'MCD ନିର୍ବାଚନରେ AAP ଜିତିଲେ, ସମସ୍ତଙ୍କୁ ଅଯୋଧ୍ୟା ବୁଲାଇନେବୁ', ରୋଡ ଶୋ' ରେ କେଜ୍ରିୱାଲଙ୍କ ବଡ ଘୋଷଣା
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ ବଡ ଘୋଷଣା କରିଛନ୍ତି । କେଜ୍ରିୱାଲ କହିଛନ୍ତି ଯେ ଯଦି AAP ଦିଲ୍ଲୀ ମ୍ୟୁନିସିପାଲ କର୍ପୋରେସନ ନିର୍ବାଚନରେ ଜିତେ ତେବେ ସମସ୍ତଙ୍କୁ ଅଯୋଧ୍ୟାକୁ ବୁଲାଇ ନିଆଯିବ ।
ନୂଆଦିଲ୍ଲୀ : ଜାତୀୟ ରାଜଧାନୀ ଦିଲ୍ଲୀରେ ଡିସେମ୍ବର 4 ତାରିଖରେ MCD ନିର୍ବାଚନ ହେବ । ଏହି ନିର୍ବାଚନ ପାଇଁ ବିଜେପି, କଂଗ୍ରେସ ଏବଂ ଆମ୍ ଆଦମୀ ପାର୍ଟି ଜୋରଦାର ପ୍ରଚାର ପ୍ରସାର କରୁଛନ୍ତି । ଏହି ସମୟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ ବଡ ଘୋଷଣା କରିଛନ୍ତି । କେଜ୍ରିୱାଲ କହିଛନ୍ତି ଯେ ଯଦି AAP ଦିଲ୍ଲୀ ମ୍ୟୁନିସିପାଲ କର୍ପୋରେସନ ନିର୍ବାଚନରେ ଜିତେ ତେବେ ସମସ୍ତଙ୍କୁ ଅଯୋଧ୍ୟାକୁ ବୁଲାଇ ନିଆଯିବ ।
ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଙ୍ଗଳବାର ଦିନ ଦିଲ୍ଲୀରେ ଏକ ନିର୍ବାଚନୀ ରୋଡ୍ ଶୋ' କରୁଥିଲେ । ଏହି ସମୟରେ ସେ କହିଥିଲେ ଯେ ଗତ ବିଧାନସଭା ନିର୍ବାଚନରେ ଜିତିବା ପରେ ରମେଶ୍ୱରମ୍ ଦର୍ଶନ କରାଯାଇଥିଲା, ସେହିଭଳି ଏମସିଡି ନିର୍ବାଚନରେ ଜିତିବା ପରେ ସମସ୍ତଙ୍କୁ ଅଯୋଧ୍ୟା ଦର୍ଶନ କରାଯିବ ।
ରୋଡ୍ ଶୋ ସମୟରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ବିଜେପି ଉପରେ ଆକ୍ରମଣ କରିଥିଲେ । ସେ କହିଛନ୍ତି ଯେ ବିଜେପି ଏକ ଭିଡିଓ କମ୍ପାନୀରେ ପରିଣତ ହୋଇଛି । ବିଜେପି ସକାଳେ ଗୀତ ଏବଂ ନୃତ୍ୟ ବିନା ଫିଲ୍ମ ରିଲିଜ୍ କରେ, କିନ୍ତୁ ସନ୍ଧ୍ୟା ସୁଦ୍ଧା ଏହା ଫ୍ଲପ୍ ହୋଇଯାଏ । କେଜ୍ରିୱାଲଙ୍କ ବିଜେପି ଉପରେ ଏହି ଟାର୍ଗେଟ୍ ଜେଲରେ ଥିବା ଏଏପି ନେତା ସତ୍ୟେନ୍ଦ୍ର ଜୈନାଙ୍କୁ ନେଇ ବିଜେପିର ଭିଡିଓକୁ ନେଇ ହୋଇଥିଲା ।
କେବଳ ଏତିକି ନୁହଁ, କେଜ୍ରିୱାଲ ଆହୁରି କହିଛନ୍ତି ଯେ ବିଜେପି ମୋତେ ସବୁବେଳେ ଗାଳଇ ଦେଉଛି । ମୋତେ ଗାଳି ଦେଲେ ଦିଲ୍ଲୀର ଅଳିଆ ସଫା ହୋଇଯିବ ନାହିଁ ବୋଲି କହିଛନ୍ତି କେଜ୍ରିୱାସ । ଏହା ସହିତ କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ ଦିଲ୍ଲୀରେ ବିଜେପି ପକ୍ଷରୁ କୌଣସି କାମ ହୋଇନାହିଁ । ଏହି କାରଣରୁ ଦିଲ୍ଲୀ ଅଳିଆ ଗଦା ପାଲଟିଛି ।
ଆପଣଙ୍କୁ କହି ରଖୁଛୁ, ଦିଲ୍ଲୀ MCD ପାଇଁ ଡିସେମ୍ବର 4 ରେ ଭୋଟ୍ ଗ୍ରହଣ ହେବ । ଏହାର ଫଳାଫଳ 8 ଡିସେମ୍ବରରେ ଘୋଷଣା କରାଯିବ ।