ବଦଳିଲା ମିଜୋରାମ ଭୋଟ୍ ଗଣନା ତାରିଖ, ଏହି ଦିନ ପ୍ରକାଶ ପାଇବ ଫଳାଫଳ
ପାଞ୍ଚଟି ରାଜ୍ୟରେ ଭୋଟ୍ ଗ୍ରହଣ ଶେଷ ହେବା ପରେ ଫଳାଫଳକୁ ଅପେକ୍ଷା କରାଯାଇଛି । ଆସନ୍ତା 3 ତାରିଖରେ ସମସ୍ତ ପାଞ୍ଚ ରାଜ୍ୟର ଫଳାଫଳ ପ୍ରକାଶ ପାଇବାକୁ ଥିବାବେଳେ ବର୍ତ୍ତମାନ ବଡ଼ ପରିବର୍ତ୍ତନ ହୋଇଛି । ମିଜୋରାମର ଭୋଟ୍ ଗଣତି ତାରିଖରେ ପରିବର୍ତ୍ତନ କରାଯାଇଛି । ନିର୍ବାଚନ ଆୟୋଗ ମିଜୋରାମର ଭୋଟ୍ ଗଣତି 3 ତାରିଖ ପରିବର୍ତ୍ତେ ଡିସେମ୍ବର 4 ରେ କରିବେ । ଅନ୍ୟ ଚାରି ରାଜ୍ୟରେ ଡିସେମ୍ବର 3 ତାରିଖରେ ଫଳାଫଳ ପ୍ରକାଶ ପାଇବ ।
ମିଜୋରାମରେ ଭୋଟ୍ ଗ୍ରହଣ ପୂର୍ବରୁ ମଧ୍ୟ ଗଣନା ତାରିଖ ପରିବର୍ତ୍ତନ କରିବାକୁ ଦାବି କରାଯାଇଥିଲା । ବାସ୍ତବରେ, ମିଜୋରାମ ଏକ ଖ୍ରୀଷ୍ଟିଆନ ପ୍ରାଧାନ୍ୟ ରାଜ୍ୟ ଏବଂ ରବିବାର ଖ୍ରୀଷ୍ଟିଆନ ସମ୍ପ୍ରଦାୟ ପାଇଁ ଏକ ପବିତ୍ର ଦିନ । ଏଭଳି ପରିସ୍ଥିତିରେ ଭୋଟର ଗଣନା ତାରିଖ ବଦଳାଇବାକୁ ଦାବି କରାଯାଇଥିଲା । ମିଜୋରାମର ସମସ୍ତ ଦଳ ଏହି ଦାବିରେ ସହମତ ହୋଇଥିଲେ । ଏହି କାରଣରୁ, ନିର୍ବାଚନ ଆୟୋଗ ଡିସେମ୍ବର 4 ରେ ଏଠାରେ ଭୋଟ୍ ଗଣନା କରିବାକୁ ନିଷ୍ପତ୍ତି ନେଇଛନ୍ତି ।
ଖ୍ରୀଷ୍ଟିଆନ ସମ୍ପ୍ରଦାୟର ଚାହିଦା ଅନୁଯାୟୀ ନିର୍ବାଚନ ଆୟୋଜନ କରିବାକୁ ଅନେକ ଦଳ ଚିଠି ଲେଖିଥିଲେ । ଯେଉଁଥିରେ ଭୋଟ ଗଣତି ତାରିଖ ବଦଳାଇବାକୁ ଦାବି ହୋଇଥିଲା । ଚିଠିରେ ଉଲ୍ଲେଖ କରାଯାଇଛି ଯେ ରାଜ୍ୟବାସୀ ରବିବାର ଦିନ ଧାର୍ମିକ କାର୍ଯ୍ୟରେ ଜଡିତ ରହିବେ । ଯେଉଁଥିପାଇଁ ରବିବାର ଦିନ ମଧ୍ୟ ଏଠାରେ ସରକାରୀ କାର୍ଯ୍ୟକ୍ରମ ଆୟୋଜିତ ହେଉନାହିଁ । ନିର୍ବାଚନ ଆୟୋଗକୁ ସମସ୍ତ ଦଳ ପଠାଇଥିବା ଚିଠିରେ ବହୁ ରାଜନୈତିକ ଦଳ ତଥା ଏନଜିଓର ମୁଖ୍ୟଙ୍କ ଦସ୍ତଖତ ରହିଛି ।
Click it and Unblock the Notifications
Sign in with Google