ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଚରଣଜିତ୍ ଚନ୍ନୀଙ୍କ ବଡ ଘୋଷଣା, ଏତେ ଟଙ୍କା ଶସ୍ତା ହେଲା ବିଦ୍ୟୁତ୍

ବିଧାନସଭା ନିର୍ବାଚନ ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନୀ ଏକ ବଡ଼ ଘୋଷଣା କରିଛନ୍ତି । ସୋମବାର ଅନୁଷ୍ଠିତ ପଞ୍ଜାବ କ୍ୟାବିନେଟ ବୈଠକରେ ଏକ ବଡ଼ ନିଷ୍ପତ୍ତି ନେଇ ରାଜ୍ୟରେ ବିଦ୍ୟୁତ ଦରରେ 3 ଟଙ୍କା ହ୍ରାସ କରାଯାଇଛି ।

ଚଣ୍ଡିଗଡ଼ : ବିଧାନସଭା ନିର୍ବାଚନ ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନୀ ଏକ ବଡ଼ ଘୋଷଣା କରିଛନ୍ତି । ସୋମବାର ଅନୁଷ୍ଠିତ ପଞ୍ଜାବ କ୍ୟାବିନେଟ ବୈଠକରେ ଏକ ବଡ଼ ନିଷ୍ପତ୍ତି ନେଇ ରାଜ୍ୟରେ ବିଦ୍ୟୁତ ଦରରେ 3 ଟଙ୍କା ହ୍ରାସ କରାଯାଇଛି ।

ଏହି ନିଷ୍ପତ୍ତି ପଞ୍ଜାବର ଲୋକଙ୍କୁ କିଛିଟା ଆରାମ ଦେଇଛି, କିନ୍ତୁ ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏହି ନିଷ୍ପତ୍ତି କଂଗ୍ରେସ ପାଇଁ କେତେ ଲାଭଦାୟକ ହେବ ତାହା ରାଜନୈତିକ ମହଲରେ ମଧ୍ୟ ଆଲୋଚନା ଆରମ୍ଭ ହୋଇଛି ।

ସୂଚନାଯୋଗ୍ୟ ଯେ ଏହା ପୂର୍ବରୁ ପଞ୍ଜାବରେ ନିର୍ବାଚନ ଜିତିବା ପରେ ଦିଲ୍ଲୀର ସିଏମ୍ ଅରବିନ୍ଦ କେଜ୍ରିୱାଲ 200 ୟୁନିଟ୍ ମାଗଣା ବିଦ୍ୟୁତ୍ ନେଇ ଘୋଷଣା କରିସାରିଛନ୍ତି ।

Punjab Cabinet approved PSPCL's proposal to terminate GVK Goindwal Sahib PPA, who was providing electricity at Rs 6-7 per unit. Now, Punjab announced its own 500 MW tender. The rate of electricity will be Rs 2.38 per unit: Punjab CM Charanjit Singh Channi pic.twitter.com/GWiZkQjj2p

— ANI (@ANI) November 1, 2021

ଅତୀତରେ ମଧ୍ୟ ପଞ୍ଜାବରେ 'ବିଦ୍ୟୁତ୍' ନିର୍ବାଚନର ଏକ ମୁଖ୍ୟ ପ୍ରସଙ୍ଗ ହୋଇଆସୁଥିଲା, କିନ୍ତୁ ଏଥର କଂଗ୍ରେସ ସରକାର ଏକ ବଡ ନିଷ୍ପତ୍ତି ନେଇଛନ୍ତି ଏବଂ ୟୁନିଟ୍ ପିଛା ବିଦ୍ୟୁତ୍ ମୂଲ୍ୟ 3 ଟଙ୍କା ହ୍ରାସ କରିବାକୁ ଘୋଷଣା କରିଛନ୍ତି । ଯଦିଓ, କ୍ୟାବିନେଟ୍ ବୈଠକ ପୂର୍ବରୁ ପଞ୍ଜାବ ସରକାର ଦିଲ୍ଲୀ ଭଳି ରାଜ୍ୟରେ କିଛି ୟୁନିଟ୍ ବିଦ୍ୟୁତ୍ ମାଗଣାରେ ଯୋଗାଇ ପାରନ୍ତି ବୋଲି କଳ୍ପନାଜଳ୍ପନା କରାଯାଇଥିଲା, କିନ୍ତୁ ତାହା ହୋଇ ନଥିଲା ।

ସୋମବାର ଦିନ ପଞ୍ଜାବରେ ବିଦ୍ୟୁତ୍ ମୂଲ୍ୟ ସମ୍ପର୍କରେ ଏକ କ୍ୟାବିନେଟ୍ ବୈଠକ ଡକାଇ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନୀ ଅଧ୍ୟକ୍ଷତା କରିଥିଲେ । ଏହି ବୈଠକରେ ସିଏମ୍ କହିଛନ୍ତି ଯେ ସରକାରଙ୍କ ଦ୍ୱାରା କରାଯାଇଥିବା ସର୍ଭେରେ ଏହା ଜଣାପଡିଛି ଯେ ପଞ୍ଜାବର ଲୋକମାନେ ଚାହୁଁଛନ୍ତି ଯେ ଶସ୍ତା ବିଦ୍ୟୁତ୍ ମିଳୁ କିମ୍ବା 300 ୟୁନିଟ୍ ବିଦ୍ୟୁତ୍ ମାଗଣାରେ ଦିଆଯାଉ ।

English summary

Punjab Chief Minister Charanjit Singh Channi Announced On Cheaper Electricity