2024 ନିର୍ବାଚନରେ ଫ୍ରଣ୍ଟ ଫୁଟରେ ଖେଳିବ କଂଗ୍ରେସ, ଆଗୁଆ ଘୋଷଣା କରିବ ଟିକେଟ୍

Published: Tuesday, January 9, 2024, 12:58 [IST]

2024 Elections: ଆଗାମୀ ଲୋକସଭା ଓ ବିଧାନସଭା ନିର୍ବାଚନକୁ ନେଇ ଆକ୍ଟିଭ୍ ମୋଡ଼୍ ରେ ରାଜ୍ୟ କଂଗ୍ରେସ । ଓଡ଼ିଶା କଂଗ୍ରେସ ଏଥର ଫ୍ରଣ୍ଟ ଫୁଟରେ ଖେଳିବା ମନୋବୃତ୍ତିରେ ରହିଛି । ଆଗୁଆ ରଣନୀତି ପ୍ରସ୍ତୁତ କରିବା ସହ ଜଳ ନିଜର ପ୍ରଚାର ଆରମ୍ଭ କରିଦେଇଛି । ଏପରିକି ଡ଼ ଅଜୟ କୁମାର ଓଡ଼ିଶା ପ୍ରଦେଶ କଂଗ୍ରେସ ଦାୟିତ୍ୱ ନେବା ପରଠାରୁ ଆକ୍ରମଣାତ୍ମକ ମୁଡ୍ ରେ ରହିଛି ଦଳ ।

ଏହି ସମୟରେ 2024 ନିର୍ବାଚନକୁ ନେଇ ବଡ଼ ବୟାନ ଦେଇଛନ୍ତି କଂଗ୍ରେସ ବିଧାୟକ ତାରା ବାହିନୀପତି । 2024 ନିର୍ବାଚନ ପାଇଁ କଂଗ୍ରେସର 60-70 ଟିକେଟ ଫାଇନାଲ ହୋଇସାରିଛି । 9 ଜଣ ବିଧାୟକଙ୍କୁ ଟିକେଟ ମିଳିବା ନିଶ୍ଚିତ ।

ସବୁଠୁ ବଡ କଥା ହେଉଛି, ଏଥ କଂଗ୍ରେସ ଆଗୁଆ ଟିକେଟ ଦେବ । ଆସନ୍ତା ଫେବ୍ରୁଆରୀରେ କଂଗ୍ରେସ ଆଗୁଆ ଟିକେଟ ଦେବ ବୋଲି କହିଛନ୍ତି ତାରା ବାହିନୀପତି ।

ଏହା ସହ ଆସନ୍ତା ଫେବୃଆରୀରେ ରାହୁଲ ଗାନ୍ଧୀଙ୍କ ସମେତ ଅନେକ କଂଗ୍ରେସର ଅନେକ କେନ୍ଦ୍ରୀୟ ନେତୃତ୍ୱ ଓଡ଼ିଶା ଆସିବେ । ଭାରତ ଯୋଡ ନ୍ୟାୟ ଯାତ୍ରାରେ କଂଗ୍ରେସର ହେଭିୱେଟ ଚେହେରା ଓଡ଼ିଶା ଆସିବେ । ଗତ ନିର୍ବାଚନରେ ଅନେକ ସ୍ଥାନରେ କଂଗ୍ରେସ ପ୍ରାର୍ଥୀ କମ ଭୋଟରେ ପରାଜିତ ହୋଇଥିଲେ । ତେଣୁ ଏଥର ସର୍ଭେ ଅନୁଯାୟୀ ଟିକେଟ ବଣ୍ଟନ ହେବ ବୋଲି କହିଛନ୍ତି ତାରା । ଏହାସହ ନିର୍ବାଚନ ପୂର୍ବରୁ ଅନେକ ବଡ ଚେହେରା କଂଗ୍ରେସର ହାତ ଧରିବେ । ଏନେଇ ଅନେକ ନେତା ଯୋଗାଯୋଗରେ ଥିବା କହିଛନ୍ତି ।

ତାରାଙ୍କ ଏହି ବୟାନ ସୂଚାଉଛି, ନୂଆ ପ୍ରଭାରୀ ଦାୟିତ୍ୱ ନେବା ପରେ ଆକ୍ଟିଭମୋଡରେ କାମ କରୁଛି କଂଗ୍ରେସ ।

Published On January 9, 2024