୟରେ ମଧ୍ୟ ଉଲ୍ଲେଖ କରିଛନ୍ତି । ରାହୁଲ ଗାନ୍ଧୀ କହିଛନ୍ତି, ମୋ ନିର୍ବାଚନମଣ୍ଡଳୀ ୱାୟାନାଡରେ ବହୁ ସଂଖ୍ୟାରେ କ୍ଷୁଦ୍ର କୃଷକ ବାସ କରନ୍ତି । ରାହୁଲ କହିଛନ୍ତି, ଆପଣ ଜାଣନ୍ତି କି, 2018 ଏବଂ 2019 ରେ ଲଗାତାର ବନ୍ୟା ଯୋଗୁଁ କେରଳର ଅନେକ ସ୍ଥାନ କ୍ଷତିଗ୍ରସ୍ତ ହୋଇଥିଲା ।
ସେ ଆହୁରି କହିଛନ୍ତି ଯେ ବନ୍ୟା ପରିସ୍ଥିତିରୁ କୃଷକମାନେ ସୁସ୍ଥ ହେବା ମାତ୍ରେ କରୋନା ମହାମାରୀ ଆସିଥିଲା । ଯାହା ଚାଷୀଙ୍କ ସମସ୍ୟାକୁ ଆହୁରି ବଢାଇ ଦେଇଛି । କୋଭିଡ -19 କୃଷି ସଙ୍କଟକୁ ଗୁରୁତର ଭାବେ ବଢାଇ ଦେଇଛି । ତେଣୁ ବଢୁଥିବା କୃଷି ସଙ୍କଟର ମୁକାବିଲା ପାଇଁ ବର୍ତ୍ତମାନ କିଷାନ ସୁଧ ସବଭେନସନ୍ ସ୍କିମ୍ ଅଧୀନରେ ରିହାତି ମୂଲ୍ୟରେ ସ୍ୱଳ୍ପକାଳୀନ ଫସଲ ଋଣ ନେଇ ରାହୁଲ ପରାମର୍ଶ ଦେଇଛନ୍ତି ।
ରାହୁଲ ଗାନ୍ଧୀ କହିଛନ୍ତି, ଅନେକ ଥର ଲକଡାନ୍ ଲଗାଇବା, ବଜାର ମାନ୍ଦାସ୍ଥିତି ଇତ୍ୟାଦି ଅନେକ କାରଣ ଦେଶର ଚାଷୀଙ୍କ ଆୟ ଉପରେ ଖରାପ ପ୍ରଭାବ ପକାଇଛି । ଋଣ ବୃଦ୍ଧି ସହିତ ଭବିଷ୍ୟତର ଅର୍ଥନୈତିକ ଅନିଶ୍ଚିତତା କୃଷକଙ୍କ ଋଣ ପରିଶୋଧ କରିବାର କ୍ଷମତା ଉପରେ ମଧ୍ୟ ପ୍ରଭାବ ପକାଇଛି ବୋଲି କହିଛନ୍ତି ରାହୁଲ ଗାନ୍ଧୀ ।
Click it and Unblock the Notifications
Sign in with Google