କୋଟି ଟଙ୍କା ମୂଲ୍ୟର ଡ୍ରଗ୍ସ ମିଳିବା ନେଇ ଗୁଜୁରାଟ ସରକାରକୁ ରାହୁଲଙ୍କ ପ୍ରଶ୍ନବାଣ

ରାହୁଲ ଗାନ୍ଧୀ ଆଜି କହିଛନ୍ତି ଯେ ଡବଲ ଇଞ୍ଜିନ ସରକାର (କେନ୍ଦ୍ର ତଥା ରାଜ୍ୟରେ ବିଜେପି ସରକାର) କୁ ମୋର ଏକ ପ୍ରଶ୍ନ ଯେ, ଡ୍ରଗ୍ସ-ମଦ ମାଫିଆକୁ ନିରନ୍ତର ସୁରକ୍ଷା ଦେଉଥିବା ଲୋକ କିଏ ?

ଅହମ୍ମଦାବାଦ : କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀ ଶାସକ ବିଜେପିକୁ ଲଗାତାର ଟାର୍ଗେଟ୍ କରି ଆସୁଛନ୍ତି । ବର୍ତ୍ତମାନ ରାହୁଲ ଗୁଜୁରାଟ ସରକାରଙ୍କ ଉପରେ ପ୍ରଶ୍ନବାଣ ମାରିଛନ୍ତି । ରାଜ୍ୟରେ ବାରମ୍ବାର କୋଟି କୋଟି ଟଙ୍କା ମୂଲ୍ୟର ଡ୍ରଗ୍ସ ମିଳିବା ପରେ ରାହୁଲ ଗାନ୍ଧୀ ଗୁଜୁରାଟର ବିଜେପି ସରକାର ଉପରେ ଆକ୍ରମଣ କରିଛନ୍ତି ।

ରାହୁଲ ଗାନ୍ଧୀ ଆଜି କହିଛନ୍ତି ଯେ ଡବଲ ଇଞ୍ଜିନ ସରକାର (କେନ୍ଦ୍ର ତଥା ରାଜ୍ୟରେ ବିଜେପି ସରକାର) କୁ ମୋର ଏକ ପ୍ରଶ୍ନ ଯେ, ଡ୍ରଗ୍ସ-ମଦ ମାଫିଆକୁ ନିରନ୍ତର ସୁରକ୍ଷା ଦେଉଥିବା ଲୋକ କିଏ ? ଗୋଟିଏ ବନ୍ଦରରେ ତିନି ଥର ଡ୍ରଗ୍ସ ଜବତ କରାଯିବା ସତ୍ତ୍ୱେ ସେହି ବନ୍ଦରରେ କ୍ରମାଗତ ଭାବରେ ଡ୍ରଗ୍ସ କିପରି ମିଳୁଛି ?

ଜୁଲାଇରେ ମୁଣ୍ଡ୍ରା ବନ୍ଦରରେ ଜବତ ହୋଇଥିବା ଡ୍ରଗ୍ସକୁ ନେଇ ରାହୁଲ ଗାନ୍ଧୀ ସରକାରଙ୍କୁ ପ୍ରଶ୍ନ କରିଥିଲେ । ରାହୁଲ କହିଛନ୍ତି, ଗୁଜୁରାଟରେ ଆଇନ ଶୃଙ୍ଖଳା ଶେଷ ହୋଇଛି କି ? ମାଫିଆଙ୍କର ଆଇନକୁ ଭୟ ନାହିଁ ନା ଏହା ମାଫିଆର ସରକାର ?

मेरे सवाल:

1. एक ही पोर्ट पर 3 बार ड्रग्स बरामद होने के बावजूद, उसी पोर्ट पर लगातार ड्रग्स कैसे उतर रही है?

2. क्या गुजरात में कानून व्यवस्था ख़त्म है? माफिया को कानून का कोई डर नहीं? या ये माफिया की सरकार है?#BJPDrugGate

— Rahul Gandhi (@RahulGandhi) August 1, 2022

ରାହୁଲ ଟ୍ୱିଟ୍ କରି କହିଛନ୍ତି ଯେ ଗତ ବର୍ଷ ସେପ୍ଟେମ୍ବରରେ ଗୁଜୁରାଟର ମୁଣ୍ଡ୍ରା ବନ୍ଦରରେ 3000 କିଲୋଗ୍ରାମ ଡ୍ରଗ୍ସ ମିଳିଥିଲା । ଏହାର ମୂଲ୍ୟ ପ୍ରାୟ 21 ହଜାର କୋଟି ଟଙ୍କା । ପୁଣି ଚଳିତ ବର୍ଷ ମେ ମାସରେ ସେଠାରୁ 500 କୋଟି ଟଙ୍କାର 56 କିଲୋଗ୍ରାମ ଡ୍ରଗ୍ସ ମିଳିଥିଲା । ବର୍ତ୍ତମାନ 75 କିଲୋଗ୍ରାମ ଡ୍ରଗ୍ସ ମିଳିଛି, ଯାହାର ମୂଲ୍ୟ 375 କୋଟି ବୋଲି କୁହାଯାଉଛି । ମୁଁ ପଚାରିବାକୁ ଚାହେଁ କ'ଣ ଘଟୁଛି .. ଗୁଜୁରାଟର ଯୁବକମାନଙ୍କୁ କାହିଁକି ଡ୍ରଗ୍ସରେ ପକାଯାଉଛି ?

English summary

Rahul Gandhi Targets BJP Government Over Drug Case In Gujarat