କିଏ ହେବ ମୁଖ୍ୟମନ୍ତ୍ରୀ ଚେହେରା ? ସିଦ୍ଧୁ କହିଲେ - ହାଇ କମାଣ୍ଡ ନୁହେଁ ପଞ୍ଜାବର ଲୋକମାନେ ନେବେ ନିଷ୍ପତ୍ତି

କଂଗ୍ରେସର ନିର୍ବାଚନୀ ଇସ୍ତାହାର ପୂର୍ବରୁ ସିଦ୍ଧୁ ଚଣ୍ଡିଗଡ଼ରେ ନିଜର ପଞ୍ଜାବ ମଡେଲ ଲଞ୍ଚ କରିଛନ୍ତି । ସିଦ୍ଧୁଙ୍କ ପଞ୍ଜାବ ମଡେଲ ପୋଷ୍ଟରରୁ ବର୍ତ୍ତମାନର ମୁଖ୍ୟମନ୍ତ୍ରୀ ଚରଣଜିତ୍ ଚନ୍ନୀଙ୍କ ଫଟୋ ହଟାଇ ଦିଆଯାଇଛି ।

Published: Tuesday, January 11, 2022, 17:33 [IST]

ଚଣ୍ଡିଗଡ଼ : ରାଜ୍ୟରେ ବିଧାନସଭା ନିର୍ବାତନ ଯେତେ ପାଖେଇ ଆସୁଛି ଶାସକ ଦଳ କଂଗ୍ରେସର ସମସ୍ୟା ବଢିବାରେ ଲାଗିଛି । ବିଧାନସଭା ନିର୍ବାଚନ ନେଇ ତାରିଖ ଘୋଷଣା ହେବା ପରେ ସମସ୍ତ ରାଜନୈତିକ ଦଳ ନିଜ ନିଜର ରଣନୀତି ପ୍ରସ୍ତୁତ କରିବାରେ ଲାଗି ପଡ଼ିଛନ୍ତି । କିନ୍ତୁ ଶାସକ କଂଗ୍ରେସର ପିଛା ଛାଡ଼ୁନି ସମସ୍ୟା । ଦଳର ରାଜ୍ୟ ଅଧ୍ୟକ୍ଷ ନବଜୋତ ସିଂହ ସିଦ୍ଧୁ ପୁଣି ଥରେ ଦଳର ସମସ୍ୟା ବଢାଇଦେଇଛନ୍ତି ।

କଂଗ୍ରେସର ନିର୍ବାଚନୀ ଇସ୍ତାହାର ପୂର୍ବରୁ ସିଦ୍ଧୁ ଚଣ୍ଡିଗଡ଼ରେ ନିଜର ପଞ୍ଜାବ ମଡେଲ ଲଞ୍ଚ କରିଛନ୍ତି । ସିଦ୍ଧୁଙ୍କ ପଞ୍ଜାବ ମଡେଲ ପୋଷ୍ଟରରୁ ବର୍ତ୍ତମାନର ମୁଖ୍ୟମନ୍ତ୍ରୀ ଚରଣଜିତ୍ ଚନ୍ନୀଙ୍କ ଫଟୋ ହଟାଇ ଦିଆଯାଇଛି । ଏହା ସହ ସେ ସ୍ପଷ୍ଟ କରିଛନ୍ତି ଯେ ପଞ୍ଜାବରେ ମୁଖ୍ୟମନ୍ତ୍ରୀ ଚେହେରା କିଏ ହେବ ତାହା ପଞ୍ଜାବର ଲୋକମାନେ ସ୍ଥିର କରିବେ ।

ସିଦ୍ଧୁଙ୍କ ଏହି ପଞ୍ଜାବ ମଡ଼େଲରେ କେବଳ ସୋନିଆ ଗାନ୍ଧୀ, ରାହୁଲ ଏବଂ ପ୍ରିୟଙ୍କା ଗାନ୍ଧୀଙ୍କ ଫଟୋ ରହିଛି । ରାଜ୍ୟରେ ମାଫିଆ ରାଜ୍ ନାମରେ ସିଦ୍ଧୁ ନିଜ ଦଳର ସରକାରଙ୍କୁ ଟାର୍ଗେଟ କରିଛନ୍ତି । ସିଦ୍ଧୁ କହିଛନ୍ତି, ପଞ୍ଜାବରେ କେବଳ ମାଫିଆ ରାଜ ଚାଲିଛି । ସମସ୍ତେ କହୁଛନ୍ତି ଯେ ପଞ୍ଜାବର ଭଣ୍ଡାର ଖାଲି ।
ଏହା ସହିତ ଯେତେବେଳେ ଗଣମାଧ୍ୟମ ନବଜୋତ ସିଂହ ସିଦ୍ଧୁଙ୍କୁ ମୁଖ୍ୟମନ୍ତ୍ରୀଙ୍କ ଚେହେରା ବିଷୟରେ ଏକ ପ୍ରଶ୍ନ ପଚାରିଲା, ସେ କହିଥିଲେ, ତୁମେ ମୋତେ ଗୋଟିଏ କଥା କୁହ ଯେ ପ୍ରତ୍ୟେକ ବ୍ୟକ୍ତି ସିଏମ ହୋଇପାରିବେ କି ? ଦ୍ୱିତୀୟ କଥା ହେଉଛି ସିଏମ୍ ହାଇ କମାଣ୍ଡ ନୁହେଁ ବରଂ ପଞ୍ଜାବର ଲୋକ ଚୟନ କରନ୍ତି । ପଞ୍ଜାବର ଲୋକମାନେ 5 ବର୍ଷ ପୂର୍ବେ ବିଧାୟକ ନିର୍ବାଚିତ କରିଥିଲେ ଏବଂ ପରେ ସେମାନଙ୍କ ମଧ୍ୟରୁ ସିଏମ୍ ନିର୍ବାଚିତ ହୋଇଥିଲେ । ଏଥର ପଞ୍ଜାବର ଲୋକ ବିଧାୟକ ହେବେ କି ନାହିଁ ତାହା ସ୍ଥିର କରିବାକୁ ପଡିବ ।

ସିଦ୍ଧୁ ଆହୁରି କହିଛନ୍ତି ଯେ, ଯେତେବେଳେ କୌଣସି ଏଜେଣ୍ଡା ଥିବ ସେତେବେଳେ ଏହା ହେବ । ତେଣୁ କୌଣସି ଭ୍ରମରେ ରୁହନ୍ତୁ ନାହିଁ । କେବଳ ପଞ୍ଜାବର ଲୋକଙ୍କୁ ବିଧାୟକ ବାଛିବାକୁ ହେବ ଏବଂ ସେମାନଙ୍କୁ ସିଏମ୍ କରିବାକୁ ପଡିବ । ନିଜ "ପଞ୍ଜାବୀ ମଡେଲ" ଉପରେ ସିଦ୍ଧୁ କହିଛନ୍ତି ଯେ ଏହା ବ୍ୟକ୍ତିଗତ କିମ୍ବା ନିଜ ସେବା ପାଇଁ ପ୍ରସ୍ତୁତ ମଡେଲ ନୁହେଁ । ପଞ୍ଜାବରେ ଫେବୃଆରୀ 14 ରେ ମତଦାନ ହେବ ଏବଂ ମାର୍ଚ୍ଚ 10 ରେ ଭୋଟ୍ ଗଣତି ହେବ । ନିର୍ବାଚନ ତାରିଖ ଘୋଷଣା ପରେ ମଧ୍ୟ କଂଗ୍ରେସ ମୁଖ୍ୟମନ୍ତ୍ରୀ ଚେହେରା ଘୋଷଣା କରିନାହିଁ । ବିଧାନସଭା ନିର୍ବାଚନ ପାଇଁ ନବଜୋତ ସିଂହ ସିଦ୍ଧୁ ରବିବାର ତାଙ୍କ ଦଳର ଡିଜିଟାଲ ଅଭିଯାନ ଆରମ୍ଭ କରିଛନ୍ତି ।

Published On January 11, 2022