ବିଜେପିକୁ ଧକ୍କା : ଦଳରେ ଯୋଗଦେବାର ମାତ୍ର କିଛି ଘଣ୍ଟା ପରେ ଆରଏଲଡି ଫେରିଲେ ମମତା କିଶୋର

ଆରଏଲଡି ପ୍ରାର୍ଥୀ ମମତା ଜୟକିଶୋର ବିଜେପି ସାଂସଦ ସତ୍ୟପାଲ ସିଂହ ଉପରେ ଅପହରଣ କରି ତାଙ୍କୁ ବିଜେପିରେ ଯୋଗକରାଇବା ନେଇ ଅଭିଯୋଗ କରିଛନ୍ତି । ଏଥିସହ ମମତା ଜୟକିଶୋର ଆରଏଲଡି ପ୍ରତୀକ ଉପରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ ।

Updated: Saturday, June 26, 2021, 17:13 [IST]

ଲକ୍ଷ୍ନୌ : ଉତ୍ତରପ୍ରଦେଶର ବାଗପତ୍ ଜିଲ୍ଲା ପଞ୍ଚାୟତ ଅଧ୍ୟକ୍ଷ ପାଇଁ ନାମାଙ୍କନ ପ୍ରକ୍ରିୟା ଆଜି ଠାରୁ ଆରମ୍ଭ ହୋଇଛି । ନାମାଙ୍କନ ପ୍ରକ୍ରିୟା ଆରମ୍ଭ ହେବା ପୂର୍ବରୁ ଉତ୍ତରପ୍ରଦେଶର ବାଗପାତ ଜିଲ୍ଲାରେ ଏକ ବଡ଼ ରାଜନୈତିକ ଉତ୍ତେଜନା ଦେଖାଦେଇଥିଲା । ଏଠାରେ ନାମାଙ୍କନପତ୍ର ଦାଖଲର କିଛି ଘଣ୍ଟା ପୂର୍ବରୁ ରାଷ୍ଚ୍ରୀୟ ଲୋକ ଦଳ (ଆରଏଲଡି) ପ୍ରାର୍ଥୀ ମମତା ଜୟକିଶୋର ବିଜେପିରେ ଯୋଗ ଦେଇଥିଲେ, କିନ୍ତୁ ସେ ବିଜେପିରେ ଯୋଗ ଦେବାର କିଛି ଘଣ୍ଟା ପରେ ପୁଣିଥରେ ଆରଏଲଡିକୁ ଫେରିଥିଲେ । କେବଳ ଏତିକି ନୁହେଁ, ମମତା ଜୟକିଶୋର ଆରଏଲଡିର ଚିହ୍ନରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ ।

ଆରଏଲଡି କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମମତାଙ୍କ ସ୍ୱାମୀ ଜୟକିଶୋର କହିଛନ୍ତି ଯେ ସେ ଆରଏଲଡିର ପ୍ରକୃତ କର୍ମୀ । ଏଥି ସହ ଆରଏଲଡି ପ୍ରାର୍ଥୀ ମମତା ଜୟକିଶୋର ବିଜେପି ସାଂସଦ ସତ୍ୟପାଲ ସିଂହ ଉପରେ ଅପହରଣ କରି ତାଙ୍କୁ ବିଜେପିରେ ଯୋଗକରାଇବା ନେଇ ଅଭିଯୋଗ କରିଛନ୍ତି । ଏଥିସହ ମମତା ଜୟକିଶୋର ଆରଏଲଡି ପ୍ରତୀକ ଉପରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ ।

ଜିଲ୍ଲା ପଞ୍ଚାୟତ ସଦସ୍ୟ ପଦବୀ ପାଇଁ ନିର୍ବାଚନରେ ପଶ୍ଚିମ ଉତ୍ତରପ୍ରଦେଶରେ ଏକ ଶକ୍ତିଶାଳୀ ଦଳ ଭାବରେ ରାଷ୍ଟ୍ରିୟ ଲୋକ ଦଳ (ଆରଏଲଡି) ଉଭା ହୋଇଥିଲା । କିନ୍ତୁ ବାଗପାତ ଆସନରେ ନିର୍ବାଚନ ପୂର୍ବରୁ ଦଳ ଏକ ବଡ଼ ଧରଣର ଅସୁବିଧାର ସମ୍ମୁଖୀନ ହୋଇଥିଲା । ବାଗପାତରୁ ଜିଲ୍ଲା ପଞ୍ଚାୟତ ଅଧ୍ୟକ୍ଷ ପଦ ପାଇଁ ମମତା କିଶୋରଙ୍କୁ ଦଳ ମନୋନୀତ କରିଥିଲା, କିନ୍ତୁ ସେ ଆରଏଲଡି ଛାଡି ତାଙ୍କ ସ୍ୱାମୀ ଜୟ କିଶୋରଙ୍କ ସହ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ । ମମତା କିଶୋର ଆରଏଲଡି ଛାଡି ବିଜେପିରେ ଯୋଗଦେବା ପରେ ବାଗପାତରେ ଆରଏଲଡିରୁ ଜିଲ୍ଲା ପଞ୍ଚାୟତ ସଭାପତି ପଦ ପାଇଁ କୌଣସି ପ୍ରାର୍ଥୀ ବାକି ନଥିଲେ । ତେବେ ମମତା ଜୟକିଶୋର ତାଙ୍କ ନିଷ୍ପତ୍ତି ବଦଳାଇ କିଛି ଘଣ୍ଟା ପରେ ବିଜେପି ଛାଡି ପୁଣିଥରେ ଆରଏଲଡିରେ ଯୋଗ ଦେଇଥିଲେ ।