Fuel Price : ଲଗାତାର ତୃତୀୟ ଦିନ ବୃଦ୍ଧି ପାଇଲା ପେଟ୍ରୋଲ ଏବଂ ଡିଜେଲର ଦର, କେନ୍ଦ୍ରକୁ ଟାର୍ଗେଟ୍ କଲେ ରାହୁଲ ଗାନ୍ଧୀ
ନୂଆଦିଲ୍ଲୀ : କଂଗ୍ରେସ ନେତା ରାହୁଲ ଗାନ୍ଧୀ ପୁଣି ଥରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ବୃଦ୍ଧି ନେଇ ମୋଦୀ ସରକାରଙ୍କୁ କଡ଼ା ସମାଲୋଚନା କରିଚନ୍ତି । ସେ ଟ୍ୱିଟ୍ କରି କହିଛନ୍ତି, 'ନିର୍ବାଚନ ସରିଲା, ପୁଣି ଲୁଟ୍ ଆରମ୍ଭ ହେଲା !'
ସୂଚନାଯୋଗ୍ୟ, ମେ ୨ 2 ରେ ପାଞ୍ଚଟି ରାଜ୍ୟ ନିର୍ବାଚନର ଫଳାଫଳ ଘୋଷଣା ହେବା ପରେ ସେବେଠାରୁ କ୍ରମାଗତ ଭାବେ ପେଟ୍ରୋଲ ଏବଂ ଡିଜେଲର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି । ଆଜି କ୍ରମାଗତ ତୃତୀୟ ଦିନ, ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି । ଗୁରୁବାର ଦିନ ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପ୍ରତି 25 ପଇସା ଏବଂ ଡିଜେଲ ଲିଟର ପ୍ରତି 30 ପଇସା ବୃଦ୍ଧି ପାଇଛି ।
ଏହା ପୂର୍ବରୁ ମାର୍ଚ୍ଚ 28 ରେ ଯେତେବେଳେ ଅନ୍ତର୍ଜାତୀୟ ବଜାରରେ ଅସୋଧିତ ତୈଳର ମୂଲ୍ୟ ବୃଦ୍ଧି ପାଇଥିଲା, କିନ୍ତୁ ନିର୍ବାଚନ ସମୟରେ ପେଟ୍ରୋଲ ଏବଂ ଡିଜେଲର ମୂଲ୍ୟ ହ୍ରାସ କରାଯାଇଥିଲା, ସେତେବେଳେ ମଧ୍ୟ ରାହୁଲ ଗାନ୍ଧୀ ମୋଦୀ ସରକାରଙ୍କୁ କଡ଼ା ସମାଲୋଚନା କରିଥିଲେ । ସେ ଟ୍ୱିଟ୍ କରି କହିଥିଲେ, 'ନିର୍ବାଚନ ଯୋଗୁଁ କେନ୍ଦ୍ର ସରକାର ପେଟ୍ରୋଲ-ଡିଜେଲରେ 17/18 ପଇସା ଶସ୍ତା କରିଛନ୍ତି । ଏହି ପରିମାଣର ସଞ୍ଚୟ ସହିତ ଆପଣ କ'ଣ କରିବେ ? '
चुनाव ख़त्म,
— Rahul Gandhi (@RahulGandhi) May 6, 2021
लूट फिर शुरू!#PetrolDieselPriceHike
ଆପଣଙ୍କୁ କହିରଖୁଛୁ ଯେ, ଏହା ପୂର୍ବରୁ ମଧ୍ୟ ରାହୁଲ ଗାନ୍ଧୀ ପେଟ୍ରୋଲ ଏବଂ ଡିଜେଲ ମୂଲ୍ୟରେ ମୋଦୀ ସରକାରଙ୍କୁ ଅନେକ ଥର ଆକ୍ରମଣ କରିଛନ୍ତି । ନିକଟରେ ସେ ଟ୍ୱିଟରରେ ଏକ ଖବରର ସ୍କ୍ରିନସଟ ସେୟାର କରିଥିଲେ, ଯେଉଁଥିରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ହ୍ରାସ ହେବାର ଖବର ରହିଥିଲା । ଏହି ଖବର ସହିତ ରାହୁଲ ଲେଖିଥିଲେ, କେନ୍ଦ୍ର ସରକାରଙ୍କ ଟିକସ ଆଦୟ କାରଣରୁ ଗାଡ଼ିରେ ତେଲ ଭରିବା କଷ୍ଟସାଧ୍ୱ ହୋଇପଡ଼ିଛି । ପ୍ରଧାନମନ୍ତ୍ରୀ ମୋଦୀ କାହିଁକି ଏ ବିଷୟରେ ଆଲୋଚନା କରୁ ନାହାଁନ୍ତି, ତାଙ୍କୁ ଖୋଲାଖୋଲି ଭାବେ ଏ ବିଷୟରେ କହିବାକୁ ହେବ ।
ଉଲ୍ଲେଖଥାଉ କି, ରାହୁଲ ଗାନ୍ଧୀଙ୍କ ଏହି କଥା ବର୍ତ୍ତମାନ ସତ ହେଉଥିବା ଦେଖିବାକୁ ମିଳିଛି । ନିର୍ବାଚନ ପରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି । ମାତ୍ର ତିନି ଦିନ ମଧ୍ୟରେ ପେଟ୍ରୋଲ 62 ପଇସା ଏବଂ ଡିଜେଲ ପିଛା 69 ପଇସା ମହଙ୍ଗା ହୋଇଛି ।
Click it and Unblock the Notifications
Sign in with Google