Click it and Unblock the Notifications
MUST READ
-
-
-
-
-
-
UP Assembly Election 2022 : ତିନି ଦିନରେ ବିଜେପିରୁ ଇସ୍ତଫା ଦେଲେ 7 ବିଧାୟକ, ଦଳ ଛାଡ଼ିଲେ ବିଧାୟକ ମୁକେଶ ବର୍ମା
ଉତ୍ତର ପ୍ରଦେଶ ଶିକହୋବାଦରୁ ବିଧାୟକ ମୁକେଶ ବର୍ମା ଦଳରୁ ଇସ୍ତଫା ଦେଇଛନ୍ତି । ଗତ ତିନି ଦିନ ମଧ୍ୟରେ ପ୍ରାୟ 7 ଜଣ ବିଧାୟକ ବିଜେପି ଛାଡିଛନ୍ତି ।
ଲକ୍ଷ୍ନୌ : 2022 ଉତ୍ତରପ୍ରଦେଶ ବିଧାନସଭା ନିର୍ବାଚନର ତାରିଖ ଘୋଷଣା ପରେ ଭାରତୀୟ ଜନତା ପାର୍ଟି ଗୋଟିଏ ପରେ ଗୋଟିଏ ସମସ୍ୟାର ସମ୍ମୁଖୀନ ହେଉଛି । ନିର୍ବାଚନ ପାଖେଇ ଆସିବା ସହ ଶାସକ ଦଳ ବିଜେପିରୁ ବିଧାୟକ ମାନେ ଇସ୍ତଫା ଦେଉଛନ୍ତି । ଆଜି ଉତ୍ତର ପ୍ରଦେଶ ଶିକହୋବାଦରୁ ବିଧାୟକ ମୁକେଶ ବର୍ମା ଦଳରୁ ଇସ୍ତଫା ଦେଇଛନ୍ତି । ଗତ ତିନି ଦିନ ମଧ୍ୟରେ ପ୍ରାୟ 7 ଜଣ ବିଧାୟକ ବିଜେପି ଛାଡିଛନ୍ତି । ତାଙ୍କ ଇସ୍ତଫା ସମୟରେ ଦାରା ସିଂ ଏବଂ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ପରି ଦଳିତ, ପଛୁଆ ତଥା ସଂଖ୍ୟାଲଘୁ ସମ୍ପ୍ରଦାୟକୁ ଅବହେଳା କରୁଥିବା ମୁକେଶ ବର୍ମା ଅଭିଯୋଗ କରିଛନ୍ତି ।
ମୁକେଶ ବର୍ମା ତାଙ୍କ ଇସ୍ତଫା ପତ୍ରରେ ଲେଖିଛନ୍ତି ଯେ ଦଳିତ, ପଛୁଆ ଏବଂ ସଂଖ୍ୟାଲଘୁ ସମ୍ପ୍ରଦାୟର ନେତାମାନଙ୍କୁ ବିଜେପି ସରକାରରେ ଧ୍ୟାନ ଦିଆଯାଉ ନାହିଁ । ସରକାରରେ କୃଷକ, ବେକାର ଏବଂ କ୍ଷୁଦ୍ର ବ୍ୟବସାୟୀଙ୍କୁ ଅବହେଳା କରାଯାଇଛି । ନ୍ୟୁଜ୍ ଏଜେନ୍ସି ANI ସହ କଥାବାର୍ତ୍ତା କରି ବର୍ମା କହିଛନ୍ତି ଯେ "ସ୍ୱାମୀ ପ୍ରସାଦ ମୌର୍ଯ୍ୟ ଆମର ନେତା । ସେ ଯାହା ନିଷ୍ପତ୍ତି ନେବେ ଆମେ ତାହା ସମର୍ଥନ କରିବୁ । ଆଗାମୀ ଦିନରେ ଆହୁରି ଅନେକ ନେତା ଆମ ସହିତ ଯୋଗଦେବେ ।"
