'ୱାନଖେଡେଙ୍କୁ ବଞ୍ଚାଇବାକୁ ଚେଷ୍ଟା କରୁଛନ୍ତି ପୂର୍ବତନ ସିଏମ୍,' : ନବାବ ମଲିକ
ଦେବେନ୍ଦ୍ର ଫଡନାଭିସ୍ ଡ୍ରଗ୍ସ ମାମଲାକୁ ଜାଣିଶୁଣି ଏଡ଼ାଇବାରେ ଲାଗିଛନ୍ତି ଏବଂ ଏପରି କରି ସେ ତାଙ୍କ ଘନିଷ୍ଠ ବନ୍ଧୁ ସମୀର ୱାନକେଡେଙ୍କୁ ବଞ୍ଚାଇବାକୁ ଚେଷ୍ଟା କରୁଛନ୍ତି କାରଣ ତାଙ୍କ ଜରିଆରେ ଟଙ୍କା ସଂଗ୍ରହ କରାଯାଇଛି ।
ମୁମ୍ବାଇ : ମୁମ୍ବାଇ କ୍ରୁଜ୍ ଡ୍ରଗ୍ସ ମାମଲା ପରେ ବିଜେପିର ଦେବେନ୍ଦ୍ର ଫଡନାଭିସ୍ ଏବଂ ମହାରାଷ୍ଟ୍ର ମନ୍ତ୍ରୀ ନବାବ ମଲିକ ମଧ୍ୟରେ ଜାରି ରହିଛି ଆରୋପ ପ୍ରତ୍ୟାରୋପ । ବୁଧବାର ସକାଳେ ସାମ୍ବାଦିକ ସମ୍ମିଲନୀ କରି ଫଡନାଭିସଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି ମହାରାଷ୍ଟ୍ର ମନ୍ତ୍ରୀ ନବାବ ମଲିକ । ସେ କହିଛନ୍ତି ଯେ 'ମୋ ନିକଟରେ ପ୍ରମାଣ ଅଛି, ଯାହା ପ୍ରମାଣ କରେ ଯେ ଯେତେବେଳେ ଦେବେନ୍ଦ୍ର ଫଡନାଭିସ୍ ରାଜ୍ୟ ମୁଖ୍ୟ ଥିଲେ, ତାଙ୍କ ନିର୍ଦ୍ଦେଶରେ ମହାରାଷ୍ଟ୍ରରେ ବହୁ ଅର୍ଥ ସଂଗ୍ରହ ହୋଇଥିଲା, ତାଙ୍କ କାର୍ଯ୍ୟକାଳ ମଧ୍ୟରେ ନକଲି ନୋଟ୍ କାରବାର ଚାଲିଥିଲା । ଦେବେନ୍ଦ୍ରଙ୍କ ଆଶୀର୍ବାଦରେ ମହାରାଷ୍ଟ୍ରରେ ନକଲି ନୋଟ ବ୍ୟବସାୟ ବୃଦ୍ଧି ପାଇଥିଲା ।'
ମଲିକ ଏତିରେ ଅଟକି ନାହାଁନ୍ତି, ସେ ତାଙ୍କ ସାମ୍ବାଦିକ ସମ୍ମିଳନୀରେ ଏନସିବିର ଜୋନାଲ ନିର୍ଦ୍ଦେଶକ ସମୀର ୱାନଖେଡେଙ୍କ ବିଷୱରେ ମଧ୍ୟ କହିଛନ୍ତି । ନବାବ ମଲିକ କହିଛନ୍ତି ଯେ 'ଦେବେନ୍ଦ୍ର ଫଡନାଭିସ୍ ଡ୍ରଗ୍ସ ମାମଲାକୁ ଜାଣିଶୁଣି ଏଡ଼ାଇବାରେ ଲାଗିଛନ୍ତି ଏବଂ ଏପରି କରି ସେ ତାଙ୍କ ଘନିଷ୍ଠ ବନ୍ଧୁ ସମୀର ୱାନକେଡେଙ୍କୁ ବଞ୍ଚାଇବାକୁ ଚେଷ୍ଟା କରୁଛନ୍ତି କାରଣ ତାଙ୍କ ଜରିଆରେ ଟଙ୍କା ସଂଗ୍ରହ କରାଯାଇଛି । ମଲିକ କହିଛନ୍ତି ଯେ ମୁଁ ଏପରି ଜଣେ ବ୍ୟକ୍ତି ବିରୋଧରେ ଲଢୁଛି ଯିଏ ମିଛ ମାମଲାରେ ନିରୀହ ଲୋକଙ୍କୁ ଫସାଉଛନ୍ତି ।
ନବାବ ମଲିକ ଆହୁରି କହିଛନ୍ତି ଯେ 'ମୁଁ ଫଡନାଭିସ୍ ବିଷୟରେ ଏକ ବଡ଼ କଥା କହୁଛି । ତାଙ୍କ କାର୍ଯ୍ୟକାଳ ମଧ୍ୟରେ ସେ ନାଗପୁରର କୁଖ୍ୟାତ ଅପରାଧୀ ମୁନ୍ନା ଯାଦବଙ୍କୁ ନିର୍ମାଣ ଶ୍ରମିକ ବୋର୍ଡର ଅଧ୍ୟକ୍ଷ ଭାବେ ନିଯୁକ୍ତି ଦେଇଥିଲେ । କେବଳ ଏତିକି ନୁହେଁ, ହାଇଦର ଆଜମ ନାମକ ଜଣେ ନେତାଙ୍କୁ ଫାଇନାନ୍ସ କର୍ପୋରେସନର ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଥିବାବେଳେ ସେ ମୁମ୍ବାଇରେ ବସବାସ କରିବା ପାଇଁ ବାଙ୍ଗଲାଦେଶର ଲୋକମାନଙ୍କ ପାଇଁ କାମ କରୁଥିଲେ ଏବଂ ତାଙ୍କର ଦ୍ୱିତୀୟ ପତ୍ନୀ ମଧ୍ୟ ବାଂଲାଦେଶୀ ଥିଲେ । ତାଙ୍କର ତଦନ୍ତ ମଲାଡ ପୋଲିସ ଦ୍ୱାରା କରାଯାଉଥିଲା କିନ୍ତୁ ହଠାତ୍ ତାଙ୍କ ତଦନ୍ତ ବନ୍ଦ ହୋଇଯାଇଥିଲା କାରଣ ପୋଲିସ କାର୍ଯ୍ୟାଳୟକୁ ସିଏମଙ୍କ କାର୍ଯ୍ୟାଳୟରୁ ଏକ ଫୋନ୍ କଲ ଆସିଥିଲା ଯେ ଏହି ମାମଲାକୁ ସମାଧାନ କରାଯିବା ଉଚିତ୍ ଏବଂ ତାହା ଘଟିଲା ।'
राष्ट्रवादी काँग्रेसचे राष्ट्रीय प्रवक्ते ना. नवाब मलिक यांच्या पत्रकार परिषदेचे थेट प्रक्षेपण. https://t.co/faCdX2rcCn
— Nawab Malik نواب ملک नवाब मलिक (@nawabmalikncp) November 10, 2021
ନବାବ ମଲିକ କହିଛନ୍ତି ଯେ 'ସେମାନେ ମୋତେ କହୁଛନ୍ତି ଯେ ମୋର ଅଣ୍ଡରୱାର୍ଲ୍ଡର ଲୋକଙ୍କ ସହ ମୋର ସମ୍ପର୍କ ଅଛି, ସତ୍ୟ ହେଉଛି ଫଡନାଭିସ୍ ନିଜେ ଏହି ଲୋକଙ୍କ ସହ ଘନିଷ୍ଠ ଅଟନ୍ତି । ସେ ସବୁ ଜିନିଷରୁ ଟଙ୍କା ସଂଗ୍ରହ କରୁଥିଲେ । ସେ ନିର୍ମାଣକାରୀ ହୁଅନ୍ତୁ କିମ୍ବା କାହା ସହିତ ବିବାଦ ହେଉ, ଫଡନାଭିସ୍ ଏବଂ ତାଙ୍କ ଦଳ ଟଙ୍କା ଲୁଟିବା କାର୍ଯ୍ୟ କରୁଥିଲେ ।'
Click it and Unblock the Notifications
Sign in with Google