ନେତାଙ୍କ ଉପରେ ନାରାଜ କୃଷକ, ଗୋଟିଏ ନିର୍ବାଚନମଣ୍ଡଳୀରୁ ନାମାଙ୍କନ ଭରିବେ 1000 କୃଷକ

ଏତେ ଦିନ ପରେ ମଧ୍ୟ କୌଣସି ସମାଧାନ ମିଳିଲା ନାହିଁ, ତେଣୁ କୃଷକମାନେ କଙ୍ଗାୟାମ ନିର୍ବାଚନମଣ୍ଡଳୀରୁ 1000 ନାମାଙ୍କନ ଦାଖଲ କରିବାକୁ ନିଷ୍ପତ୍ତି ନେଇଛନ୍ତି । ମଙ୍ଗଳବାର ଦିନ ଜଣେ କମିଟି ସଦସ୍ୟ ତାଙ୍କ ନାମାଙ୍କନପତ୍ର ଦାଖଲ କରିଛନ୍ତି ।

Published: Thursday, March 18, 2021, 12:21 [IST]

ଚେନ୍ନାଇ : ଦିଲ୍ଲୀର ସୀମାନ୍ତବର୍ତ୍ତୀ ଅଞ୍ଚଳରେ ମୋଦୀ ସରକାରଙ୍କ ନୂତନ କୃଷି ଆଇନକୁ କୃଷକ ସଂଗଠନ ବିରୋଧ କରିଆସୁଛନ୍ତି । ଏସବୁ ମଧ୍ୟରେ ତାମିଲନାଡୁର ଏକ ହଜାର କୃଷକ ଆସନ୍ତା ତାମିଲନାଡୁ ବିଧାନସଭା ନିର୍ବାଚନ ପାଇଁ କଙ୍ଗାୟାମ ଆସନରୁ ନାମାଙ୍କନ ଦାଖଲ କରିବେ । କଙ୍ଗାୟାମ ଆସନ ତିରୁପୁର ଜିଲ୍ଲା ଅଧିନରେ ରହିଛି ।

କୃଷକମାନଙ୍କ କହିବା କଥା ଯେ, ସେମାନେ ନାମାଙ୍କନ ଦାଖଲ କରିବାକୁ ନିଷ୍ପତ୍ତି ନେଇଛନ୍ତି, ଯାହାଫଳରେ ପରମ୍ବିକୁଲମ୍-ଆଲିୟର୍ ପ୍ରକଳ୍ପରୁ ଜଳ ମୁକ୍ତ ପାଇଁ ସେମାନଙ୍କର ଦାବି ସରକାରଙ୍କ ବଧିର କାନରେ ପହଞ୍ଚିପାରିବ ।

ଖବର ସରବରାହ ସଂସ୍ଥଆ ପିଟିଆଇ ରିପୋର୍ଟ ଅନୁସାରେ, ଏହି ପ୍ରକ୍ଳପରୁ ପାଣି ଛାଡ଼ିବା ନେଇ ଗତ ବର୍ଷ ଭେଲାକୋଏଲ୍ ଶାଖା କେନାଲ ଜଳ ସୁରକ୍ଷା କମିଟି ସହ ଜଡିତ କୃଷକମାନେ ପାଞ୍ଚ ଦିନିଆ ଅନଶନ କରିଥିଲେ । ମୁଖ୍ୟମନ୍ତ୍ରୀ ଇ ପାଲାନିସ୍ୱାମୀଙ୍କ ସହ ସାକ୍ଷାତ ପରେ ଏହି ହରତାଳ ବନ୍ଦ କରାଯାଇଥିଲା । ତେବେ ବୈଠକ ସତ୍ତ୍ୱେ ସେମାନଙ୍କର ଦାବି ପୂରଣ ହୋଇନଥିଲା ।

ଏତେ ଦିନ ପରେ ମଧ୍ୟ କୌଣସି ସମାଧାନ ମିଳିଲା ନାହିଁ, ତେଣୁ କୃଷକମାନେ କଙ୍ଗାୟାମ ନିର୍ବାଚନମଣ୍ଡଳୀରୁ 1000 ନାମାଙ୍କନ ଦାଖଲ କରିବାକୁ ନିଷ୍ପତ୍ତି ନେଇଛନ୍ତି । ମଙ୍ଗଳବାର ଦିନ ଜଣେ କମିଟି ସଦସ୍ୟ ତାଙ୍କ ନାମାଙ୍କନପତ୍ର ଦାଖଲ କରିଛନ୍ତି । ବୁଧବାର ଦିନ 10 ରୁ ଅଧିକ ନାମାଙ୍କନ ଗ୍ରହଣ କରାଯାଇଛି ଏବଂ 1000 ସଂଖ୍ୟା ପାର୍ କରିବାକୁ ଅଧିକ କୃଷକ ଗୁରୁବାର ଏବଂ ଶୁକ୍ରବାର ଦିନ ନାମାଙ୍କନ ଦାଖଲ କରିବେ ବୋଲି କୁହାଯାଇଛି ।

25 ବର୍ଷ ପୂର୍ବେ ଏରୋଡ ଜିଲ୍ଲାର ମୋଦକୁରିଚିର କୃଷକମାନଙ୍କ ପରି କୃଷକମାନେ ଏଥର ଏଭଳି ପରିସ୍ଥିତି ସୃଷ୍ଟି କରିଛନ୍ତି । 1996 ମସିହାରେ, 1016 କୃଷକ ମୋଦକୁରିଚି ବିଧାନସଭା ନିର୍ବାଚନମଣ୍ଡଳୀରୁ ନାମାଙ୍କନ ଦାଖଲ କରିଥିଲେ । ଏହା ସହିତ ଏହି ଆସନରେ ଦାଖଲ ହୋଇଥିବା ମୋଟ ନାମାଙ୍କନ 1,033 କୁ ବୃଦ୍ଧି ପାଇଲା, ଯାହା ପରେ ନିର୍ବାଚନକୁ ଏକ ମାସ ପାଇଁ ସ୍ଥଗିତ ରଖିବାକୁ ପଡିଥିଲା ।

Published On March 18, 2021