'ଜଣେ ବିଧାୟକ-ଗୋଟିଏ ପେନସନ୍' ବିଲ୍ ଅନୁମୋଦନ କଲା ପଞ୍ଜାବ, ମୁଖ୍ୟମନ୍ତ୍ରୀ କହିଲେ - ଜନସାଧାରଣଙ୍କ ବହୁ ଟିକସ ଟଙ୍କା ସଞ୍ଚୟ ହେବ

ପଞ୍ଜାବ ସରକାର ଆଣିଥିବା 'ଜଣେ ବିଧାୟକ-ଗୋଟିଏ ପେନସନ୍' ବିଲ୍ ରାଜ୍ୟପାଳଙ୍କ ଠାରୁ ଅନୁମୋଦନ ପଇଛି । ଆମ୍ ଆଦମୀ ପାର୍ଟି ସରକାର ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଙ୍କ ନେତୃତ୍ୱରେ ବିଧାନସଭାରେ ଏହି ବିଲ୍ ଆଣିଥିଲା ।

ଚଣ୍ଡିଗଡ଼ : ପଞ୍ଜାବ ସରକାର ଆଣିଥିବା 'ଜଣେ ବିଧାୟକ-ଗୋଟିଏ ପେନସନ୍' ବିଲ୍ ରାଜ୍ୟପାଳଙ୍କ ଠାରୁ ଅନୁମୋଦନ ପଇଛି । ଆମ୍ ଆଦମୀ ପାର୍ଟି ସରକାର ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଙ୍କ ନେତୃତ୍ୱରେ ବିଧାନସଭାରେ ଏହି ବିଲ୍ ଆଣିଥିଲା । ଆଜି ସରକାର ଏକ ବିଜ୍ଞପ୍ତି ଜାରି କରି କହିଛନ୍ତି ଯେ ରାଜ୍ୟପାଳ ଏହି ବିଲ୍ ପାରିତ କରିଛନ୍ତି । ଏଥି ସହ ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଟ୍ୱିଟ କରି କହିଛନ୍ତି ଯେ ଏହା ଜନସାଧାରଣଙ୍କ ଅନେକ ଟିକସ ପଇସା ସଞ୍ଚୟ କରିବ ।

ଆଜି ମୁଖ୍ୟମନ୍ତ୍ରୀ କହିଛନ୍ତି, "ପଞ୍ଜାବୀଙ୍କୁ ଜଣାଇ ମୁଁ ବହୁତ ଖୁସି ଯେ ରାଜ୍ୟପାଳ "ଜଣେ ବିଧାୟକ - ଗୋଟିଏ ପେନସନ୍"ର ଗେଜେଟ୍ ବିଜ୍ଞପ୍ତିକୁ ଅନୁମୋଦନ କରିଛନ୍ତି । ଏହା ମଧ୍ୟ ଜନସାଧାରଣଙ୍କ ଟିକସ ସଞ୍ଚୟ କରିବାରେ ସାହାଯ୍ୟ କରିବ । ଉଭୟ ହିନ୍ଦୀ ଏବଂ ପଞ୍ଜାବୀ ଭାଷାରେ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଏହି ସୂଚନା ଦେଇଛନ୍ତି । ପଞ୍ଜାବ ରାଜ୍ୟପାଳ ବନୱାରିଲାଲ ପୁରୋହିତଙ୍କ ଅନୁମୋଦନ ପରେ ବର୍ତ୍ତମାନ ବିଧାୟକମାନେ କେବଳ ଗୋଟିଏ ଅବଧି ପାଇଁ ପେନସନ୍ ପାଇବେ ।

"ଜଣେ ବିଧାୟକ - ଗୋଟିଏ ପେନସନ୍" ବିଲ୍ କୁ ରାଜ୍ୟପାଳ ପୂର୍ବରୁ ପ୍ରତ୍ୟାଖ୍ୟାନ କରିଥିଲେ । ରାଜ୍ୟର ଅନେକ ବିଧାୟକ ଏହି ବିଲ୍ କୁ ବିରୋଧ କରୁଥିଲେ । ତେବେ ପ୍ରକ୍ରିୟାରେ ବାଧାବିଘ୍ନ ସତ୍ତ୍ୱେ ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ଏହାକୁ ଅନୁମୋଦନ ପାଇଁ ପଠାଇଥିଲେ । ରାଜ୍ୟପାଳ ବର୍ତ୍ତମାନ ଏହାକୁ ଅନୁମୋଦନ କରିଛନ୍ତି ।

Punjab approves 'One MLA-one pension' bill

"Governor has approved the "One MLA-One Pension" bill...Govt has issued a notification. This will save a lot of tax for the public," tweets Punjab CM Bhagwant Mann pic.twitter.com/zIyoyyjZVF

— ANI (@ANI) August 13, 2022

ବିଶେଷଜ୍ଞମାନେ କହିଛନ୍ତି ଯେ ଏହି ବିଲ୍ କାର୍ଯ୍ୟକାରୀ ହେବା ଅର୍ଥ ହେଉଛି ଯେ ବିଧାୟକମାନଙ୍କୁ ଦିଆଯାଇଥିବା ପୃଥକ ପେନସନ୍ ଶେଷ ହୋଇଛି । ବାସ୍ତବରେ, ପୂର୍ବରୁ, ଯଦି ବିଧାୟକ ଏକାଧିକ ଥର ନିର୍ବାଚିତ ହେଉଥିଲେ, ତେବେ ସେ ବିଭିନ୍ନ କାର୍ଯ୍ୟକାଳ ପାଇଁ ପେନସନ୍ ପାଇଥା'ନ୍ତି । କିନ୍ତୁ, ବର୍ତ୍ତମାନ ବିଧାୟକମାନେ କେବଳ ଗୋଟିଏ ଅବଧି ପାଇଁ ପେନସନ୍ ପାଇବେ ।

English summary

Punjab approves 'One MLA-one pension' bill