ପ୍ରଥମ କ୍ୟାବିନେଟ ବୈଠକରେ ପଞ୍ଜାବରେ ମାନ୍ ସରକାରଙ୍କ ବଡ ନିଷ୍ପତ୍ତି, 25000 ସରକାରୀ ଚାକିରିର ପ୍ରସ୍ତାବ ପାରିତ
ପଞ୍ଜାବର ସିଏମ ଭଗୱନ୍ତ ମାନ୍ ଶନିବାର ଦିନ ତାଙ୍କ କ୍ୟାବିନେଟ ସହ ପ୍ରଥମ ବୈଠକ କରିଛନ୍ତି । ଯେଉଁଥିରେ ସମୁଦାୟ 25,000 ସରକାରୀ ଚାକିରି ଯୋଗାଇବା ପାଇଁ ଏକ ପ୍ରସ୍ତାବ ପାରିତ ହୋଇଥିଲା ।
ନୂଆଦିଲ୍ଲୀ : ଏଥର ବିଧାନସଭା ନିର୍ବାଚନରେ ପଞ୍ଜାବବାସୀ ଅକାଳୀ ଦଳ, ବିଜେପି ଏବଂ କଂଗ୍ରେସ ବଦଳରେ ଆମ୍ ଆଦମୀ ପାର୍ଟି ଉପରେ ନିଜର ବିଶ୍ୱାସ ରଖି ରାଜ୍ୟରେ ଆପ୍ ସରକାର ଗଠନ କରିଛନ୍ତି । AAP ଭଗୱନ୍ତ ମାନ୍ ଙ୍କୁ ମୁଖ୍ୟମନ୍ତ୍ରୀ କରିଛି । ଏବେ ମାନ୍ ସରକାର ସାମ୍ନାରେ ସବୁଠାରୁ ବଡ଼ ଚ୍ୟାଲେଞ୍ଜ ହେଉଛି ପଞ୍ଜାବକୁ ଦୁର୍ନୀତି, ବେରୋଜଗାରୀ, ନିଶା ଆଦି ଇତ୍ୟାଦିରୁ ମୁକ୍ତ କରିବା, ଯେଉଁଥିପାଇଁ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ପ୍ରଥମ ଦିନରୁ କାମ ଆରମ୍ଭ କରିଦେଇଛନ୍ତି । ଯେଉଁଥିପାଇଁ AAP ସୁପ୍ରିମୋ ଅରବିନ୍ଦ କେଜ୍ରିୱାଲ ମଧ୍ୟ ତାଙ୍କୁ ପ୍ରଶଂସା କରନ୍ତି ।
ପଞ୍ଜାବର ସିଏମ ଭଗୱନ୍ତ ମାନ୍ ଶନିବାର ଦିନ ତାଙ୍କ କ୍ୟାବିନେଟ ସହ ପ୍ରଥମ ବୈଠକ କରିଛନ୍ତି । ଯେଉଁଥିରେ ସମୁଦାୟ 25,000 ସରକାରୀ ଚାକିରି ଯୋଗାଇବା ପାଇଁ ଏକ ପ୍ରସ୍ତାବ ପାରିତ ହୋଇଥିଲା । ପଞ୍ଜାବ ସରକାରଙ୍କ କହିବାନୁସାରେ, ଏଥିରେ ପଞ୍ଜାବ ପୋଲିସ ବିଭାଗରେ ଖାଲିଥିବା 10000 ପଦବୀ ଏବଂ ଅନ୍ୟ ବିଭାଗ ପାଇଁ 15 ହଜାର ପଦବୀ ପୂରଣ ହେବ । ମାନ୍ ସରକାରଙ୍କ ଏହି ନିଷ୍ପତ୍ତି ସହିତ ବେକାରୀ ସମସ୍ୟା ବହୁ ପରିମାଣରେ ହ୍ରାସ ପାଇବ ବୋଲି ଆଶା କରାଯାଉଛି ।
ଭଗୱନ୍ତ ମାନ୍ ଗୁରୁବାର ସକାଳେ ଏକ ଟ୍ୱିଟ୍ କରି ଲେଖିଛନ୍ତି ଯେ ପଞ୍ଜାବବାସୀଙ୍କ ସ୍ୱାର୍ଥକୁ ନେଇ ଆଜି ଏକ ବଡ ନିଷ୍ପତ୍ତି ନିଆଯିବ । ପଞ୍ଜାବ ଇତିହାସରେ କେହି ଆଜି ପର୍ଯ୍ୟନ୍ତ ଏପରି ନିଷ୍ପତ୍ତି ନେଇ ନଥିବେ । ମୁଁ ଏନେଇ ଶୀଘ୍ର ଘୋଷଣା କରିବି । ଏହା ପରେ ଅପରାହ୍ନରେ ଅନ୍ୟ ଏକ ଟ୍ୱିଟରେ ସିଏମ୍ ଲେଖିଛନ୍ତି ଯେ ଭଗତେ ସିଂହଙ୍କ ଶହୀଦ ଦିନରେ ଆମେ ଦୁର୍ନୀତି ନିବାରଣ ହେଲ୍ପଲାଇନ ନମ୍ବର ଜାରି କରିବୁ । ତାହା ମୋର ବ୍ୟକ୍ତିଗତ ହ୍ୱାଟସ୍ ଆପ୍ ନମ୍ବର ହେବ । ଯଦି କେହି ଆପଣଙ୍କୁ ଲାଞ୍ଚ ମାଗନ୍ତି, ତେବେ ଏହାର ଏକ ଭିଡିଓ / ଅଡିଓ ରେକର୍ଡିଂ କରି ମୋତେ ପଠାନ୍ତୁ । ଦୁର୍ନୀତିଗ୍ରସ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଦୁର୍ନୀତି ଆଉ ପଞ୍ଜାବରେ କାମ କରିବ ନାହିଁ ।
ସୂଚନାଯୋଗ୍ୟ, ଆଜି ପୂର୍ବାହ୍ନରେ ପଞ୍ଜାବର ନୂଆ କ୍ୟାବିନେଟ୍ ର 10 ଜଣ ମନ୍ତ୍ରୀ ଶପଥ ନେଇଛନ୍ତି । ଆସନ୍ତା ଦିନରେ ପଞ୍ଜାବରେ କ୍ୟାବିନେଟ୍ ସମ୍ପ୍ରସାରଣ ହେବ ଏବଂ 18 ଜଣ ମନ୍ତ୍ରୀ ରହିବେ ବୋଲି କୁହାଯାଉଛି ।
Click it and Unblock the Notifications
Sign in with Google