MCD ନିର୍ବାଚନ ଫଳାଫଳ: ‘ବିଜୟ ପାଇଁ ଦିଲ୍ଲୀକୁ ଅଭିନନ୍ଦନ ଏବଂ ପରିବର୍ତ୍ତନ ପାଇଁ ଧନ୍ୟବାଦ' - କେଜ୍ରିୱାଲ୍

ଦିଲ୍ଲୀର ମ୍ୟୁନିସିପାଲିଟି କର୍ପୋରେସନର ନିର୍ବାଚନରେ ବାଜି ମାରିଛି ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି । 15 ବର୍ଷ ଧରି ଶାସନ କରୁଥିବା ବିଜେପି ହାତରୁ ଏମସିଡି ଚାଲିଯାଇଛି ।

Updated: Wednesday, December 7, 2022, 16:18 [IST]

ଦିଲ୍ଲୀ: ଦିଲ୍ଲୀର ମ୍ୟୁନିସିପାଲିଟି କର୍ପୋରେସନର ନିର୍ବାଚନରେ ବାଜି ମାରିଛି ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି । 15 ବର୍ଷ ଧରି ଶାସନ କରୁଥିବା ବିଜେପି ହାତରୁ ଏମସିଡି ଚାଲିଯାଇଛି । ବିପୁଳ ବିଜୟ ସହ ଏମସିଡି ହାତେଇ ନେଇଛି ଆମ୍ ଆଦମୀ ପାର୍ଟି ।

ଖବର ଲେଖିବା ପର୍ଯ୍ୟନ୍ତ ଆମ୍ ଆଦମୀ ପାର୍ଟି 134 ଆସରେ ଜିତିଥିବା ବେଳେ ବିଜେପି 103 ଆସନ ଜିତିଛି । ସେହିପରି କଂଗ୍ରେସ ଖାତାକୁ ମାତ୍ର 9 ଟି ଆସନ ଯାଇଛି । ଏହା ବାଦ୍ 3 ଟି ଆସନରେ ସ୍ୱାଧୀନ ପ୍ରାର୍ଥୀ ବିଜୟ ଲାଭ କରିଛନ୍ତି ।

ଏହି ବିଜୟ ପରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ଦିଲ୍ଲୀବାସୀଙ୍କୁ ଅଭିନନ୍ଦନ ଜଣାଇବା ସହ ଧନ୍ୟବାଦ୍ ଦେଇଛନ୍ତି । ପାର୍ଟି କର୍ମୀଙ୍କୁ ସମ୍ବୋଧିତ କରି ଅରବିନ୍ଦ କେଜ୍ରିୱାଲ କହିଛନ୍ତି ଯେ ଏତେ ବଡ ବିଜୟ ଏବଂ ଏତେ ବଡ ପରିବର୍ତ୍ତନ ପାଇଁ ମୁଁ ଦିଲ୍ଲୀବାସୀଙ୍କୁ ଅଭିନନ୍ଦନ ଜଣାଉଛି । ଦିଲ୍ଲୀର ଲୋକମାନେ ଆମ ପୁଅ ଏବଂ ଭାଇଙ୍କୁ ମ୍ୟୁନିସିପାଲିଟି କର୍ପୋରେସନର ଦାୟିତ୍ୱ ଦେବା ପାଇଁ ଯଥେଷ୍ଟ ଯୋଗ୍ୟ ବିବେଚନା କରିଛନ୍ତି । ଆମେ କୋଟି କୋଟି ପିଲାଙ୍କ ଭବିଷ୍ୟତ ତିଆରି କରିଛୁ । ଲୋକଙ୍କ ଚିକିତ୍ସା ପାଇଁ ଆମେ ବ୍ୟବସ୍ଥା କରିଥିଲୁ ।

ଲୋକମାନେ ଆମକୁ ବିଦ୍ୟୁତର ଦାୟିତ୍ୱ ପ୍ରଦାନ କଲେ, ତେଣୁ ଆମେ ବିଦ୍ୟୁତର ଉନ୍ନତି କଲୁ । ଆଜି ଦିଲ୍ଲୀର ଲୋକମାନେ ନିଜ ପୁଅକୁ ସ୍ୱଚ୍ଛତାର ଦାୟିତ୍ୱ ଦେଇଛନ୍ତି, ତେଣୁ ଆମେ ଏହାକୁ ପୂରଣ କରିବୁ । ମୁଁ ଆପଣମାନଙ୍କର ଭଲ ପାଇବା ଏବଂ ବିଶ୍ୱାସର ଋଣ ପରିଶୋଧ କରିବାକୁ ସମର୍ଥ ନୁହଁ । ଆପଣଙ୍କ ବିଶ୍ୱାସ ରଖିବା ପାଇଁ ମୁଁ ଚେଷ୍ଟା କରିବି ।

ସେ ଆହୁରି କହିଛନ୍ତି ଯେ ବର୍ତ୍ତମାନ ସମସ୍ତଙ୍କୁ ଏକାଠି କାମ କରିବାକୁ ପଡିବ । ଏହା ମୋର ସମସ୍ତଙ୍କୁ ନିବେଦନ । ସମସ୍ତ ପ୍ରାର୍ଥୀ, ଦଳଗୁଡିକ ପାଇଁ ରାଜନୀତି କେବଳ ଆଜି ପର୍ଯ୍ୟନ୍ତ ଥିଲା । ବର୍ତ୍ତମାନ ସମସ୍ତଙ୍କୁ କାମ କରିବାକୁ ପଡିବ । ସମସ୍ତଙ୍କୁ ଏକାଠି ଦିଲ୍ଲୀର ସମାଧାନ କରିବାକୁ ପଡିବ । ମୁଁ ମଧ୍ୟ ଏଥିରେ ବିଜେପିର ସହଯୋଗ ଚାହୁଁଛି । ମୁଁ ମଧ୍ୟ କଂଗ୍ରେସର ସହଯୋଗ ଚାହୁଁଛି । ଯେଉଁମାନେ ଆମକୁ ଭୋଟ୍ ଦେଇ ନାହାଁନ୍ତି, ପ୍ରଥମେ ସେମାନଙ୍କର କାର୍ଯ୍ୟ କରିବୁ । ଦିଲ୍ଲୀ କୁ ମଧ୍ୟ ଠିକ୍ କରିବାକୁ ମୁଁ ପ୍ରଧାନମନ୍ତ୍ରୀଙ୍କ ଆଶୀର୍ବାଦ ଚାହୁଁଛି । ଦିଲ୍ଲୀକୁ ସଫା କରିବାକୁ ପଡିବ । ସମସ୍ତଙ୍କର କର୍ତ୍ତବ୍ୟ ଏଥିରେ ଜଡିତ ହେବ ।

ଅରବିନ୍ଦ କେଜ୍ରିୱାଲ କହିଛନ୍ତି ଯେ ଆପ ବାଲଙ୍କୁ ଦେଖିବା ପରେ ଲୋକମାନଙ୍କୁ ଶ୍ରଦ୍ଧା ଆସିବା ଉଚିତ୍ । ଆମେ ନକାରାତ୍ମକ ରାଜନୀତି କରୁ ନାହୁଁ । ଆଜି ଦିଲ୍ଲୀର ଲୋକମାନେ ପ୍ରମାଣ କରିଛନ୍ତି ଯେ ବିଦ୍ୟାଳୟ ଓ ଡାକ୍ତରଖାନାଗୁଡ଼ିକରୁ ଭୋଟ୍ ମିଳେ । ଯଦି ଆମେ ଗାଳି ଦେବା ଜାରି ରଖିବା ତେବେ ଦେଶ କିପରି ଅଗ୍ରଗତି କରିବ । ଆମ୍ ଆଦମୀ ପାର୍ଟି ଉଠାଉଥିବା ପ୍ରସଙ୍ଗ ମାଧ୍ୟମରେ ଦେଶର ଅଗ୍ରଗତି ହେବ । ଦିଲ୍ଲୀର ଲୋକମାନେ ଦେଶକୁ ଏକ ବଡ ବାର୍ତ୍ତା ଦେଇଛନ୍ତି ଯେଉଁମାନେ ସକରାତ୍ମକ ରାଜନୀତି କରନ୍ତୁ, ନକରାତ୍ମକ ରାଜନୀତି ନୁହଁ ।

ଏହା ସହିତ ଆମ୍ ଆଧମୀ ପାର୍ଟି ନେତା କେଜ୍ରିୱାଲ ତାଙ୍କ କର୍ମୀ ଏବଂ ନେତାମାନଙ୍କୁ ପରାମର୍ଶ ଦେଇ କହିଛନ୍ତି ଯେ ଅହଂକାରୀ ହୁଅ ନାହିଁ, ଅହଂକାର ହେତୁ ବଡ ଶକ୍ତି ହ୍ରାସ ପାଇଛି । ଅନେକ କାଉନସିଲର ହୋଇଛନ୍ତି, ବିଧାୟକ ହୋଇଛନ୍ତି । କୌଣସି ଅହଂକାର କର ନାହିଁ । ଯଦି ଆମେ ଅହଂକାର ଦେଖାଉ, ତେବେ ଲୋକମାନେ କ୍ଷମା କରି ପାରନ୍ତି, ଭଗବାନ କ୍ଷମା କରିବେ ନାହିଁ । ତୁମର ପତନ ନିଶ୍ଚିତ ହେବ ।