'ୟୁ ଇଡିଅଟ୍...', ସାବରକରଙ୍କ ଉପରେ ରାହୁଲ ଗାନ୍ଧୀଙ୍କ ବୟାନ ପରେ କହିଲେ ରାଜ୍ ଠାକରେ
ରାହୁଲ ଗାନ୍ଧୀଙ୍କୁ ଟାର୍ଗେଟ କରି ରାଜ ଠାକରେ କହିଛନ୍ତି, "ୟୁ ଇଡିଅଟ୍... ଆପଣ କେଉଁ କ୍ଷମତାରେ ସାବରକରଙ୍କ ବିଷୟରେ ବିବୃତ୍ତି ଦେଉଛନ୍ତି, ଯିଏ ଜେଲରେ ଥିବାବେଳେ ଅନେକ ନିର୍ଯାତନାର ସମ୍ମୁଖୀନ ହୋଇଥିଲେ ।"
ମୁମ୍ବାଇ : କଂଗ୍ରେସ ସାଂସଦ ରାହୁଲ ଗାନ୍ଧୀ ସାବରକରଙ୍କୁ ନେଇ ଦେଇଥିବା ବୟାନ ରେ ରାଜନୀତି ତୀବ୍ର ହୋଇଛି । ଏହି ପ୍ରସଙ୍ଗରେ ଭାରତୀୟ ଜନତା ପାର୍ଟିର ପ୍ରତିକ୍ରିୟା ପରେ ବର୍ତ୍ତମାନ ମହାରାଷ୍ଟ୍ର ନବନିର୍ମାନ ସେନା ଅଧ୍ୟକ୍ଷ ରାଜ ଠାକରେ ମଧ୍ୟ ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରିଛନ୍ତି । ରବିବାର ଦିନ ଏକ ରାଲିରେ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ରାଜ ଠାକରେ କହିଛନ୍ତି, "ୟୁ ଇଡିଅଟ୍... ଆପଣ କେଉଁ କ୍ଷମତାରେ ସାବରକରଙ୍କ ବିଷୟରେ ବିବୃତ୍ତି ଦେଉଛନ୍ତି, ଯିଏ ଜେଲରେ ଥିବାବେଳେ ଅନେକ ନିର୍ଯାତନାର ସମ୍ମୁଖୀନ ହୋଇଥିଲେ ।"
ଆପଣଙ୍କୁ କହି ରଖୁଛୁ, ନିକଟରେ ରାହୁଲ ଗାନ୍ଧୀ ସାବରକରଙ୍କ ଦ୍ୱାରା ଲିଖିତ ଏକ ଚିଠିର ଉଦ୍ଧୃତ କରିଛନ୍ତି ଏବଂ ଜେଲରୁ ମୁକୁଳିବା ପାଇଁ ସେ ବ୍ରିଟିଶ ସରକାରଙ୍କୁ କ୍ଷମା ମାଗିଛନ୍ତି ବୋଲି ଦାବି କରିଛନ୍ତି । ଏହି ବିବୃତ୍ତି ସମ୍ପର୍କରେ ରାଜ ଠାକରେ କହିଛନ୍ତି, 'ରାହୁଲ ଗାନ୍ଧୀଙ୍କ ପାଖରେ ବୁଝିବା ପାଇଁ ବୁଦ୍ଧି ନାହିଁ ଯେ ସାବରକରଙ୍କ ଚିଠି ତାଙ୍କ ରଣନୀତିର ଏକ ଅଂଶ । ଏହାକୁ କିପରି ବ୍ରିଟିଶମାନଙ୍କ ନିକଟରେ ଆତ୍ମସମର୍ପଣ କୁହାଯାଇପାରେ ।
ରବିବାର ଦିନ ରାଜ ଠାକରେ ଏକ ରାଲିକୁ ସମ୍ବୋଧିତ କରି ରାହୁଲ ଗାନ୍ଧୀ ଏବଂ ମହାରାଷ୍ଟ୍ର ରାଜ୍ୟପାଳ ଭବତ ସିଂହ କୋଶ୍ୟାରିଙ୍କୁ ଟାର୍ଗେଟ୍ କରି କହିଥିଲେ ଯେ ଉଭୟେ ଆମର ଜାତୀୟ ମହାନାୟକଙ୍କୁ ଅପମାନ କରୁଛନ୍ତି । ରାଜ ଠାକରେ କହିଛନ୍ତି, 'ରାହୁଲ ଗାନ୍ଧୀ ସାବରକରଙ୍କ ଉପରେ ଏକ ବିବୃତ୍ତି ଦେବେ, ଭାରତୀୟ ଜନତା ପାର୍ଟି ନେହେରୁଙ୍କ ଉପରେ ଏକ ବିବୃତ୍ତି ଦେବ, ତା'ପରେ ଅନ୍ୟ କେହି ଜଣେ ଅନ୍ୟ ଜାତୀୟ ନାୟକଙ୍କ ଉପରେ ବିବୃତ୍ତି ଦେବେ, ଏହା କେତେ ସମୟ ପର୍ଯ୍ୟନ୍ତ ଚାଲିବ । ଆମର ପ୍ରତ୍ୟେକ ଜାତୀୟ ମହାନାୟକଙ୍କର ଏକ ସକାରାତ୍ମକ ଏବଂ ନକାରାତ୍ମକ ଦିଗ ଅଛି, କିନ୍ତୁ ସେମାନଙ୍କର ନକାରାତ୍ମକ ଦିଗକୁ ଏହିପରି ପ୍ରୋଜେକ୍ଟ କରିବାର ଆବଶ୍ୟକତା କ'ଣ, ଏହା ଫଳରେ କିଛି ଲାଭ ହେବ କି ?'
ରାଜ ଠାକରେ ଆହୁରି କହିଛନ୍ତି, 'ପଣ୍ଡିତ ଜବାହରଲାଲ ନେହେରୁଙ୍କୁ ବିଜେପି କ୍ରମାଗତ ଭାବେ ଅପମାନ କରୁଛି, ଏହା ହେବା ଉଚିତ ନୁହେଁ । ଆଜି ଦେଶ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସମସ୍ୟା ସହ ସଂଘର୍ଷ କରୁଛି, ସେ ବିଷୟରେ ଆଲୋଚନା ହେବା ଉଚିତ୍ । ଦେଶର ସ୍ୱାଧୀନତା ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ମହାନ ବ୍ୟକ୍ତିମାନଙ୍କୁ ସମାଲୋଚନା କରି ଆପଣ କୌଣସି ଲାଭ ପାଇବେ ନାହିଁ ।
ରାଜ୍ୟପାଳ ଭଗତ ସିଂହ କୋଶ୍ୟାରୀ କହିଛନ୍ତି ଯେ ଯଦି ଗୁଜୁରାଟ ଏବଂ ମାରୱାରୀ ମୁମ୍ବାଇ ଛାଡିବେ ତେବେ ଏହା ଆଉ ଅର୍ଥନୈତିକ ରାଜଧାନୀ ହୋଇ ରହିବ ନାହିଁ । ଯଦି ଏହା ହୁଏ ତେବେ ଏହି ଲୋକମାନେ କାହିଁକି ନିଜ ରାଜ୍ୟକୁ ଫେରି ଯାଉ ନାହାଁନ୍ତି । କିନ୍ତୁ, ଏହି ଲୋକମାନେ ମୁମ୍ବାଇ ଛାଡିବେ ନାହିଁ, କାରଣ ମୁମ୍ବାଇ ସେମାନଙ୍କୁ ବ୍ୟବସାୟ ପାଇଁ ଏକ ଉତ୍ତମ ପରିବେଶ ଏବଂ ଭିତ୍ତିଭୂମି ଦେଇଥାଏ ।