ଦ୍ୱିତୀୟ ଥର ମଙ୍ଗ ଧରିଲେ ପିନାରାଇ ବିଜୟନ, କ୍ୟାବିନେଟରେ ପୁରୁଣା ଚେହେରାର ନାହିଁ ସ୍ଥାନ
ସେଣ୍ଟ୍ରାଲ ଷ୍ଟାଡିୟମରେ ଆୟୋଜିତ ଏକ କାର୍ଯ୍ୟକ୍ରମରେ ପିନାରାଇ ବିଜୟନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । କରୋନା ମହାମାରୀକୁ ଦୃଷ୍ଟିରେ ରଖି କେବଳ ଅଳ୍ପ ସଂଖ୍ୟକ ଅତିଥିଙ୍କୁ ନିମନ୍ତ୍ରଣ କରାଯାଇଥିଲା ।
ଥିରୁବନନ୍ତପୁରମ୍ : ଉପକୂଳବର୍ତ୍ତୀ ରାଜ୍ୟ କେରଳରେ ଗୁରୁବାର ଦିନ ରାଜୈତିକ ଇତିହାସ ବଦଳିଛି । ଏଠାରେ LDF ଦ୍ୱିତୀୟ ଥର ପାଇଁ ବହୁମତ ହାସଲ କରି ସରକାର ଗଠନ କରିଛି । ସେଣ୍ଟ୍ରାଲ ଷ୍ଟାଡିୟମରେ ଆୟୋଜିତ ଏକ କାର୍ଯ୍ୟକ୍ରମରେ ପିନାରାଇ ବିଜୟନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । କରୋନା ମହାମାରୀକୁ ଦୃଷ୍ଟିରେ ରଖି କେବଳ ଅଳ୍ପ ସଂଖ୍ୟକ ଅତିଥିଙ୍କୁ ନିମନ୍ତ୍ରଣ କରାଯାଇଥିଲା । ବିଜୟଙ୍କ ବ୍ୟତୀତ 22 ମନ୍ତ୍ରୀ ମଧ୍ୟ ଶପଥ ଗ୍ରହଣ କରିବେ, ଯଦିଓ ଏଥର ମନ୍ତ୍ରୀମଣ୍ଡଳରେ କୌଣସି ପୁରୁଣା ଚେହେରା ଦେଖିବାକୁ ମିଳିନାହିଁ ।
କରୋନା ମହାମାରୀ ହେତୁ କାର୍ଯ୍ୟକ୍ରମ ବନ୍ଦ କରିବାକୁ ଦାବି ହୋଇଥିଲା, କିନ୍ତୁ ହାଇକୋର୍ଟ ଆବେଦନକାରୀଙ୍କ ବିପକ୍ଷରେ ରାୟ ଦେଇଥିଲେ । ଏହାପରେ ଗୁରୁବାର ଅପରାହ୍ନ 3.30 ରେ କରୋନା ପ୍ରୋଟୋକଲ ସହିତ ଶପଥ ଗ୍ରହଣ ସମାରୋହ ଆରମ୍ଭ ହୋଇଥିଲା । ଏଠାରେ ରାଜ୍ୟପାଳ ଆରିଫ ମହମ୍ମଦ ଖାନ ପିନାରାଇ ବିଜୟନଙ୍କୁ ଶପଥ ଗ୍ରହଣ କରାଇବା ସହ ଗୁପ୍ତ ପାଠ କରାଇଥିଲେ । ଏହାପରେ ବର୍ତ୍ତମାନ କେରଳରେ ସରକାର ଗଠନ କାର୍ଯ୍ୟ ଶେଷ ହୋଇଛି । ସାଧାରଣତଃ କେରଳରେ କୌଣସି ଶାସକ ଦଳ କ୍ରମାଗତ ଭାବେ ଦୁଇଥର ସରକାର ଗଠନ କରିନଥିଲେ, କିନ୍ତୁ ଏଥର LDF କେରଳର ଇତିହାସ ବଦଳାଇ ଦେଇଛି ।
ପିନାରାଇ ବିଜୟନ କ୍ରମାଗତ ଭାବେ ଦୁଇଥର ମୁଖ୍ୟମନ୍ତ୍ରୀ ହେବା ସହ କ୍ୟାବିନେଟ ଗଠନରେ ମଧ୍ୟ ଏକ ଐତିହାସିକ ପଦକ୍ଷେପ ନେଇଛନ୍ତି । ଏଥର କୌଣସି ପୁରୁଣା ମନ୍ତ୍ରୀଙ୍କୁ ଦାୟିତ୍ୱ ମିଳିନାହିଁ । ତାଙ୍କ କ୍ୟାବିନେଟରେ ସମସ୍ତ ନୂଆ ଚେହେରାଙ୍କୁ ମିଳିଛି ଦାୟିତ୍ୱ । ଭାରତୀୟ ରାଜନୈତିକ ଇତିହାସରେ ଏହା ହେଉଛି ତାଙ୍କର ପ୍ରଥମ ପରୀକ୍ଷଣ । ଏଥି ସହ ବିବାଦ ଲାଗି ରହିଥିବା ସ୍ୱାସ୍ଥ୍ୟମନ୍ତ୍ରୀ କେ.କେ ସୈଲଜାଙ୍କୁ ହଟାଇବାକୁ ସିଏମ୍ ନିଷ୍ପତ୍ତି ନେଇଛନ୍ତି । କରୋନା ମହାମାରୀ ସମୟରେ ସୈଲଜା ଭଲ ପଦକ୍ଷେପ ନେବା ସହ ଭଲ କାମ କରିଥିଲେ । ଯାହାକୁ ପିଏମ ମୋଦୀ ଏବଂ WHO ପ୍ରଶଂସା ମଧ୍ୟ କରିଛନ୍ତି ।
କାହା ପାଖରେ କେତେ କ୍ଷମତା
ଆପଣଙ୍କୁ କହିରଖୁଛୁ ଯେ ଏହି ନିର୍ବାଚନରେ LDF କେରଳରେ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରି 99 ଟି ସିଟ୍ ଜିତିଛି । ଅନ୍ୟପକ୍ଷରେ କଂଗ୍ରେସ ନେତୃତ୍ୱାଧୀନ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (UDF) ଖାତାକୁ ଯାଇଛି 41 ଟି ସିଟ୍ । ଏହି ନିର୍ବାଚନରେ ମେଟ୍ରୋମ୍ୟାନ ଇଂ ଶ୍ରୀଧରନଙ୍କ ସହାୟତାରେ ବିଜେପି କ୍ଷମତା ହାସଲ କରିବାକୁ ଚେଷ୍ଟା କରୁଥିଲା, କିନ୍ତୁ ଏନଡିଏ ଗୋଟିଏ ବି ଆସନ ନ ପାଇ ନିରାଶ ହୋଇଛି ।
Click it and Unblock the Notifications
Sign in with Google