‘ବିଜେପି ଯିବା ଖବର ଗୁଜବ, NCP ରେ ଅଛି... ରହିବି...', ସାମ୍ବାଦିକ ସମ୍ମିଳନୀରେ କହିଲେ ଅଜିତ
ମୁମ୍ବାଇ : ମହାରାଷ୍ଟ୍ର ରାଜନୀତିରେ ବଡ଼ ଧରଣର ପରିବର୍ତ୍ତନକୁ ନେଇ କଳ୍ପନାଜଳ୍ପନା ମଧ୍ୟରେ ମୁହଁ ଖୋଲିଛନ୍ତି ଏନସିପି ନେତା ଅଜିତ ପାୱାର । ସେ ବିଜେପିରେ ଯୋଗ ଦେବା ଖବରକୁ ଖଣ୍ଡନ କରିବା ସହ ଏହାକୁ ଗୁଜବ ବୋଲି କହିଛନ୍ତି ।
ଏନସିପି ନେତା ଅଜିତ ପାୱାର ସାମ୍ବାଦିକ ସମ୍ମିଳନୀ କରି କଲ୍ପନାଜଳ୍ପନାରେ ଯବନିକା ପକାଇଛନ୍ତି । ସେ କହିଛନ୍ତି, 'ବିଜେପିରେ ସାମିଲ ହେବା ଖବର ଗୁଜବ । ମୁଁ ଏନସିପିରେ ଅଛି.. ରହିବି... ।'
ଏହା ପୂର୍ବରୁ ଅଜିତ୍ ପାୱାର ବିଜେପିରେ ସାମିଲ ହେବା ନେଇ ଚର୍ଚ୍ଚା ଜୋର ଧରିଥିଲା । ଏପରିକି ସେ ଦଳର 30 ରୁ ଅଧିକ ବିଧାୟକଙ୍କୁ ସାଥିରେ ନେଇପାରନ୍ତି ବୋଲି ଚର୍ଚ୍ଚା ହେଉଥିଲା । କିନ୍ତୁ ଏହି ଖବରକୁ ଗୁଜବ ବୋଲି କହିଥିଲେ ଏନସିପି ମୁଖ୍ୟ ଶରଦ ପାୱାର । ବର୍ତ୍ତମାନ ଅଜିତ୍ ପାୱାର ନିଜେ ଏହି ଖବରକୁ ଖଣ୍ଡନ କରିଛନ୍ତି ।
No truth in the rumours spread about me: Ajit Pawar, LoP Maharashtra Assembly & NCP leader dismisses rumours about his leaving NCP pic.twitter.com/SqwW5joV9V
— ANI (@ANI) April 18, 2023
ଏନସିପି ସାଂସଦ ତଥା ଶରଦ ପାୱାରଙ୍କ ଝିଅ ସୁପ୍ରିୟା ସୁଲେଙ୍କ ବୟାନ ପରେ ଏହି ଚର୍ଚ୍ଚା ଆହୁରି ଜୋର ଧରିଥିଲା । ସୁପ୍ରିୟା କହିଥିଲେ ଯେ ଆଗାମୀ 15 ଦିନ ମଧ୍ୟରେ ଦୁଇଟି ବଡ଼ ରାଜନୈତିକ ଧମାକା ହେବ । ଗୋଟିଏ ଦିଲ୍ଲୀରେ ଏବଂ ଅନ୍ୟଟି ମହାରାଷ୍ଟ୍ରରେ । ଏହା ପରେ ମହାରାଷ୍ଚ୍ର ରାଜନୀତିରେ ବଡ଼ ଧରଣର ପରିବର୍ତ୍ତନ ହେବା ନେଇ ଆଶଙ୍କା କରାଯାଉଥିଲା ।
Click it and Unblock the Notifications
Sign in with Google