ସୁରଙ୍କ ଉତ୍ତରାଧିକାରୀ ହେବେ ମନ୍ମଥ, ଜଟଣୀରୁ ପ୍ରାର୍ଥୀ ହେବା ନେଇ କଲେ ଦାବି
ଭୁବନେଶ୍ୱର: ଗତ କିଛି ଦିନ ତଳେ ସୁର ରାଉତରାୟ ପରିବାରରେ ଚାଲିଥିବା ପଲିଟିକାଲ ଡ୍ରାମାରେ ବିରାମ ଟାଣିଛନ୍ତି ସୁର ରାଉତରାୟ । ଜଟଣୀରୁ କିଏ ନିର୍ବାଚନ ଲଢିବ ଓ କିଏ ସୁରଙ୍କ ଉତ୍ତରାଧିକାରୀ ହେବ ସେ ନେଇ ପରିବାରରେ ଲାଗି ରହିଥିଲା ଦ୍ୱନ୍ଦ । ଏଥି ମଧ୍ୟରେ ଆଜି ପୁଣି ସୁର ଏ ନେଇ ନିଜ ଦାବି କରିଛନ୍ତି ।
ସୁରଙ୍କ ଉତ୍ତରାଧିକାରୀ ହେବେ ସାନ ରାଉତରାୟ ମନ୍ମଥ । ଜଟଣୀ ଆସନରୁ ମନ୍ମଥ ରାଉତରାୟ ବିଧାୟକ ପ୍ରାର୍ଥୀ ହେବେ ବୋଲି ଗଣମାଧ୍ୟମ ଆଗରେ ସ୍ପଷ୍ଟ କରିଛନ୍ତୁ ସୁର ।
ମନ୍ମଥ କ୍ୟାପ୍ଟେନ ଚାକିରି ଛାଡ଼ି ଆଜି ଭୁବନେଶ୍ୱର ଫେରିଛନ୍ତି । ବିମାନ ବନ୍ଦରରେ ଆଜି ମନ୍ମଥକୁ ଭବ୍ୟ ସ୍ୱାଗତ କରାଯାଇଥିଲା । ଭୁବନେଶ୍ୱର ଫେରିବା ପରେ ତାଙ୍କୁ ବିମାନ ବନ୍ଦରରେ ଶହ ଶହ ସମର୍ଥକମାନେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦେଇ ପାଛୋଟି ନେଇଥିଲେ । ସୁର ଓ ତାଙ୍କ ପତ୍ନୀ ମନ୍ମଥଙ୍କୁ ମଧ୍ୟ ସ୍ୱାଗତ କରିଥିଲେ ।
ଭୁବନେଶ୍ୱର ବିମାନ ବନ୍ଦରରେ ପୁଅକୁ ସ୍ୱାଗତ ବେଳେ ସୁର କହିଛନ୍ତି, ଆଜିଠୁ ମନ୍ମଥ ଜଟଣୀ ଦାୟିତ୍ୱ ନେଲେ । ମନ୍ମଥ ତମମାନଙ୍କ ପାଇଁ ଚାକିରି ଛାଡ଼ି ଆସିଲେ । ଯେଉଁମାନେ ମୋତେ ଓ ମନ୍ମଥକୁ ଭଲ ପାଉଛନ୍ତି, ଆମେ ପ୍ରତିଜ୍ଞା କରିବା ମନ୍ମଥଙ୍କୁ 2024 ନିର୍ବାଚନରେ ଜିତାଇବା ।
କିନ୍ତୁ 2023 ସେପ୍ଟେମ୍ବରରେ କଂଗ୍ରେସରୁ ନିଲମ୍ବନ ହୋଇଥିଲେ ମନ୍ମଥ । କଂଗ୍ରେସ ଶୃଙ୍ଖଳା କମିଟି ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଇ ତାଙ୍କୁ ଦଳରୁ ନିଲମ୍ବମ କରାଯାଇଥିଲା । ପିସିସି ସଦସ୍ୟ ଥାଇ ମଧ୍ୟ କଂଗ୍ରେସର ନ ହେବା ନେଇ ମିଡିଆରେ କହିଥିଲେ ମନ୍ମଥ । ଏହାକୁ ନେଇ ସୋ' କଜ୍ ନୋଟିସର ଉତ୍ତର ନଦେବା ପରେ କାର୍ଯ୍ୟାନୁଷ୍ଠାନ ନିଆଯାଇଥିଲା ।
Click it and Unblock the Notifications
Sign in with Google