MCD ନିର୍ବାଚନ ଫଳାଫଳ: ନିର୍ବାଚନ ଜିତି ଇତିହାସ ରଚିଲେ AAPର ତୃତୀୟ ଲିଙ୍ଗୀ ପ୍ରାର୍ଥୀ ବବି
ଏମସିଡି ନିର୍ବାଚନରେ ଜଣେ ତୃତୀୟ ଲିଙ୍ଗୀ ପ୍ରାର୍ଥୀ ନିର୍ବାଚନ ଜିତି ଇତିହାସ ରଚିଛନ୍ତି । AAP ପ୍ରାର୍ଥୀ ବବି ଏମସିଡି ନିର୍ବାଚନରେ ଦିଲ୍ଲୀର ସୁଲତାନପୁରୀ-ଏ ୱାର୍ଡରୁ ବିଜୟ ଲାଭ କରିଛନ୍ତି ।
ଦିଲ୍ଲୀ: ଏମସିଡି ନିର୍ବାଚନରେ ଜଣେ ତୃତୀୟ ଲିଙ୍ଗୀ ପ୍ରାର୍ଥୀ ନିର୍ବାଚନ ଜିତି ଇତିହାସ ରଚିଛନ୍ତି । AAP ପ୍ରାର୍ଥୀ ବବି ଏମସିଡି ନିର୍ବାଚନରେ ଦିଲ୍ଲୀର ସୁଲତାନପୁରୀ-ଏ ୱାର୍ଡରୁ ବିଜୟ ଲାଭ କରିଛନ୍ତି । ପ୍ରଥମ ଥର ପାଇଁ MCD ରେ ଜଣେ ତୃତୀୟ ଲିଙ୍ଗୀ କାଉନସିଲରଙ୍କ ପ୍ରବେଶ ହେବ ।
ଭାରତୀୟ ଜନତା ପାର୍ଟିର ପ୍ରାର୍ଥୀ ଏକତା ଜାଟବଙ୍କୁ ବବି ପରାସ୍ତ କରିଛନ୍ତି । କଂଗ୍ରେସ ପକ୍ଷରୁ ଏହି ଆସନରେ ବରୁଣ ଢାକା ତାଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରୁଥିଲେ ।
ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ ପାଇଁ 4 ଡିସେମ୍ବରରେ ମତଦାନ ହୋଇଥିଲା । ଏଥର ନିର୍ବାଚନରେ ମୋଟ 1349 ପ୍ରାର୍ଥୀ ପ୍ରତିଦ୍ୱନ୍ଦିତା କରିଛନ୍ତି । ସେଥିମଧ୍ୟରୁ 709 ଜଣ ମହିଳା ପ୍ରାର୍ଥୀ ଅଛନ୍ତି ।
ଦିଲ୍ଲୀ ମ୍ୟୁନିସିପାଲ କର୍ପୋରେସନ ନିର୍ବାଚନ 2022 ର ଫଳାଫଳ ନେଇ ଆଜି ଭୋଟ୍ ଗଣତି ହେଉଛି । ଫଳାଫଳ ଅନୁଯାୟୀ ଏପର୍ଯ୍ୟନ୍ତ AAP 75 ୱାର୍ଡରେ ଏବଂ 55 ଟି ୱାର୍ଡରେ ବିଜେପି ଜିତିଥିବାବେଳେ କଂଗ୍ରେସ ଖାତାରେ ମାତ୍ର 4 ଟି ଆସନ ଯାଇଛି । ଏହା ସହିତ ଜଣେ ସ୍ୱାଧୀନ ପ୍ରାର୍ଥୀ ଜିତିଛନ୍ତି । 42 ଟି କେନ୍ଦ୍ରରେ ଭୋଟ୍ ଗଣନା କରାଯାଉଛି ।
ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ଆମ୍ ଆଦମୀ ପାର୍ଟିର ପ୍ରାର୍ଥୀ ବବି କିନ୍ନର ସୁଲତାନପୁରୀ-ଏ ୱାର୍ଡ ନମ୍ବର 43 ରୁ ଏକ ଭୂସ୍ଖଳନ ଜିତିଛନ୍ତି। ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ବବି ହେଉଛନ୍ତି ଏକମାତ୍ର ଟ୍ରାନ୍ସଜେଣ୍ଡର ପ୍ରାର୍ଥୀ। ସେ ବିଜେପିର ଏକତା ଜାଟବଙ୍କୁ ଏକ ପରାଜୟ ଦେଇଛନ୍ତି।
Click it and Unblock the Notifications
Sign in with Google