ଉତ୍ତରପ୍ରଦେଶ ନିର୍ବାଚନ ପୂର୍ବରୁ ଆରଏସଏସରେ ବଡ ପରିବର୍ତ୍ତନ, ଅରୁଣ କୁମାରଙ୍କୁ ମିଳିଲା ବଡ ଦାୟିତ୍ୱ
ନିର୍ବାଚନ ପୂର୍ବରୁ ଆରଏସଏସ ଦ୍ୱାରା ସଂଗଠନରେ ଏକ ବଡ଼ ଧରଣର ଅଦଳବଦଳ କରାଯାଇଛି । ରାଷ୍ଟ୍ରୀୟ ସ୍ୱୟଂ ସେବକ ସଂଗଠନର ସାଧାରଣ ସମ୍ପାଦକ ଅରୁଣ କୁମାରଙ୍କୁ ଯୋଗାଯୋଗ ଅଧିକାରୀ କରାଯାଇଛି ।
ନୂଆଦିଲ୍ଲୀ : ଆସନ୍ତା ବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଏହି ସମୟରେ ନିର୍ବାଚନ ପୂର୍ବରୁ ଆରଏସଏସ ଦ୍ୱାରା ସଂଗଠନରେ ଏକ ବଡ଼ ଧରଣର ଅଦଳବଦଳ କରାଯାଇଛି । ରାଷ୍ଟ୍ରୀୟ ସ୍ୱୟଂ ସେବକ ସଂଗଠନର ସାଧାରଣ ସମ୍ପାଦକ ଅରୁଣ କୁମାରଙ୍କୁ ଯୋଗାଯୋଗ ଅଧିକାରୀ କରାଯାଇଛି । ଏହା ପୂର୍ବରୁ ବିଜେପି ଏବଂ ଅନ୍ୟ ଦଳ ସହ ରାଜନୈତିକ ସଂଯୋଜକ ଭାବରେ କାର୍ଯ୍ୟ କରୁଥିବା କୃଷ୍ଣ ଗୋପାଳ ଏହି ଦାୟିତ୍ୱରେ ଥିଲେ । ସେ 2015 ପରଠାରୁ ଏହି ପଦବୀରେ ଥିଲେ ।
ମଧ୍ୟପ୍ରଦେଶର ଚିତ୍ରକୁଟରେ ଆରଏସଏସର ବୈଠକ ପରେ ସଂଗଠନରେ ଏହି ପରିବର୍ତ୍ତନ କରାଯାଇଛି । ଏହାପୂର୍ବରୁ ବର୍ଷ ଆରମ୍ଭରେ ମଧ୍ୟ ଆରଏସଏସରେ ପରିବର୍ତ୍ତନ ହୋଇଥିଲା । ଦତ୍ତାତ୍ରେୟ ହୋସାବୋଲଙ୍କୁ ମହାସଚିବ କରାଯାଇଥିବା ବେଳେ ହୋଇଥିବାବେଳେ ଅରୁଣ କୁମାରଙ୍କୁ ରାମଦତ୍ତ ଚକ୍ରଧରଙ୍କ ସହ ମିଳିତ ସାଧାରଣ ସମ୍ପାଦକ କରାଯାଇଥିଲା । ଏହା ସହିତ ଆରଏସଏସ ପଶ୍ଚିମବଙ୍ଗର ଫିଲ୍ଡ ପ୍ରଚାରକ ପ୍ରଦୀପ ଯୋଶୀଙ୍କୁ ଏଠାରୁ ହଟାଇ ଅଖିଳ ଭାରତୀୟର ସହ ସମ୍ପର୍କ ପ୍ରମୁଖ ଦାୟିତ୍ୱ ମିଳିଛି । ସୂଚନାନୁସାରେ, ଆରଏସଏସ ମଧ୍ୟ ସଂଗଠନର ଦ୍ୱିତୀୟ ଯୁଗ୍ମ ସଚିବ ନିଯୁକ୍ତ କରିପାରେ, ଯାହା ବି.ଏଲ୍ ସନ୍ତୋଷଙ୍କୁ ସାହାଯ୍ୟ କରିବ । ବର୍ତ୍ତମାନ, ବି.ଏଲ୍ ସନ୍ତୋଷ ସଂଗଠନର ରାଷ୍ଟ୍ରୀୟ ମହାସଚିବ ଅଛନ୍ତି ।
ଅରୁଣ କୁମାରଙ୍କ ବିଷୟରେ କହିବାକୁ ଗଲେ, ସେ ଦୀର୍ଘ ଦିନ ଧରି ଜାମ୍ମୁ କାଶ୍ମୀରରେ କାର୍ଯ୍ୟ କରିଛନ୍ତି ଏବଂ ଧାରା 370 ହଟାଇବା ପଛରେ ସେ ଆରଏସଏସର ଜଣେ ଗୁରୁତ୍ୱପୂର୍ଣ୍ଣ ସ୍ଥପତି ଭାବରେ ବିବେଚିତ ହୋଇଛନ୍ତି । ସାତୋଟି ରାଜ୍ୟରେ ଆସନ୍ତା ବିଧାନସଭା ନିର୍ବାଚନ ପୂର୍ବରୁ ଅରୁଣ କୁମାରଙ୍କୁ ଯୋଗାଯୋଗ ଅଧିକାରୀ କରାଯାଇଛି । ଉତ୍ତରପ୍ରଦେଶରୁ ଆସିଥିବା କୃଷ୍ଣ ଗୋପାଳ, ବିଦ୍ୟା ଭାରତୀ, ଲଘୁ ଉଦ୍ୟୋଗ ଭାରତୀର କାର୍ଯ୍ୟ ମଧ୍ୟ ତଦାରଖ କରିବେ । ସୂଚନାନୁସାରେ, କୃଷ୍ଣ କୁମାରଙ୍କ ସ୍ୱାସ୍ଥ୍ୟ ଅବସ୍ଥା ଭଲ ନଥିଲା, ଏହି କାରଣରୁ ତାଙ୍କୁ ଏହି ପଦବୀରୁ ହଟାଇ ଦିଆଯାଇଛି ।
Click it and Unblock the Notifications
Sign in with Google