ପଞ୍ଜାବ ରାଜ୍ୟ କଂଗ୍ରେସ ଅଧ୍ୟକ୍ଷ ପଦ ଗ୍ରହଣ କରିବେ ନବଜୋତ ସିଂ ସିଦ୍ଧୁ, କାର୍ଯ୍ୟକ୍ରମରେ ଯୋଗଦେବେ ସିଏମ୍ ଅମରିନ୍ଦର ସିଂ

ଅମରିନ୍ଦର ସିଂ ଶୁକ୍ରବାର ସକାଳ 10 ଟାରେ ସମସ୍ତ କଂଗ୍ରେସ ବିଧାୟକ, ସାଂସଦ ତଥା ଦଳର ବରିଷ୍ଠ କାର୍ଯ୍ୟକର୍ତ୍ତାଙ୍କୁ ଚା 'ପାଇଁ ନିମନ୍ତ୍ରଣ କରିଛନ୍ତି । ଏହା ପରେ ସେମାନେ ପଞ୍ଜାବ କଂଗ୍ରେସ ଭବନକୁ ଯାଇ ନୂତନ ପିସିସି ଅଧ୍ୟକ୍ଷ ପଦ ଗ୍ରହଣ କାର୍ଯ୍ୟକ୍ରମକୁ ଯିବେ ।

Published: Thursday, July 22, 2021, 17:55 [IST]

ଚଣ୍ଡିଗଡ଼ : ଦୀର୍ଘ ଦିନ ଧରି ପଞ୍ଜାବ କଂଗ୍ରେସରେ ଲାଗି ରହିଥିବା ଦଳ ବିବାଦ ହାଇକମାଣ୍ଡ ନବଜୋତ ସିଂ ସିଦ୍ଧୁଙ୍କୁ ପଞ୍ଜାବ କଂଗ୍ରେସର ସଭାପତି ଭାବେ ଚୟନ କରିବା ପରେ କିଛିଟା ଥଣ୍ଡା ପଡ଼ିଛି । ଅପରପକ୍ଷରେ ଏହାକୁ ନେଇ ସେବେଠାରୁ ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଏବଂ ନବଜୋତ ସିଂ ସିଦ୍ଧୁଙ୍କ ମଧ୍ୟରେ ବିବାଦ ଆହୁରି ବୃଦ୍ଧି ପାଇଛି । ଏହି ସମୟରେ ପଞ୍ଜାବ ରାଜ୍ୟର ନୂତନ କଂଗ୍ରେସ ଅଧ୍ୟକ୍ଷ ଭାବେ ନବଜୋତ ସିଂ ସିଦ୍ଧୁ ଶୁକ୍ରବାର (ଜୁଲାଇ 23) ରେ ଦାୟିତ୍ୱ ଗ୍ରହଣ କରିବେ । ଏହାପୂର୍ବରୁ ସିଏମ କ୍ୟାପଟେନ ଅମରିନ୍ଦରଙ୍କୁ ମନାଇବା ପାଇଁ ନବଜୋତ ସିଂ ସିଦ୍ଧୁ ଏବଂ ଚାରିଜଣ ପିସିସି କାର୍ଯ୍ୟରତ ଅଧ୍ୟକ୍ଷଙ୍କ ପକ୍ଷରୁ ଉଦ୍ୟମ ଆରମ୍ଭ ହୋଇଥିଲା । ଏହି ସମୟରେ ଖବର ଆସୁଛି ଯେ ଅମରିନ୍ଦର ସିଂ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ ଯେଉଁଠାରେ ନବଜୋତ ସିଂ ସିଦ୍ଧୁ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିବେ ।

ସୂଚନାନୁସାରେ, ପଞ୍ଜାବର ସିଏମ ଅମରିନ୍ଦର ସିଂ ଶୁକ୍ରବାର ସକାଳ 10 ଟାରେ ସମସ୍ତ କଂଗ୍ରେସ ବିଧାୟକ, ସାଂସଦ ତଥା ଦଳର ବରିଷ୍ଠ କାର୍ଯ୍ୟକର୍ତ୍ତାଙ୍କୁ ଚା 'ପାଇଁ ନିମନ୍ତ୍ରଣ କରିଛନ୍ତି । ଏହା ପରେ ସେମାନେ ପଞ୍ଜାବ କଂଗ୍ରେସ ଭବନକୁ ଯାଇ ନୂତନ ପିସିସି ଅଧ୍ୟକ୍ଷ ପଦ ଗ୍ରହଣ କାର୍ଯ୍ୟକ୍ରମରେ ଯୋଗଦେବେ । ସୂଚନାଯୋଗ୍ୟ, ଶୁକ୍ରବାର କାର୍ଯ୍ୟକ୍ରମ ପାଇଁ ସିଦ୍ଧୁ କ୍ୟାପଟେନ ଅମରିନ୍ଦରଙ୍କୁ ମଧ୍ୟ ନିମନ୍ତ୍ରଣ କରିଥିଲେ ।

ନବଜୋତ ସିଂ ସିଦ୍ଧୁ ପ୍ରାୟ 56 ଜଣ ବିଧାୟକଙ୍କ ଦସ୍ତଖତ ସହିତ ସିଏମ ଅମରିନ୍ଦର ସିଂଙ୍କୁ ନିମନ୍ତ୍ରଣ ପତ୍ର ପଠାଇଛନ୍ତି । ସିଦ୍ଧୁ ପଞ୍ଜାବ ଏଆଇସିସି ପ୍ରଭାରୀ ହରିଶ ରାୱତଙ୍କୁ ଏହି କାର୍ଯ୍ୟକ୍ରମରେ ଯୋଗ ଦେବାକୁ ମଧ୍ୟ ନିମନ୍ତ୍ରଣ କରିଛନ୍ତି ।

ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି - ମୁଁ କାର୍ଯ୍ୟକ୍ରମକୁ ଯିବି

ସେପଟେ ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ ବଲବୀର ସିଂ ସିଦ୍ଧୁ କହିଛନ୍ତି ଯେ ''ଦଳର ହାଇ କମାଣ୍ଡ ନବଜୋତ ସିଂ ସିଦ୍ଧୁଙ୍କୁ ରାଜ୍ୟ ମୁଖ୍ୟ କରିଛନ୍ତି । ତେଣୁ ସେ ଏହି ନିଷ୍ପତ୍ତିକୁ ସ୍ୱାଗତ କରିଛନ୍ତି । ବଲବୀର ସିଂ ସିଦ୍ଧୁ କହିଛନ୍ତି ଯେ ମୁଁ ଶୁକ୍ରବାର ଦିନ ନବଜୋତ ସିଂ ସିଦ୍ଧୁଙ୍କ ପଦ ଗ୍ରହଣ କାର୍ଯ୍ୟକ୍ରମକୁ ଯିବି । ଅମରିନ୍ଦର ସିଂ ଏହି କାର୍ଯ୍ୟକ୍ରମରେ ଯୋଗଦେବେ କି ନାହିଁ, ମୁଁ କହି ପାରିବି ନାହିଁ । କ୍ୟାପଟେନ ଅମରିନ୍ଦର ପଞ୍ଜାବରେ ଦୀର୍ଘ ରାଜନୀତି କରିଛନ୍ତି ଏବଂ କରୁଛନ୍ତି । କିନ୍ତୁ ମୁଁ ସହମତ ଯେ ଦଳ ଉପରେ କେହି ନାହାଁନ୍ତି । ମୁଁ ଏଭଳି ସ୍ତରର ନେତା ନୁହେଁ ଯେ ମୁଁ ମୁଖ୍ୟମନ୍ତ୍ରୀଙ୍କ ପରି ଜଣେ ବଡ ନେତାଙ୍କ ବିଷୟରେ କହିପାରିବି ଯେ ସେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ କି ନାହିଁ ।''

Published On July 22, 2021