ଉତ୍ତରାଖଣ୍ଡ ସିଏମ ଭାବରେ ଶପଥ ନେଲେ ପୁଷ୍କର ସିଂହ ଧାମୀ, ଏମାନଙ୍କୁ ମିଳିଲା ମନ୍ତ୍ରୀ ପଦ
ବିଜେପି ନେତା ପୁଷ୍କର ସିଂହ ଧାମୀ ଆଜି ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ଦେହରାଡୁନର ପ୍ୟାରେଡ ଗ୍ରାଉଣ୍ଡରେ ଆୟୋଜିତ ଏକ ସମାରୋହରେ ରାଜ୍ୟପାଳ ଲେଫ୍ଟନାଣ୍ଟ ଜେନେରାଲ ଗୁରୁମିତ ସିଂହଙ୍କୁ ପଦର ଗୋପନୀୟତା ଶପଥ ପାଠ କରାଇଥିଲେ ।
ଦେହରାଡୁନ୍ : ବିଜେପି ନେତା ପୁଷ୍କର ସିଂହ ଧାମୀ ଆଜି ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ଦେହରାଡୁନର ପ୍ୟାରେଡ ଗ୍ରାଉଣ୍ଡରେ ଆୟୋଜିତ ଏକ ସମାରୋହରେ ରାଜ୍ୟପାଳ ଲେଫ୍ଟନାଣ୍ଟ ଜେନେରାଲ (ଅବସରପ୍ରାପ୍ତ) ଗୁରୁମିତ ସିଂହଙ୍କୁ ପଦର ଗୋପନୀୟତା ଶପଥ ପାଠ କରାଇଥିଲେ । ଧାମୀ ଦ୍ୱିତୀୟ ଥର ପାଇଁ ଉତ୍ତରାଖଣ୍ଡର ସିଏମ୍ ହୋଇଛନ୍ତି । ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ବହୁ ରାଜ୍ୟର ମୁଖ୍ୟମନ୍ତ୍ରୀ ଏବଂ ବିଜେପିର ବହୁ ବଡ ନେତା ଯୋଗ ଦେଇଥିଲେ ।
ପୁଷ୍କର ଧାମୀ ଆଜି ଉତ୍ତରାଖଣ୍ଡର ଦ୍ୱାଦଶ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ପୁଷ୍କର ସିଂହ ଧାମୀଙ୍କ କ୍ୟାବିନେଟରେ 8 ଜଣ ବିଧାୟକଙ୍କୁ ସ୍ଥାନ ଦିଆଯାଇଛି । ମୁଖ୍ୟମନ୍ତ୍ରୀଙ୍କ ସହ ସୁବୋଧ ଉନିୟାଲ, ସତ୍ୟପାଲ ମହାରାଜ, ଗଣେଶ ଯୋଶୀ, ଚନ୍ଦନ ରାମ ଦାସ, ଧନ ସିଂହ ରାୱତ, ରେଖା ଆର୍ଯ୍ୟ, ପ୍ରେମ ଚନ୍ଦ୍ର ଅଗ୍ରୱାଲ ଏବଂ ସୌରଭ ବାହୁଗୁଣା ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ।
ପୁଷ୍କର ସିଂହ ଧାମୀଙ୍କ ନେତୃତ୍ୱରେ ଉତ୍ତରାଖଣ୍ଡରେ ଅନୁଷ୍ଠିତ ବିଧାନସଭା ନିର୍ବାଚନରେ ବିଜେପି ଏକତରଫା ବିଜୟ ହାସଲ କରିଛି । ରାଜ୍ୟର ମୋଟ 70 ଟି ସିଟ୍ ମଧ୍ୟରୁ ବିଜେପି ଏକାକୀ 47 ଟି ସିଟ୍ ଜିତିଥିଲେ ମଧ୍ୟ ପୁଷ୍କର ସିଂହ ଧାମୀ ନିର୍ବାଚନରେ ହାରିଛନ୍ତି । ଖାତିମା ଆସନରୁ 2012 ଏବଂ 2017 ରେ ବିଧାୟକ ଭାବରେ ନିର୍ବାଚିତ ହୋଇଥିବା ଧାମୀ ଏଥର କଂଗ୍ରେସର ଭୁବନ ଚନ୍ଦ୍ର କପ୍ରିଙ୍କ ଠାରୁ ପରାଜୟ ହୋଇଛନ୍ତି । ତେବେ ପରାଜୟ ସତ୍ତ୍ୱେ ବିଜେପି ହାଇକମାଣ୍ଡ ତାଙ୍କୁ ସିଏମ ପଦ ପାଇଁ ମନୋନୀତ କରି ତାଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି । ତେବେ ବିଧାୟକ ନ ଥିବାରୁ ତାଙ୍କୁ 6 ମାସ ମଧ୍ୟରେ ବିଧାନସଭା ନିର୍ବାଚନରେ ଜିତିବାକୁ ପଡିବ ।
ପୁଷ୍କର ସିଂ ଧାମୀ ଗତ ବର୍ଷ ଜୁଲାଇରେ ଉତ୍ତରାଖଣ୍ଡର ସିଏମ୍ ହୋଇଥିଲେ । 2017 ରେ ବିଧାନସଭା ନିର୍ବାଚନରେ ଜିତିବା ପରେ ତ୍ରିବେନ୍ଦ୍ର ସିଂହ ରାୱତଙ୍କୁ ବିଜେପି ମୁଖ୍ୟମନ୍ତ୍ରୀ କରିଥିଲା । ତାଙ୍କ ପରେ ତିରଥ ସିଂହ ରାୱତଙ୍କୁ ଅଳ୍ପ ସମୟ ପାଇଁ ସିଏମ୍ କରାଯାଇଥିଲା । ଏହା ପରେ, ନିର୍ବାଚନର କିଛି ମାସ ପୂର୍ବରୁ ପୁଷ୍କର ଧାମୀଙ୍କୁ କ୍ଷମତା ହସ୍ତାନ୍ତର କରାଯାଇଥିଲା। ଏବେ ପୁଣି ଥରେ ଧାମୀ ସିଏମ୍ ହୋଇଛନ୍ତି ।
Click it and Unblock the Notifications
Sign in with Google