ଜେରା ପରେ ଇଡି କାର୍ଯ୍ୟାଳୟରୁ ବାହାରିଲେ ରାହୁଲ ଗାନ୍ଧୀ

ଜେରା ପରେ ପ୍ରବର୍ତ୍ତନ ନିର୍ଦେଶାଳୟ(ଇଡି) ଅଫିସ୍‌ରୁ ବାହାରିଛନ୍ତି କଂଗ୍ରେସ ସାସଂଦ ରାହୁଲ ଗାନ୍ଧୀ । ନ୍ୟାସନାଲ ହେରାଲ୍ଡ ମାମଲାରେ ପଚରାଉଚୁରା ପାଇଁ ସେ ଆଜି ଇଡି ନିକଟରେ ହାଜର ହୋଇଥିଲେ ।

ନୂଆଦିଲ୍ଲୀ : ଜେରା ପରେ ପ୍ରବର୍ତ୍ତନ ନିର୍ଦେଶାଳୟ(ଇଡି) ଅଫିସ୍‌ରୁ ବାହାରିଛନ୍ତି କଂଗ୍ରେସ ସାସଂଦ ରାହୁଲ ଗାନ୍ଧୀ । ନ୍ୟାସନାଲ ହେରାଲ୍ଡ ମାମଲାରେ ପଚରାଉଚୁରା ପାଇଁ ସେ ଆଜି ଇଡି ନିକଟରେ ହାଜର ହୋଇଥିଲେ । ତିନି ଘଣ୍ଟାର ପଚରାଉଚୁରା ପରେ ଇଡି ତାଙ୍କୁ ଛାଡ଼ି ଦେଇଛି । ତାଙ୍କ ସହିତ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ପ୍ରବର୍ତ୍ତନ ନିର୍ଦେଶାଳୟକୁ ଯାଇଥିଲେ ।

ପ୍ରବର୍ତ୍ତନ ନ‌ିର୍ଦ୍ଦେଶାଳୟ ପ୍ରଶ୍ନଗୁଡ଼ିକର ସତ ସତ ଉତ୍ତର ଦେବେ ବୋଲି ରାହୁଲ୍‌ ଗାନ୍ଧୀ ଶପଥ ନେବା ପରେ ପଚରାଉଚରା କାର୍ଯ୍ୟ ଆରମ୍ଭ ହୋଇଥିଲା । ଇଡିର 2 ଜଣ ଶୀର୍ଷସ୍ତରୀୟ ଅଧିକାରୀ ରାହୁଲ୍‌ଙ୍କ ବୟାନ ରେକର୍ଡ କରିଛନ୍ତି । 'ପିଏମ୍‌ଏଲ୍‌ଏ' ଆକ୍ଟ ଧାରା 50 ଅନୁସାରେ ତାଙ୍କ ବୟାନ ରେକର୍ଡ କରାଯାଇଛି । ଜଣେ ସହକାରୀ ନିର୍ଦ୍ଦେଶକ ତାଙ୍କୁ ପ୍ରଶ୍ନ ପଚାରିଥିବା ବେଳେ ଜଣେ ଉପ ନିର୍ଦ୍ଦେଶକ ପଚରାଉଚରାର ତତ୍ୱାବଧାନ କରିଥିଲେ ଓ ଅଉ ଜଣେ ଅଧିକାରୀ ତାଙ୍କ ବୟାନକୁ ଟାଇପ୍‌ କରିଥିଲେ ବୋଲି ସୂଚନା‌ ରହିଛି ।

ନ୍ୟାସନାଲ ହେରାଲ୍ଡ ମନି ଲଣ୍ଡ୍ରିଂ ମାମଲାରେ ଇଡି ନିକଟରେ ହାଜର ହେବାକୁ ରାହୁଲ ଗାନ୍ଧୀଙ୍କୁ ଜୁନ୍ 2 ରେ ନୋଟିସ୍ ଜାରି କରାଯାଇଥିଲା । ପ୍ରଥମେ ଜୁନ୍ 8 ରେ ହାଜର ହେବାକୁ ଇଡି ନୋଟିସ୍ ଦେଇଥିଲା । କିନ୍ତୁ ସେ ସମୟରେ ରାହୁଲ ବିଦେଶ ଗସ୍ତରେ ଥିବାରୁ ହାଜ ହେବାକୁ ସେ ଅଧିକ ସମୟ ମାଗିଥିଲେ । ଏହା ପରେ ସେ ଆଜି ଇଡି ନିକଟରେ ହାଜର ହୋଇଥିଲେ ।

ଆପଣଙ୍କୁ କହି ରଖୁଛୁ ରାହୁଲଙ୍କୁ ଇଡିର ନୋଟିସକୁ ବିରୋଧ କରି କଂଗ୍ରେସ କର୍ମୀ ମାନେ ବିରୋଧ ପ୍ରଦର୍ଶନ କରିବା ସହ ପଦଯାତ୍ରା କରିଥିଲେ । ଏହି ପଦଯାତ୍ରା ଇଡି ମୁଖ୍ୟ କାର୍ଯ୍ୟାଳୟ ପର୍ଯ୍ୟନ୍ତ ହୋଇଥିଲା । ଏଥିଲେ ସାମିଲ ହୋଇଥିବା ଅନେକ ବରିଷ୍ଠ ନେତା ଏବଂ କଂଗ୍ରେସ କର୍ମୀଙ୍କୁ ପୋଲିସି ଗିରଫ କରିଛି ।

ଆଜି ସକାଳେ ଆରମ୍ଭ ହୋଇଥିବା ପ୍ରତିବାଦ ପଦଯାତ୍ରାର ରାହୁଲ୍‌ ଗାନ୍ଧୀ ନେତୃତ୍ବ ନେଇଥିଲେ। କିନ୍ତୁ, ନିରାପତ୍ତା ଦୃଷ୍ଟିରୁ ରାହୁଲ୍‌ ଓ ପ୍ରିୟଙ୍କାଙ୍କୁ କାର୍‌ରେ ବସିବାକୁ ପଡ଼ିଥିଲା। ପ୍ରତିବାଦ ପ୍ରଦର୍ଶନପୂର୍ବକ ସମ୍ପ୍ରତି କଂଗ୍ରେସ କର୍ମୀମାନେ ପ୍ରବର୍ତ୍ତନ ନିର୍ଦେଶାଳୟ ସମ୍ମୁଖରେ ଧାରଣା ଦେଇଥିଲେ।

English summary

Rahul Gandhi Left ED Office After Questioning Over National Herald case