ଅମିତ ଶାହାଙ୍କ ବଡ ବୟାନ, 'ମୋଦୀ 2024 ରେ ପୁଣି ପ୍ରଧାନମନ୍ତ୍ରୀ ହେବେ'
ଅମିତ ଶାହା କହିଛନ୍ତି ଯେ ଗୁଜୁରାଟ ନିର୍ବାଚନ ଫଳାଫଳ ଏକ ସ୍ପଷ୍ଟ ବାର୍ତ୍ତା ଦେଇଛି ଯେ ନରେନ୍ଦ୍ର ମୋଦୀ 2024 ରେ ପୁଣି ଥରେ ଦେଶର ପ୍ରଧାନମନ୍ତ୍ରୀ ହେବେ । ଗୁଜୁରାଟ ବିଧାନସଭା ନିର୍ବାଚନର ଫଳାଫଳ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ଭାରତୀୟ ଜନତା ପାର୍ଟି ଏହାର ଦୁଇ ଦିନିଆ ଜାତୀୟ କାର୍ଯ୍ୟକାରିଣୀ ବୈଠକ କରୁଛି । ଏହା ପୂର୍ବରୁ ଅମିତ ଶାହା କହିଛନ୍ତି ଯେ ଗୁଜୁରାଟ ନିର୍ବାଚନ ଫଳାଫଳ ଏକ ସ୍ପଷ୍ଟ ବାର୍ତ୍ତା ଦେଇଛି ଯେ ନରେନ୍ଦ୍ର ମୋଦୀ 2024 ରେ ପୁଣି ଥରେ ଦେଶର ପ୍ରଧାନମନ୍ତ୍ରୀ ହେବେ । ଗୁଜୁରାଟ ବିଧାନସଭା ନିର୍ବାଚନର ଫଳାଫଳ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଫଳାଫଳ କେବଳ ଗୁଜୁରାଟ ପାଇଁ ନୁହେଁ ସମଗ୍ର ଦେଶ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ । ଏହା କଂଗ୍ରେସ ଏବଂ ଆମ୍ ଆଦମୀ ପାର୍ଟିକୁ ଏକ ଶିକ୍ଷା । ଅମିତ ଶାହା କହିଛନ୍ତି ଯେ ଗୁଜୁରାଟର ଲୋକମାନେ ପୁଣିଥରେ ବିଜେପି ସପକ୍ଷରେ ମତଦାନ କରି ରେକର୍ଡ ସଂଖ୍ୟାଗରିଷ୍ଠତା ହାସଲ କରିଛନ୍ତି । ଯେଉଁମାନେ ପ୍ରଧାନମନ୍ତ୍ରୀ ମୋଦୀଙ୍କୁ ବଦନାମ କରିବାକୁ ଚେଷ୍ଟା କରୁଛନ୍ତି ସେମାନଙ୍କୁ ଗୁଜୁରାଟର ଲୋକମାନେ ଉପଯୁକ୍ତ ଜବାବ ଦେଇଛନ୍ତି ।
ଗୁଜୁରାଟର ଲୋକମାନେ ଜାତିବାଦ ବିଷଖୁ ଶେଷ କରିବାକୁ କାମ କରିଛନ୍ତି । ଯେଉଁମାନେ ଖାଲି ପ୍ରତିଶ୍ରୁତି ଦେଇ ପ୍ରଲୋଭିତ କରିବାକୁ ଚେଷ୍ଟା କରୁଥିଲେ ଗୁଜୁରାଟର ଲୋକମାନେ ସେମାନଙ୍କୁ ଜବାବ ଦେଇଛନ୍ତି । ଯେଉଁମାନେ ଗୁଜୁରାଟ ଏବଂ ନରେନ୍ଦ୍ର ମୋଦୀଙ୍କୁ ଅପମାନ କରୁଥିଲେ ସେମାନଙ୍କୁ ଉତ୍ତର ମିଳିଛି । ଏଥିରୁ ଏହା ସ୍ପଷ୍ଟ ଯେ ନରେନ୍ଦ୍ର ମୋଦୀ କାଶ୍ମୀରରୁ କନ୍ୟାକୁମାରୀ, ଦ୍ୱାରକା କାମାକ୍ଷା ପର୍ଯ୍ୟନ୍ତ ନିର୍ବିବାଦ ନେତା । ମୋଦୀ ପୁଣି ଥରେ ପ୍ରଧାନମନ୍ତ୍ରୀ ହେବେ ।
ବିଜେପିର ଦୁଇ ଦିନିଆ ଜାତୀୟ କାର୍ଯ୍ୟକାରିଣୀ ବୈଠକ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଦିଲ୍ଲୀରେ ଏକ ରୋଡ୍ ସୋ କରିବେ । ଏହି ସମୟରେ ପ୍ରଧାନମନ୍ତ୍ରୀ ମୋଦୀ ଆଗାମୀ ବିଧାନସଭା ନିର୍ବାଚନ ଏବଂ ଲୋକସଭା ନିର୍ବାଚନ ପାଇଁ ମଧ୍ୟ ପ୍ରସ୍ତୁତ ହେବା ନେଇ ଦଳର ନେତା ଓ କର୍ମୀଙ୍କୁ ବାର୍ତ୍ତା ଦେବେ ।