ଜେଲରୁ ମୁକୁଳିଲେ ନବଜୋତ ସିଂହ ସିଦ୍ଧୁ, ସ୍ୱାଗତ କଲେ ସମର୍ଥକ

Updated: Saturday, April 1, 2023, 20:50 [IST]

ପଟିଆଲା : କଂଗ୍ରେସ ନେତା ନବଜୋତ ସିଂହ ସିଦ୍ଧୁ ଜେଲରୁ ମୁକ୍ତ ହୋଇଛନ୍ତି । ତାଙ୍କର ଭଲ ଆଚରଣ ହେତୁ ସିଦ୍ଧୁଙ୍କୁ ସମୟ ପୂର୍ବରୁ ମୁକ୍ତ କରାଯାଉଛି ।
ସିଦ୍ଧୁ ଜେଲରୁ ବାହାରିବା ବେଳେ ତାଙ୍କର ସମର୍ଥକ ମାନେ ବିପୁଳ ସ୍ୱାଗତ କରିଛନ୍ତି । ନୀଳ କୁର୍ତ୍ତା ଏବଂ ପଗଡି ପିନ୍ଧି ସିଦ୍ଧୁ ହାତରେ ଏକ ବହି ଧରି ଜେଲରୁ ବାହାରକୁ ଆସୁଥିବାର ଦେଖିବାକୁ ମିଳିଥିଲା ।

ଜେଲରୁ ବାହାରିବା ପରେ ସିଦ୍ଧୁ କହିଛନ୍ତି, ବର୍ତ୍ତମାନ ଗଣତନ୍ତ୍ର ଭଳି କିଛି ନାହିଁ । ପଞ୍ଜାବରେ ରାଷ୍ଟ୍ରପତିଙ୍କ ଶାସନ ଆଣିବାକୁ ଏକ ଷଡଯନ୍ତ୍ର କରାଯାଉଛି । ସଂଖ୍ୟାଲଘୁଙ୍କୁ ଟାର୍ଗେଟ କରାଯାଉଛି । ଯଦି ପଞ୍ଜାବକୁ ଦୁର୍ବଳ କରିବାକୁ ଚେଷ୍ଟା କରାଯାଏ, ତେବେ ନିଜେ ଦୁର୍ବଳ ହୋଇଯିବେ ।

ଏହା ସହିତ ସିଦ୍ଧିୁ କହିଛନ୍ତି, ମୁଁ ସମ୍ବିଧାନକୁ ମୋର ଗ୍ରନ୍ଥ ଭାବରେ ବିବେଚନା କରେ, ଏକଛତ୍ରବାଦୀ ଶାସନ ଚାଲିଛି । ଯେଉଁ ଅନୁଷ୍ଠାନଗୁଡ଼ିକ ସମ୍ବିଧାନର ଶକ୍ତି ଥିଲା, ସେମାନେ ଆଜି ଦାସ ହୋଇଛନ୍ତି । ମୁଁ ଭୟଭୀତ ନୁହେଁ, ମୁଁ ମୃତ୍ୟୁକୁ ଭୟ କରେ ନାହିଁ କାରଣ ମୁଁ ଯାହା କରେ ତାହା ପଞ୍ଜାବର ପରବର୍ତ୍ତୀ ପିଢୀ ପାଇଁ କରୁଛି ।

1988 ମସିହାର ରୋଡ୍‌ ରେଜ୍ ମାମଲାରେ ସୁପ୍ରିମକୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ । କୋର୍ଟ ସିଦ୍ଧୁଙ୍କୁ ବର୍ଷେ ପାଇଁ ଜେଲଦଣ୍ଡ ଦେଇଥିଲେ । 2022 ମେ' 20 ପଟିଆଲା ଜେଲରେ ଥିଲେ ନବଜୋତ ସିଂ ସିଦ୍ଧୁ ।