କାର ସହିତ ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କ ଭଉଣୀଙ୍କୁ ଉଠାଇ ନେଲା ହାଇଦ୍ରାବାଦ ପୋଲିସ
ମଙ୍ଗଳବାର ହାଇଦ୍ରାବାଦ ରାଜନୀତିରେ ଏକ ହାଇ ଭୋଲଟେଜ୍ ଡ୍ରାମା ଦେଖିବାକୁ ମିଳିଛି । ତେଲେଙ୍ଗାନା ପୋଲିସ ଏକ କ୍ରେନ୍ ଲଗାଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ଭଉଣୀ ଏବଂ YSRTP ମୁଖ୍ୟ ଶର୍ମିଲା ରେଡ୍ଡୀଙ୍କ କାରକୁ ଉଠାଇ ନେଇଛି ।
ହାଇଦ୍ରାବାଦ : ମଙ୍ଗଳବାର ହାଇଦ୍ରାବାଦ ରାଜନୀତିରେ ଏକ ହାଇ ଭୋଲଟେଜ୍ ଡ୍ରାମା ଦେଖିବାକୁ ମିଳିଛି । ତେଲେଙ୍ଗାନା ପୋଲିସ ଏକ କ୍ରେନ୍ ଲଗାଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ଭଉଣୀ ଏବଂ YSRTP ମୁଖ୍ୟ ଶର୍ମିଲା ରେଡ୍ଡୀଙ୍କ କାରକୁ ଉଠାଇ ନେଇଛି । କୌତୁହଳର ବିଷୟ, ପୋଲିସ କ୍ରେନ୍ ସାହାଯ୍ୟରେ କାରକୁ ଉଠାଇ ନେବା ବେଳେ ଶର୍ମିଲା ରେଡ୍ଡୀ କାରରେ ବସିଥିଲେ । ଯାହା ପରେ ଟିଆରଏସ ଏବଂ ଶର୍ମିଲା ରେଡ୍ଡୀଙ୍କ ମଧ୍ୟରେ ତିକ୍ତତା ଆହୁରି ବୃଦ୍ଧି ପାଇଛି ।
ସୂଚନା ଅନୁଯାୟୀ, YSR ତେଲେଙ୍ଗାନା ପାର୍ଟି ମୁଖ୍ୟ ଶର୍ମିଲା ରେଡ୍ଡୀ ରାଜ୍ୟ ମୁଖ୍ୟମନ୍ତ୍ରୀ କେ.ସି.ଆର. ଙ୍କ ବିରୋଧରେ ପ୍ରଦର୍ଶନ କରିବା ପାଇଁ ଯାଉଥିଲେ । ଏହି ସମୟରେ ପୋଲିସ କ୍ରେନ ସାହାଯ୍ୟରେ କାରକୁ ଉଠାଇ ନେଇଥିଲା । ଶର୍ମିଲା ରେଡ୍ଡୀ ପ୍ରଗତି ଭବନ ଯାଇ ସିଏମ୍ ବାସଭବନ ଘେରାଉ କରିବାକୁ ଚେଷ୍ଟା କରୁଥିଲେ । ସୋମାଜିଗୁଡାରୁ ଶର୍ମିଲା ରେଡ୍ଡୀଙ୍କୁ ଅଟକ ରଖାଯାଇଛି ଏବଂ ପୋଲିସ ତାଙ୍କୁ ସ୍ଥାନୀୟ ପୋଲିସ ଷ୍ଟେସନକୁ ନେଇଯାଉଛି ।
ଯେଉଁ ଭିଡିଓ ସାମ୍ନାକୁ ଆସିଛି, ଶର୍ମିଲା ରେଡ୍ଡୀ କାରରେ ବସିଥିବାର ନଜର ଆସିଛନ୍ତି । ତାଙ୍କ କାରକୁ ଏକ କ୍ରେନ୍ ଦ୍ୱାରା ଟାଣି ନିଆଯାଉଛି । ତାଙ୍କର ସମର୍ଥକ ଏବଂ ମିଡିଆ ବ୍ୟକ୍ତିମାନେ ଦୌଡ଼ୁଛନ୍ତି । ଶର୍ମିଲା ରେଡ୍ଡୀଙ୍କ YSR ତେଲେଙ୍ଗାନା ପାର୍ଟି କେ ଚନ୍ଦ୍ରଶେଖର ରାଓ ସରକାରଙ୍କ ବିରୋଧରେ ଏକ ପଦଯାତ୍ରା ଆରମ୍ଭ କରିଛି ।
#WATCH | Hyderabad: Police drags away the car of YSRTP Chief Sharmila Reddy with the help of a crane, even as she sits inside it for protesting against the Telangana CM KCR pic.twitter.com/i7UTjAEozD
— ANI (@ANI) November 29, 2022
ଏହି ସମୟରେ ଶାସକ ତେଲେଙ୍ଗାନା ରାଷ୍ଟ୍ରୀୟ ସମିତି (ଟିଆରଏସ) ଏବଂ YSRTP କର୍ମୀଙ୍କ ସମର୍ଥକମାନେ ସୋମବାର ୱାରଙ୍ଗଲରେ ମୁହାଁମୁହିଁ ହୋଇଥିଲେ । ଏହା ପରେ ଗତକାଲି ତାଙ୍କୁ କିଛି ସମୟ ପାଇଁ ଅଟକ ରଖାଯାଇଥିଲା । ଶର୍ମିଲାଙ୍କ ପଦଯାତ୍ରା ଏପର୍ଯ୍ୟନ୍ତ ପ୍ରାୟ 3500 କିଲୋମିଟର ଦୂରତା ଅତିକ୍ରମ କରିଛି । ଦୁର୍ନୀତି ଅଭିଯୋଗରେ ଶର୍ମିଲା ରେଡ୍ଡୀ ତାଙ୍କ ଗସ୍ତରେ କେସିଆର ନେତୃତ୍ୱାଧୀନ ସରକାରଙ୍କୁ ଟାର୍ଗେଟ କରୁଛନ୍ତି ।