ଗୁଜୁରାଟ ଏବଂ ହିମାଚଳକୁ ନେଇ ପ୍ରଶାନ୍ତଙ୍କ ଭବିଷ୍ୟବାଣୀ, କିଏ ଗଢିବ କେଉଁଠି ସରକାର

ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ଏହି ଦୁଇ ରାଜ୍ୟର ନିର୍ବାଚନକୁ ନେଇ ପୂର୍ବାନୁମାନ କରିଛନ୍ତି । ଚଳିତ ବର୍ଷ ହେବାକୁ ଥିବା ଗୁଜୁରାଟ ଏବଂ ହିମାଚଳ ପ୍ରଦେଶରେ କେଉଁ ଦଳ ସରକାର ଗଠନ କରିପାରନ୍ତି ସେ ନେଇ ସେ କହିଛନ୍ତି ।

Published: Monday, October 17, 2022, 18:22 [IST]

Assembly Election : ଚଳିତ ବର୍ଷ ଶେଷ ଆଡ଼କୁ ଗୁଜୁରାଟ ଏବଂ ହିମାଚଳ ପ୍ରଦେଶରେ ବିଧାନସଭା ନିର୍ବାଚନ ହେବ । ନିର୍ବାଚନ ଆୟୋଗ ହିମାଚଳ ପ୍ରଦେଶ ପାଇଁ ନିର୍ବାଚନ ତାରିଖ ଘୋଷଣା କରିସାରିଛନ୍ତି । ଏଥିସହ ଗୁଜୁରାଟ ସମ୍ପର୍କରେ କୌଣସି ଘୋଷଣା କରାଯାଇ ନାହିଁ । ଦୀପାବଳି ପରେ ଆୟୋଗ ଗୁଜୁରାଟ ପାଇଁ ନିର୍ବାଚନ ତାରିଖ ଘୋଷଣା କରିପାରିବ ବୋଲି କୁହାଯାଉଛି । ଏହି ଦୁଇ ରାଜ୍ୟରେ ହେବାକୁ ଥିବା ନିର୍ବାଚନ ସମ୍ପର୍କରେ ଅନେକ ଓପିନିଅନ୍ ପୋଲ୍ ବା ସର୍ଭେ ରିପୋର୍ଟ ସାମ୍ନାକୁ ଆସୁଛି ।

ବାଜି ମାରିନେବ ବିଜେପି

ବିଭିନ୍ନ ଚ୍ୟାନେଲ ଏବଂ ଏଜେନ୍ସି ଦ୍ୱାରା ପ୍ରକାଶିତ ମତାମତ ସର୍ଭେରେ ଉଭୟ ରାଜ୍ୟରେ ବିଜେପି ସରକାର ଗଠନ ହେବାର ପୂର୍ବାନୁମାନ କରାଯାଇଛି । କିନ୍ତୁ ଗୁଜୁରାଟରେ ଆମ୍ ଆଦମୀ ପାର୍ଟି ଯେଉଁ ଭଳି ଭାବେ ଆକ୍ରମଣାତ୍ମକ ପ୍ରଚାର କରୁଛି ଏହା ଦେଖିବା ପରେ ଗୁଜୁରାଟରେ ପ୍ରତିଯୋଗିତା ବିଜେପି ପାଇଁ କଠିନ ହେବ ବୋଲି ରାଜନୈତିକ ବିଶେଷଜ୍ଞ ମାନେ ମତ ପ୍ରକାଶ କରିଛନ୍ତି । ଏପରିକି ଅନେକଙ୍କ ଅନୁସାରେ ରାଜ୍ୟରେ ମୁଖ୍ୟ ଲଢେଇ କଂଗ୍ରେସ ଏବଂ ବିଜେପି ମଧ୍ୟରେ ହେବ ।

ପୂର୍ବାନୁମାନ କଲେ ପ୍ରଶାନ୍ତ

କୁହାଯାଉଛି, ଗୁଜୁରାଟରେ ନିର୍ବାଚନ ଯେତିକି ପାଖେଇ ଆସୁଛି ନିର୍ବାଚନୀ ସମୀକରଣ ଦ୍ରୁତ ଗତିରେ ପରିବର୍ତ୍ତନ ହେବ । ଗୁଜୁରାଟ ନିର୍ବାଚନର ଫଳାଫଳ ଉପରେ ଏହାର ପ୍ରଭାବ ମଧ୍ୟ ଦେଖିବାକୁ ମିଳିପାରେ । ଏହି ସମୟରେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ଏହି ଦୁଇ ରାଜ୍ୟର ନିର୍ବାଚନକୁ ନେଇ ପୂର୍ବାନୁମାନ କରିଛନ୍ତି । ଚଳିତ ବର୍ଷ ହେବାକୁ ଥିବା ଗୁଜୁରାଟ ଏବଂ ହିମାଚଳ ପ୍ରଦେଶରେ କେଉଁ ଦଳ ସରକାର ଗଠନ କରିପାରନ୍ତି ସେ ନେଇ ସେ କହିଛନ୍ତି ।

ସରକାର ଗଢିବ ବିଜେପି

ଆଜିକାଲି ବିହାରରେ ଜନ ସୁରାଜ ଯାତ୍ରା କରୁଥିବା ପ୍ରଶାନ୍ତ କିଶୋର କହିଛନ୍ତି ଯେ ଉଭୟ ରାଜ୍ୟରେ ହେବାକୁ ଥିବା ନିର୍ବାଚନରେ କେଉଁ ଦଳ ଜିତିବାକୁ ଯାଉଛି । ପଶ୍ଚିମ ଚମ୍ପାରନ୍ ଗସ୍ତର 15 ତମ ଦିନରେ ଗଣମାଧ୍ୟମ ସହ କଥାବାର୍ତ୍ତା କରି ପି.କେ କହିଛନ୍ତି ଯେ ଗୁଜୁରାଟ ଏବଂ ହିମାଚଳଠାରେ ହେବାକୁ ଥିବା ବିଧାନସଭା ନିର୍ବାଚନରେ ବିଜେପି ବିଜୟୀ ହେବ ଏବଂ ସରକାର ଗଠନ କରିବ । ଉଭୟ ରାଜ୍ୟରେ ବିଜେପି ସପକ୍ଷରେ ସମର୍ଥନ ବଢିବାରେ ଲାଗିଛି ।

ପି.କେ ଆହୁରି କହିଛନ୍ତି ଯେ ଆମ୍ ଆଦମୀ ପାର୍ଟି ମଧ୍ୟ ଗୁଜରାଟରେ ନିର୍ବାଚନ ଲଢୁଛି । ଏହା ବିଜେପି ପାଇଁ ଅଧିକ କ୍ଷତି କରିବ ନାହିଁ । ଏଥି ସହିତ, ହିମାଚଳରେ ମଧ୍ୟ ଆମ୍ ଆଦମୀ ପାର୍ଟି କିଛି ପ୍ରଭାବ ପକାଇ ପାରିବ ନାହିଁ । ଆପଣଙ୍କୁ କହି ରଖୁଛୁ ପଶ୍ଚିମବଙ୍ଗର ବିଧାନସଭା ନିର୍ବାଚନ ପାଇଁ ପି.କେ ମଧ୍ୟ ପୂର୍ବାନୁମାନ କରିଥିଲେ, ଯାହା ଠିକ୍ ହୋଇଗଲା । ବେଙ୍ଗଲରେ ମମତାଙ୍କ ସରକାର ଗଠନ ହେବ ଏବଂ ବିଜେପି 100 ଟି ଆସନ ମଧ୍ୟ ପାର ହୋଇ ପାରିବ ନାହିଁ ବୋଲି ପି.କେ କହିଥିଲେ । ନିର୍ବାଚନ ଫଳାଫଳ ପରେ ମଧ୍ୟ ଫଳାଫଳ ସେହିପରି ରହିଥିଲା ।

ରାହୁଲଙ୍କୁ ଟାର୍ଗେଟ୍ କଲେ ପି.କେ

ଗଣମାଧ୍ୟମ ସହ କଥାବାର୍ତ୍ତା କରି ପି.କେ ରାହୁଲ ଗାନ୍ଧୀଙ୍କ ଭାରତ ଯୋଡା ଯାତ୍ରାକୁ ମଧ୍ୟ ଟାର୍ଗେଟ କରିଛନ୍ତି । ପି.କେ କହିଛନ୍ତି ଯେ ଗୁଜୁରାଟ ଏବଂ ହିମାଚଳରେ ନିର୍ବାଚନ ହେବାକୁ ଯାଉଛି । କିନ୍ତୁ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ନିର୍ବାଚନ ଛାଡି କେରଳରେ ଭାରତ ଯୋଡ଼ୋ ଯାତ୍ରା କରୁଛନ୍ତି । କେବଳ ଏତିକି ନୁହେଁ ପ୍ରଶାନ୍ତ ନୀତୀଶ କୁମାରଙ୍କୁ ମଧ୍ୟ ଟାର୍ଗେଟ କରିଥିଲେ । ସେ କହିଛନ୍ତି ଯେ ନୀତୀଶ କୁମାରଙ୍କ ସବୁଠାରୁ ବଡ ବିଫଳତା ହେଉଛି ଜଣେ ଶିକ୍ଷିତ ବ୍ୟକ୍ତି ହୋଇଥିଲେ ମଧ୍ୟ ବିହାରରେ ଶିକ୍ଷା ବ୍ୟବସ୍ଥା ଭୁଶୁଡି ପଡିଛି । ସେ କହିଛନ୍ତି ଯେ ବିହାରର ବିଦ୍ୟାଳୟରେ ଖିଚିଡ଼ି ବଣ୍ଟା ଯାଉଛି ଏବଂ କଲେଜରେ ଡିଗ୍ରୀ ବଣ୍ଟା ଯାଉଛି ।

Published On October 17, 2022