Opposition meeting: ଏଥର ବି ହେବ କି EVM ବିରୋଧ ? କଣ ରହିଛି ବିରୋଧୀ ଦଳର ସମ୍ପୂର୍ଣ୍ଣ ଯୋଜନା...

Updated: Monday, July 17, 2023, 13:12 [IST]

Opposition meeting : 2024 ଲୋକସଭା ନିର୍ବାଚନରେ ବିଜେପି ନେତୃତ୍ୱାଧୀନ ଏନଡିଏକୁ ଚେକ୍ ଦେବା ପାଇଁ ରଣନୀତି ପ୍ରସ୍ତୁତ କରିବାକୁ ଆଜି କର୍ଣ୍ଣାଟକର ବେଙ୍ଗାଲୁରୁରେ 24 ଦିନ ବିରୋଧୀ ଦଳ ଏକଜୁଟ୍ ହେଉଛନ୍ତି । ଆଗାମୀ ଲୋକସଭା ନିର୍ବାଚନରେ ବିଜେପିକୁ କିପରି ପରାସ୍ତ କରାଯିବ, ଏ ନେଇ କଣ ରଣନୀତି ରହିବ ସେ ନେଇ ବୈଠକରେ ଆଲୋଚନା କରାଯିବ ।

କିନ୍ତୁ ଏହା ପୂର୍ବରୁ ଶିବସେନା(ଉଦ୍ଧବ ଗୋଷ୍ଠୀ)ର ନେତା ସଞ୍ଜୟ ରାଉତ ବୈଠକରେ କେଉଁ ପ୍ରସଙ୍ଗ ଉପରେ ଆଲୋଚନା କରାଯିବ ଏବଂ କେଉଁ ନିଷ୍ପତ୍ତି ନିଆଯାଇପାରେ ସେ ନେଇ ଏକ ବଡ଼ ଖୁଲାସା କରିଛନ୍ତି ।

ସଭା ଆରମ୍ଭ ହେବା ପୂର୍ବରୁ ଗଣମାଧ୍ୟମ ସହିତ କଥାବାର୍ତ୍ତା କରି ସଞ୍ଜୟ ରାଉତ କହିଛନ୍ତି, 'ବିରୋଧୀ ଦଳ ମଧ୍ୟରେ ଅନେକ ବିଷୟ ଉପରେ ଆଲୋଚନା ହେବ । ଇଭିଏମ୍ ବିଷୟରେ ଆଲୋଚନା ହେବ, ଲୋକସଭା ନିର୍ବାଚନ ପାଇଁ ସିଟ୍ କିପରି ବଣ୍ଟନ କରାଯିବ ଏବଂ ବିରୋଧୀ ଦଳର ନାମ କ'ଣ ହୋଇପାରେ ସେନେଇ ଆଲୋଚନା ହେବ । ସଞ୍ଜୟ ରାଉତଙ୍କ ଏହି ଶବ୍ଦରୁ ଏହା ସ୍ପଷ୍ଟ ଯେ ବିରୋଧୀ ଦଳଗୁଡ଼ିକର ସାମ୍ମୁଖ୍ୟର ନାମ UPA ରୁ ଅନ୍ୟ କିଛିକୁ ବଦଳାଇପାରନ୍ତି । ଆହୁରି ମଧ୍ୟ ସୂଚନା ରହିଛି ଯେ ବିରୋଧୀମାନେ ଇଭିଏମ୍ ପ୍ରସଙ୍ଗ ଉଠାଇ ପାରନ୍ତି ।

ଏଥି ସହିତ ଯେତେବେଳେ କଂଗ୍ରେସର ସାଧାରଣ ସମ୍ପାଦକ କେ.ସି ଭେନୁଗୋପାଲଙ୍କୁ ବିରୋଧୀ ଦଳର ନାମ ବଦଳାଇବା ବିଷୟରେ ପଚରାଯାଇଥିଲା, ସେ କହିଛନ୍ତି ଯେ ବୈଠକରେ କେଉଁ ପ୍ରସଙ୍ଗ ଉପରେ ଆଲୋଚନା କରାଯିବ ତାହା ମୁଁ ବର୍ତ୍ତମାନ କହି ପାରିବି ନାହିଁ, କିନ୍ତୁ ଯାହା ସମ୍ଭବ ତାହା ନିଷ୍ପତ୍ତି ନିଆଯିବ । କେବଳ କଂଗ୍ରେସ କୌଣସି ନିଷ୍ପତ୍ତି ନେବ ନାହିଁ, ଯାହା ସବୁ ହେବ ସବୁ ଦଳର ସହମତିରେ ହେବ । ସମସ୍ତ ବିରୋଧୀ ଦଳ ଏକାଠି ବସି ଆଲୋଚନା କରିବେ ଏବଂ ସେତେବେଳେ ନିଷ୍ପତ୍ତି ନିଆଯିବ ।

ଆପଣଙ୍କୁ କହି ରଖୁଛୁ 2024 ଲୋକସଭା ନିର୍ବାଚନ ସମ୍ପର୍କରେ ଏହା ହେଉଛି ବିରୋଧୀଙ୍କ ଦ୍ୱିତୀୟ ବୈଠକ । ଏହା ପୂର୍ବରୁ ବିରୋଧୀ ଦଳ ଗତ ଜୁନ୍ 23 ରେ ପାଟନାରେ ଏକାଠି ହୋଇଥିଲେ । ଆଜି ହେବାକୁ ଥିବା ବୈଠକରେ ପ୍ରାୟ 24 ବିରୋଧୀ ଦଳ ଅଂଶଗ୍ରହଣ କରିପାରିନ୍ତି ବୋଲି କୁହାଯାଉଛି । ବୈଠକରେ ଯୋଗଦେବା ପାଇଁ ଆମ୍ ଆଦମୀ ପାର୍ଟି ମଧ୍ୟ ସମ୍ମତି ଦେଇଛି ।