Puducherry Election 2021 : କଂଗ୍ରେସ ଘୋଷଣା କଲା ପ୍ରାର୍ଥୀ ତାଲିକା, କଟିଲା ପୂର୍ବତନ ମୁଖ୍ୟମନ୍ତ୍ରୀ ନାରାୟଣସ୍ୱାମୀଙ୍କ ଟିକେଟ

ଚଳିତ ନିର୍ବାଚନରେ ପୂର୍ବତନ ମୁଖ୍ୟମନ୍ତ୍ରୀ ନାରାୟଣସ୍ୱାମୀଙ୍କ ଚିକେଟ୍ କାଟିଦିଆଯାଇଛି । ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଭି ନାରାୟଣସ୍ୱାମୀ ଏଥର ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ।

Published: Wednesday, March 17, 2021, 12:44 [IST]

ପୁଡୁଚେରୀ : ପୁଡୁଚେରୀରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ କଂଗ୍ରେସ ଏହାର 14 ଜଣ ପ୍ରାର୍ଥୀଙ୍କ ତାଲିକା ଘୋଷଣା କରିଛି । ମଙ୍ଗଳବାର ସନ୍ଧ୍ୟାରେ ଦଳ ପକ୍ଷରୁ ପ୍ରକାଶ ପାଇଥିବା ତାଲିକାରୁ ଏକ ବଡ଼ ଖବର ବର୍ତ୍ତମାନ ପୁଡୁଚେରୀ ନିର୍ବାଚନରେ ହଇଚଇ ସୃଷ୍ଚି କରିଛି । ଚଳିତ ନିର୍ବାଚନରେ ପୂର୍ବତନ ମୁଖ୍ୟମନ୍ତ୍ରୀ ନାରାୟଣସ୍ୱାମୀଙ୍କ ଚିକେଟ୍ କାଟିଦିଆଯାଇଛି । ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଭି ନାରାୟଣସ୍ୱାମୀ ଏଥର ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ଗଣମାଧ୍ୟମ ରିପୋର୍ଟ ଅନୁଯାୟୀ, ସ୍ଥାନୀୟ ଜନସାଧାରଣ ତଥା କଂଗ୍ରେସର ସ୍ଥାନୀୟ ନେତୃତ୍ୱଙ୍କ ଅସନ୍ତୋଷ ଯୋଗୁଁ କଂଗ୍ରେସ ହାଇକମାଣ୍ଡ ପୁଡୁଚେରୀ ମୁଖ୍ୟମନ୍ତ୍ରୀ ନାରାୟଣ ସାମୀଙ୍କ ଟିକେଟ୍ କାଟି ଦେଇଛନ୍ତି ।

ପୁଡୁଚେରୀ କଂଗ୍ରେସର ଦାୟିତ୍ୱରେ ଥିବା ଦୀନେଶ ଗୁଣ୍ଡୁ ରାଓ କହିଛନ୍ତି ଯେ, ପୁଡୁଚେରୀର ପୂର୍ବତନ ମୁଖ୍ୟମନ୍ତ୍ରୀ 2021 ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ସେ ନିର୍ବାଚନ ପ୍ରଚାର ଏବଂ ନିର୍ବାଚନ ପରିଚାଳନା ଉପରେ ନଜର ରଖିବେ । ରାଜ୍ୟରେ ମୋଟ 30 ଟି ବିଧାନସଭା ଆସନ ରହିଛି । ରାଜ୍ୟରେ କଂଗ୍ରେସ ଡିଏମକେ, ସିପିଆଇ ବିସିକେ ସହିତ ମିଳିତ ଭାବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛି । କଂଗ୍ରେସ ଏଠାରେ 15 ଟି ଆସନରେ ପ୍ରାର୍ଥୀ ଦେବା ସହ DMK 13 ଟି ସିଟ୍, CPI ଏବଂ VCK ଗୋଟିଏ ଲେଖାଏଁ ଆସରୁ ପ୍ରତିଦ୍ୱନ୍ଦିତା କରିବା ନେଇ ନିଷ୍ପତ୍ତି ନିଆଯାଇଛି ।

ପୁଡୁଚେରୀରେ କଂଗ୍ରେସ ସହ ମିଳିତ ଭାବେ ପ୍ରତିଦ୍ୱନ୍ଦ୍ୱିତା କରୁଥିବା ଡିଏମକେ 13 ଟି ସିଟ୍ ମଧ୍ୟରୁ 12 ଟି ପ୍ରାର୍ଥୀ ଘୋଷଣା କରିଛି । ଡିଏମକେର ଦୁଇ ପୂର୍ବତନ ମନ୍ତ୍ରୀ ଏବଂ ଛ ଜଣ ନୂଆ ଚେହେରା ନିର୍ବାଚନା ମଇଦାନରେ ଓହ୍ଲାଇଛନ୍ତି । ପୂର୍ବତନ ଶିକ୍ଷା ମନ୍ତ୍ରୀ ଏସପି ଶିବକୁମାରଙ୍କୁ ରାଜ ଭବନ ଆସନରୁ ଟିକେଟ୍ ଦିଆଯାଇଥିବାବେଳେ ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ଏଏମଏଚ୍ ନାଜିମଙ୍କୁ କରାଇକାଲ ଦକ୍ଷିଣ ଆସନରୁ ଟିକେଟ ଦିଆଯାଇଛି । ଡିଏମକେର 12 ଜଣ ପ୍ରାର୍ଥୀଙ୍କ ମଧ୍ୟରେ ଜଣେ ବି ମହିଳା ପ୍ରାର୍ଥୀ ନାହାଁନ୍ତି ।

ଅନ୍ୟପକ୍ଷରେ, ପୁଡୁଚେରୀ ବିଧାନସଭା ନିର୍ବାଚନ ପାଇଁ ବିଜେପି ନଅ ଜଣ ପ୍ରାର୍ଥୀଙ୍କ ତାଲିକା ପ୍ରକାଶ କରିଛି । ପୁଡୁଚେରୀ କଂଗ୍ରେସର ପୂର୍ବତନ ସଭାପତି ଏ ନମସିଭୟାମଙ୍କୁ ବର୍ତ୍ତମାନ ମ0ନନାଡିପେଟ୍ ଆସନରୁ ବିଜେପି ପକ୍ଷରୁ ଟିକେଟ ଦିଆଯାଇଛି । ବିଜେପି ଲାବସ୍ପେଟରୁ ଭି ସମିନାଥନ, ଉସୁଡୁରୁ ସାଇ ଜେ ସରୱଣ କୁମାର, କାମରାଜ ନଗରରୁ ଏ ଜନ୍କୁମାର, କାଲାପେଟରୁ ପିଏମଏଲ କଲ୍ୟାଣସୁନ୍ଦରମ, ନେଲିତ୍ତୋପରୁ ଭିଭିଲିଆନ ରିଚାର୍ଡସ ଜନ୍କୁମାରଙ୍କୁ ଟିକେଟ୍ ଦେଇଛନ୍ତି ।

Published On March 17, 2021