'ବଙ୍ଗଳାରେ ବିଜେପି କାରଣରୁ ବଢୁଛି କରୋନା, ବାହାର ଲୋକ ଆସି କରୋନା ବିସ୍ତାର କରୁଛନ୍ତି'
ତୃଣମୂଳ କଂଗ୍ରେସ ମୁଖ୍ୟ ତଥା ବଙ୍ଗଳାର ମୁଖ୍ୟମନ୍ତ୍ରୀ ମମତା ବାନାର୍ଜୀ ହଠାତ୍ ବଙ୍ଗଳାର କରୋନା ମାମଲାରେ ବୃଦ୍ଧି ପାଇଁ ବିଜେପିକୁ ଦାୟୀ କରିଛନ୍ତି ।
କୋଲକାତା : ପଶ୍ଚିମବଙ୍ଗରେ ନିର୍ବାଚନୀ ମାହୋଲ ମଧ୍ୟରେ ବଢିବାରେ ଲାଗିଛି କରୋନା ପ୍ରଭାବ । ବଢୁଥିବା କରୋନା ମାମଲାକୁ ଦର୍ଶାଇ ବଙ୍ଗଳା ନିର୍ବାଚନର ଅବଶିଷ୍ଟ ପର୍ଯ୍ୟାୟ ନିର୍ବାଚନକୁ ସ୍ଥଗିତ ରଖିବାକୁ ଚେଷ୍ଟା କରାଯାଇଥିଲା, କିନ୍ତୁ ପୂର୍ବ ନିର୍ଦ୍ଧାରିତ ତାରିଖରେ ଭୋଟ୍ ଗ୍ରହଣ କରାଯିବ ବୋଲି ନିର୍ବାଚନ ଆୟୋଗ ସ୍ପଷ୍ଟ କରିଛନ୍ତି । ଏଥି ସହିତ ତୃଣମୂଳ କଂଗ୍ରେସ ମୁଖ୍ୟ ତଥା ବଙ୍ଗଳାର ମୁଖ୍ୟମନ୍ତ୍ରୀ ମମତା ବାନାର୍ଜୀ ହଠାତ୍ ବଙ୍ଗଳାର କରୋନା ମାମଲାରେ ବୃଦ୍ଧି ପାଇଁ ବିଜେପିକୁ ଦାୟୀ କରିଛନ୍ତି ।
ପଶ୍ଚିମବଙ୍ଗର ନୋଆପାରା ଠାରେ ଅନୁଷ୍ଠିତ ଏହି ସମାବେଶକୁ ସମ୍ବୋଧିତ କରି ମମତା ବାନାର୍ଜୀ କହିଛନ୍ତି ଯେ, ଯେତେବେଳେ କଂଗ୍ରେସ, ଟିଏମସି ଏବଂ ଅନ୍ୟାନ୍ୟ ଦଳ ରାଲି କରିଥିଲେ, ସେତେବେଳେ ପାଞ୍ଚ ମାସ ପର୍ଯ୍ୟନ୍ତ ବଙ୍ଗଳାରେ କରୋନା ବଢିନଥିଲା । ବର୍ତ୍ତମାନ ସେମାନେ (ବିଜେପି) ବାହାରୁ ଲୋକଙ୍କୁ ଆଣିଛନ୍ତି ଏବଂ କାହାରିକୁ ପରୀକ୍ଷା କରାଯାଉ ନାହିଁ , ଯେଉଁଥିପାଇଁ କରୋନା ଦ୍ରୁତ ଗତିରେ ବ୍ୟାପୁଛି । ମମତା ବାନାର୍ଜୀ ଆହୁରି ମଧ୍ୟ କହିଛନ୍ତି ଯେ, ଯିଏ ବାହାରୁ ଆସୁଛନ୍ତି, ସେମାନଙ୍କର ପରୀକ୍ଷା କରାଯିବା ଉଚିତ୍ । ବିଜେପିକୁ ଚାର୍ଗେଟ୍ କରି ମମତା କହିଛନ୍ତି, ବାହାର ଲୋକ ଆସୁଛନ୍ତି ଏବଂ କରୋନା ବିସ୍ତାର କରୁଛନ୍ତି । ଯେତେବେଳେ ଆମର ଲୋକମାନେ ମରିବେ, ସେମାନେ ଆମକୁ ଦୋଷ ଦେବେ ।
Click it and Unblock the Notifications
Sign in with Google