'ମୋ କଥା ଲେଖି ରଖ ...', ନୀତୀଶ କୁମାରଙ୍କ 'ଭବିଷ୍ୟତ'କୁ ନେଇ ଏପରି କହିଲେ ପ୍ରଶାନ୍ତ କିଶୋର

Published: Tuesday, May 23, 2023, 17:50 [IST]

ପାଟନା: 2024 ରେ ଲୋକସଭା ନିର୍ବାଚନ ପୂର୍ବରୁ ବିହାର ମୁଖ୍ୟମନ୍ତ୍ରୀ ମୋଦୀ ତଥା ବିଜେପି ବିରୋଧା ଦଳଙ୍କୁ ଏକଜୁଟ୍ କରିବାରେ ଲାଗି ପଡ଼ିଛନ୍ତି । ସେ ରାଜ୍ୟ ରାଜ୍ୟ ବୁଲି ଅଣ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଭେଟୁଛନ୍ତି । ଏପରିକି ଖୁବ୍ ଶୀଘ୍ର ବିରୋଧୀ ଏକତା ଦଳର ବୈଠକ କରିବା ନେଇ ଯୋଜନା କରୁଛନ୍ତି ନୀତିଶ । ଏହି ସମୟରେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ନୀତିଶଙ୍କୁ ନେଇ ଏକ ବଡ଼ ଭବିଷ୍ୟବାଣୀ କରିଛନ୍ତି ।

40 ଦିନ ମଧ୍ୟରେ ଦ୍ୱିତୀୟ ଥର ପାଇଁ ଦିଲ୍ଲୀ ସିଏମ୍ ଅରବିନ୍ଦ କେଜ୍ରିୱାଲଙ୍କୁ ଭେଟିବାକୁ ନେଇ ପ୍ରଶାନ୍ତ କିଶୋର, ନୀତୀଶ କୁମାର ଏବଂ ଆରଜେଡି ଉପରେ ଟାର୍ଗେଟ୍ କରି କହିଛନ୍ତି ଯେ ନୀତୀଶ କୁମାର ଆଜି କଣ କରୁଛନ୍ତି ସେ ବିଷୟରେ ଅଧିକ କହିବାର କୌଣସି ଅର୍ଥ ନାହିଁ । ପାଞ୍ଚ ବର୍ଷ ପୂର୍ବେ ଚନ୍ଦ୍ରବାବୁ ନାଇଡୁ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଥିଲେ । ସେ ସେହି ଭୂମିକାରେ ଥିଲେ ଯେଉଁଥିରେ ଆଜି ନୀତୀଶ କୁମାର ପ୍ରବେଶ କରିବାକୁ ଚେଷ୍ଟା କରୁଛନ୍ତି । ଆନ୍ଧ୍ରପ୍ରଦେଶରେ ଚନ୍ଦ୍ରବାବୁ ନାଇଡୁ ସେତେବେଳେ ବହୁମତର ସରକାର ଚଳାଉଥିବାବେଳେ ନୀତୀଶ କୁମାର ଆଜି 42 ଜଣ ବିଧାୟକଙ୍କ ସହ ଏକ ଛୋଟ ସରକାର ଚଳାଉଛନ୍ତି ।

ପ୍ରଶାନ୍ତ କିଶୋର କହିଛନ୍ତି ଯେ ଚନ୍ଦ୍ରବାବୁ ନାଇଡୁ ସେହି ସମୟ ମଧ୍ୟରେ ସମଗ୍ର ଦେଶ ପରିଦର୍ଶନ କରି ବିରୋଧୀଙ୍କୁ ଏକଜୁଟ କରିଥିଲେ । ଫଳସ୍ୱରୂପ, ଆନ୍ଧ୍ରପ୍ରଦେଶରେ ସେମାନଙ୍କର ସାଂସଦ ତିନିଜଣଙ୍କୁ ହ୍ରାସ ହୋଇଥିଲା । କେବଳ 23 ଜଣ ବିଧାୟକ ଜିତିଥିଲେ ଏବଂ ହାତରୁ କ୍ଷମତା ଚାଲିଯାଇଥିଲା । ନୀତୀଶ କୁମାର ବିହାର ବିଷୟରେ ଚିନ୍ତା କରିବା ଉଚିତ୍ । ନୀତୀଶ କୁମାରଙ୍କର ନିଜର ଠିକଣା ନାହିଁ । ଆଜି ବିହାରରେ ଆରଜେଡିର କେହି ସାଂସଦ ନାହାଁନ୍ତି, ସେ ଦେଶର ପ୍ରଧାନମନ୍ତ୍ରୀକୁ ନେଇ ନିଷ୍ପତ୍ତି ନେଉଛନ୍ତି । ଯେଉଁ ଦଳର ନିଜସ୍ୱ ଆଧାର ନାହିଁ, ସେ ଦେଶର ଅନ୍ୟ ଦଳଗୁଡ଼ିକୁ ଏକାଠି କରୁଛନ୍ତି ।

ପି.କେ ତାଙ୍କ ବିବୃତ୍ତିରେ କହିଛନ୍ତି ଯେ ଯଦି ନୀତୀଶ କୁମାର ପଶ୍ଚିମବଙ୍ଗ ଗସ୍ତରେ ଯାଆନ୍ତି ତେବେ ପଚରାଯିବା ଉଚିତ ଯେ ମମତା ବାନାର୍ଜୀ କଂଗ୍ରେସ ସହ କାମ କରିବାକୁ ପ୍ରସ୍ତୁତ କି ? ବିହାରରେ ଟିଏମସିକୁ ଗୋଟିଏ ସିଟ୍ ଦେବାକୁ ନୀତୀଶ କୁମାର ଏବଂ ଲାଲୁ ପ୍ରସ୍ତୁତ କି ? ଆଜି ନୀତୀଶ କୁମାର ମମତା ବାନାର୍ଜୀଙ୍କୁ ମୋ ଠାରୁ ଅଧିକ ଜାଣନ୍ତି କି ? ପଶ୍ଚିମବଙ୍ଗର ନୀତୀଶ କୁମାରଙ୍କୁ କିଏ ପଚାରେ ? ଆଫଣ ମୋ କଥା ଲେଖି ରଖନ୍ତୁ..., ନୀତୀଶ କୁମାର ମଧ୍ୟ ଚନ୍ଦ୍ରବାବୁ ନାଇଡୁଙ୍କ ପରି ସମାନ ପରିସ୍ଥିତିର ସମ୍ମୁଖୀନ ହେବେ ।

Published On May 23, 2023