ଚେନ୍ନାଇର ପ୍ରଥମ ଦଳିତ ଏବଂ ସର୍ବକନିଷ୍ଠ ମହିଳା ମେୟର ହେଲେ ପ୍ରିୟା ରାଜନ

ତାମିଲନାଡୁର ଶାସକ ଦଳ ଡିଏମକେ ମାର୍ଚ୍ଚ 3 ରେ 28 ବର୍ଷିୟ ଆର ପ୍ରିୟାଙ୍କୁ ଚେନ୍ନାଇ ମେୟର ପ୍ରାର୍ଥୀ ଭାବରେ ଘୋଷଣା କରିଛି । ଚେନ୍ନାଇ କର୍ପୋରେସନ ଇତିହାସରେ ପ୍ରିୟା ରାଜନ ପ୍ରଥମ ସର୍ବକନିଷ୍ଠ ମେୟର ହେବାକୁ ଯାଉଛନ୍ତି ।

Updated: Friday, March 4, 2022, 12:19 [IST]

ଚେନ୍ନାଇ : ତାମିଲନାଡୁର ଶାସକ ଦଳ ଡିଏମକେ ମାର୍ଚ୍ଚ 3 ରେ 28 ବର୍ଷିୟ ଆର ପ୍ରିୟାଙ୍କୁ ଚେନ୍ନାଇ ମେୟର ପ୍ରାର୍ଥୀ ଭାବରେ ଘୋଷଣା କରିଛି । ଚେନ୍ନାଇ କର୍ପୋରେସନ ଇତିହାସରେ ପ୍ରିୟା ରାଜନ ପ୍ରଥମ ସର୍ବକନିଷ୍ଠ ମେୟର ହେବାକୁ ଯାଉଛନ୍ତି ।

ସର୍ବ କନିଷ୍ଠ ମହିଳା ମେୟର

ନିକଟରେ ଅନୁଷ୍ଠିତ ଚେନ୍ନାଇ କର୍ପୋରେସନ ନିର୍ବାଚନରେ ଡିଏମକେ ଏକ ତରଫା ବିଜୟ ହାସଲ କରିଛି । ତେଣୁ ପ୍ରିୟା ଚେନ୍ନାଇର ମେୟର ହେବାରେ କୌଣସି ପ୍ରତିବନ୍ଧକ ନାହିଁ ଏବଂ ସେ ଖୁବ୍ ଶୀଘ୍ର ଚେନ୍ନାଇର ମେୟର ହେବେ । ଚେନ୍ନାଇ ଇତିହାସରେ ଆର ପ୍ରିୟା ସର୍ବକନିଷ୍ଠ ମହିଳା ମେୟର ଭାବରେ ପ୍ରଥମ ଦଲିତ ମେୟର ହେବେ ।

ଚେୟାର ଇତିହାସରେ ସେ ତାରା ଚେରିୟାନ୍ ଏବଂ କାମାକ୍ଷୀ ଜୟାରମନ୍ ଙ୍କ ପରେ ମେୟର ହେଉଥିବା ତୃତୀୟ ମହିଳା । ତାମିଲନାଡୁର ରାଜନୀତିରେ ଚେନ୍ନାଇର ମେୟର ପଦ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ନିଜେ ମଧ୍ୟ ଚେନ୍ନାଇର ମେୟର ରହି ସାରିଛନ୍ତି ।

ପ୍ରିୟାଙ୍କ ଶିକ୍ଷାଗତ ଯୋଗ୍ୟତା-

M.Com ଅଧ୍ୟୟନ କରିଥିବା ପ୍ରିୟା ରାଜନ ତାମିଲନାଡୁ ପୌର ନିର୍ବାଚନରେ ଚେନ୍ନାଇର ଥିରୁ ନଗର ଜୋନ୍ ର 74 ନମ୍ବର ୱାର୍ଡରୁ କାଉନସିଲର୍ ବାବେ ବିଜୟ ହାସଲ କରିତିଲେ । ନିର୍ବାଚନରେ ଜିତିଥିବା ସେ ସବୁଠାରୁ କନିଷ୍ଠ ପ୍ରାର୍ଥୀ ଥିଲେ ।

ଚେନ୍ନାଇ କର୍ପୋରେସନ ନିର୍ବାଚନରେ ସବୁଠାରୁ କନିଷ୍ଠ କାଉନସିଲର୍ ହେଉଛନ୍ତି ସିପିଏମ୍ ର ପ୍ରିୟଦର୍ଶିନୀ ଯିଏ 21 ବର୍ଷ ବୟସରେ ନିର୍ବାଚନରେ ଜିତିଥିଲେ । ଏଥି ସହିତ, କାଉନସିଲର ଭାବେ ଏହା ହେଉଛି ପ୍ରିୟାଙ୍କ ପ୍ରଥମ ଅଫିସିଆଲ୍ ପୋଷ୍ଟ । ଯଦିଓ ସେ 18 ବର୍ଷ ବୟସରୁ ଦଳର କ୍ୟାଡର ରହିଆସିଛନ୍ତି । ପ୍ରିୟାଙ୍କ ପିତା ଆର ରାଜନ ମଧ୍ୟ ଡିଏମକେ ସହ ଜଡିତ ଏବଂ ଦଳର କ୍ଷେତ୍ର ସହ-ସଚିବ ଅଟନ୍ତି ।

ସମସ୍ତ 21 ଟି ପୌରସଂସ୍ଥାରେ DMK ର ବିଜୟ

ତାମିଲନାଡୁର ପୌରସଂସ୍ଥା ନିର୍ବାଚନରେ ଡିଏମକେ ଗ୍ରେଟର ଚେନ୍ନାଇ କର୍ପୋରେସନ୍ ସମେତ 21 ଟି ମ୍ୟୁନିସିପାଲିଟି କର୍ପୋରେସନ୍ ଜିତିଛି । 138 ନଗର ପାଲିକା ଏବଂ 490 ନଗର ପଞ୍ଚାୟତରେ ଦଳ ସଂଖ୍ୟାଗରିଷ୍ଠତା ହାସଲ କରିଛି ।

ଡିଏମକେ କର୍ପୋରେସନର 952 ୱାର୍ଡ, ପୌରସଂସ୍ଥାର 2360 ଟି ସିଟ୍ ଏବଂ ନଗର ପଞ୍ଚାୟତରେ 4389 ଟି ସିଟ୍ ଜିତିଛି । ଦଳ ମଧ୍ୟ ପ୍ରତିଦ୍ୱନ୍ଦ୍ୱୀ ଏଆଇଡିଏମକେ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ କେ ପାଲାନସ୍ୱାମୀ ଏବଂ ଓ ପନୀରସେଲଭମ୍ ଙ୍କ ଅଞ୍ଚଲର ଆସନ ଜିତିଛି ।