ରାଜ୍ୟସଭାରେ ଅସମ୍ବିଧାନିକ ଆଚରଣ ପାଇଁ ନିଲମ୍ବନ ହେଲେ ଆଉ ତିନି ସାଂସଦ
ରାଜ୍ୟସଭାର ଡେପୁଟି ଚେୟାରମ୍ୟାନ୍ ହରିବଂଶ ନାରାୟଣ ସିଂହ ଏହି ସପ୍ତାହରେ ହେବାକୁ ଥିବା ଗୃହ ପ୍ରକ୍ରିୟାର ଅବଶିଷ୍ଟା ଦିନ ପାଇଁ ଆମ୍ ଆଦମୀ ପାର୍ଟିର ସାଂସଦ ସୁଶୀଲ କୁମାର ଗୁପ୍ତାଙ୍କ ସମେତ ଆଉ ତିନିଜଣ ରାଜ୍ୟସଭା ସାଂସଦଙ୍କୁ ନିଲମ୍ବିତ କରିଛନ୍ତି ।
ନୂଆଦିଲ୍ଲୀ : ସଂସଦର ମୌସୁମୀ ଅଧିବେଶନ ଆରମ୍ଭ ହେବା ଦିନ ଠାରୁ ବିରୋଧୀଙ୍କ ହଟ୍ଟଗୋଳ ଜାରି ରହିଛି । ଏଭଳି ପରିସ୍ଥିତିରେ ଗୃହର ପ୍ରକ୍ରିୟା ସମ୍ପୂର୍ଣ୍ଣ ପ୍ରଭାବିତ ହେଉଛି, ଏପରିକି ବାରମ୍ବାର ଗୃହକୁ ମୁଲତବୀ ରଖିବାକୁ ପଡ଼ୁଛି । ମୁଦ୍ରାସ୍ଫୀତି ଏବଂ ଦୈନନ୍ଦିନ ଜିନିଷ ଉପରେ ଲାଗୁ ହୋଇଥିବା ଜିଏସଟି ବିରୋଧରେ ବିରୋଧୀ ସାଂସଦମାନେ କ୍ରମାଗତ ଭାବରେ ସଂସଦ ଭିତରେ ବିରୋଧ କରୁଛନ୍ତି । ସାଂସଦଙ୍କ ଏହି ମନୋଭାବ ଉପରେ ରାଜ୍ୟସଭାର ଉପାଧ୍ୟକ୍ଷ ମଧ୍ୟ କାର୍ଯ୍ୟାନୁଷ୍ଠଆନ ନେଇଛନ୍ତି । ଆଜି ପୁଣି ତିନିଜଣ ସାଂସଦଙ୍କୁ ନିଲମ୍ବିତ କରାଯାଇଛି ।
ରାଜ୍ୟସଭାର ଡେପୁଟି ଚେୟାରମ୍ୟାନ୍ ହରିବଂଶ ନାରାୟଣ ସିଂହ ଏହି ସପ୍ତାହରେ ହେବାକୁ ଥିବା ଗୃହ ପ୍ରକ୍ରିୟାର ଅବଶିଷ୍ଟା ଦିନ ପାଇଁ ଆମ୍ ଆଦମୀ ପାର୍ଟିର ସାଂସଦ ସୁଶୀଲ କୁମାର ଗୁପ୍ତାଙ୍କ ସମେତ ଆଉ ତିନିଜଣ ରାଜ୍ୟସଭା ସାଂସଦଙ୍କୁ ନିଲମ୍ବିତ କରିଛନ୍ତି । ଗୃହର ପ୍ରକ୍ରିୟାରେ ବାଧା ସୃଷ୍ଟି କରିଥିବାରୁ ସାଂସଦ ସୁଶୀଲ ଗୁପ୍ତା, ସନ୍ଦୀପ ପାଠକ ଏବଂ ସ୍ୱାଧୀନ ସାଂସଦ ଅଜିତ କୁମାର ଭୁୟାଁଙ୍କୁ ଏହି ସପ୍ତାହର ଅବଶିଷ୍ଟ ଦିନ ପାଇଁ ରାଜ୍ୟସଭାରୁ ନିଲମ୍ବିତ କରାଯାଇଛି । ଏହାପୂର୍ବରୁ AAP ସାଂସଦ ସଞ୍ଜୟ ସିଂହଙ୍କୁ ମଧ୍ୟ ନିଲମ୍ବିତ କରାଯାଇଥିଲା ।
ସଂସଦର ଚାଲିଥିବା ମୌସୁମୀ ଅଧିବେଶନରେ ଏପର୍ଯ୍ୟନ୍ତ 23 ଜଣ ରାଜ୍ୟସଭା ସାଂସଦ ଏବଂ 4 ଜଣ ଲୋକସଭା ସାଂସଦଙ୍କ ସମେତ ମୋଟ 27 ସାଂସଦଙ୍କୁ ନିଲମ୍ବିତ କରାଯାଇଛି ।
ଏଥି ସହ ନିଲମ୍ବନ କାର୍ଯ୍ୟକୁ ବିରୋଧ କରି ସାଂସଦମାନେ ସଂସଦ ଗୃହ ପରିସରରେ ଥିବା ଗାନ୍ଧୀ ପ୍ରତିମୂର୍ତ୍ତି ସମ୍ମୁଖରେ ନିଜର ବିରୋଧ ପ୍ରଦର୍ଶନ କରୁଛନ୍ତି। ସଂସଦ ପରିସରର ଗାନ୍ଧୀ ମୂର୍ତ୍ତି ନିକଟରେ ସାଂସଦଙ୍କ ନିଲମ୍ବନକୁ ବିରୋଧ କରି ଟିଏମସି ସାଂସଦ ଶାନ୍ତା, ମୌସୁମ ନୁର ଏବଂ ଏଏପି ସାଂସଦ ସଞ୍ଜୟ ସିଂହ ବିରୋଧ କରିଥିଲେ । ଏହା ବ୍ୟତୀତ ସାଂସଦମାନଙ୍କର ଧାରଣା 50 ଘଣ୍ଟା ଧରି ଚାଲିବ ବୋଲି କହିଛନ୍ତି ।
Click it and Unblock the Notifications
Sign in with Google