ମୁକୁଲ ରୟ କାହାର ? ବିଜେପି ର ନା ଟିଏମସିର ? ମୁହଁ ଖୋଲିଲେ ମମତା

Updated: Wednesday, April 19, 2023, 19:50 [IST]

ପଶ୍ଚିମବଙ୍ଗର ଭେଟେରାନ ନେତା ତଥା ବିଧାୟକ ମୁକୁଲ ରୟଙ୍କ ପାଇଁ ରାଜ୍ୟ ରାଜନୀତି ସରଗରମ ହୋଇଉଠିଛି । ସେ ନିଖୋଜ ଥିବା ନେଇ ତାଙ୍କ ପୁଅ କହିବା ପରେ ରାଜନୈତିକ ଉତ୍ତେଜନା ଆରମ୍ଭ ହୋଇଥିଲା । ଏହି ମାମଲାରେ ମୁକୁଲ ରୟଙ୍କ ପୁଅ ପ୍ରଥମେ ନିଖୋଜ ଅଭିଯୋଗ ଦାଖଲ କରିଥିଲେ ଏବଂ ପରେ କହିଥିଲେ ଯେ ତାଙ୍କ ପିତାଙ୍କ ମାନସିକ ସ୍ଥିତି ଭଲ ନାହିଁ । ତାଙ୍କ ନାମରେ ବିଜେପି ନୀଚ୍ଚ ରାଜନୀତି କରୁଛି ।

ତେବେ ଗୋଟିଏ ଦିନ ପରେ ମୁକୁଲ ରୟ ଗଣମାଧ୍ୟମ ସାମ୍ନାକୁ ଆସି କହିଥିଲେ ଯେ ମୁଁ ବିଜେପିର ବିଧାୟକ... ସବୁବେଳେ ବିଜେପି ସହ ଅଛି । ଯଦି ଦଳ ମୋତେ କୌଣସି ଦାୟିତ୍ୱ ଦିଏ ତେବେ ମୁଁ ଏହାକୁ ପୂରଣ କରିବି ।

ଏହା ପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ଟିଏମସି ମୁଖ୍ୟ ମମତା ବାନାର୍ଜୀ ବର୍ତ୍ତମାନ ଏହି ପୂରା ଏପିସୋଡରେ ନୀରବତା ଭାଙ୍ଗିଛନ୍ତି । ବୁଧବାର ଗଣମାଧ୍ୟମକୁ ସୂଚନା ଦେଇ ମମତା ବାନାର୍ଜୀ କହିଛନ୍ତି, 'ମୁକୁଲ ରୟ ଜଣେ ବିଜେପି ବିଧାୟକ ଥିଲେ ଏବଂ ସେ ଦିଲ୍ଲୀ ଯିବାକୁ ଚାହୁଁଛନ୍ତି କି ନାହିଁ ତାହା ତାଙ୍କ ଉପରେ ନିର୍ଭର କରେ । ଦିଲ୍ଲୀ ଯିବାକୁ ଚାହୁଁଛନ୍ତି କି ନାହିଁ ତାହା ସମ୍ପୂର୍ଣ୍ଣରୂପେ ନିଜର ଅଧିକାର ଅଟେ ।'

ପଶ୍ଚିମବଙ୍ଗ ସିଏମ୍ ଆହୁରି କହିଛନ୍ତି, 'କିନ୍ତୁ, ମୁଁ ମଧ୍ୟ ଶୁଣିଛି ଯେ ତାଙ୍କ ପୁଅ ତାଙ୍କ ବାପାଙ୍କୁ ଅପହରଣ କରାଯାଇଛି ବୋଲି ଅଭିଯୋଗ କରିଛନ୍ତି । ସେ ମଧ୍ୟ ଏହି ମାମଲାରେ ଏଫ୍ଆଇଆର୍ ଦାଖଲ କରିଥିଲେ । ମୁଁ ଭାବୁଛି ଆପଣମାନେ ମଧ୍ୟ ଜାଣିଛନ୍ତି ଯେ ବିଜେପି କେଉଁ ପ୍ରକାର ଆଚରଣ କରୁଛି । ମୁଁ ଜାଣେ ମୁକୁଲ ରୟ ଜଣେ ବିଜେପି ବିଧାୟକ । ସେମାନେ ହୁଏତ ଭୟଭୀତ ହୋଇଥିବେ । ଏହା ଏକ ବହୁତ ଛୋଟ ପ୍ରସଙ୍ଗ, ଏହା ଆମ ପାଇଁ ଗୁରୁତ୍ୱପୂର୍ଣ୍ଣ ନୁହେଁ ।

ଆପଣଙ୍କୁ କହି ରଖୁଛୁ ପଶ୍ଚିମବଙ୍ଗର କୃଷ୍ଣନଗର ଉତ୍ତର ଆସନରୁ ମୁକୁଲ ରୟ ହେଉଛନ୍ତି ବିଧାୟକ । ସୋମବାର ରାତିରେ ସେ କୋଲକାତା ରୁ ଦିଲ୍ଲୀ ଯାଇଥିଲେ, ଏହା ପରେ ତାଙ୍କ ପୁଅ ସେ ନିଖୋଜ ଥିବା କହିଥିଲେ । ପରେ ମୁକୁଲ ରୟଙ୍କ ପୁଅ ମଧ୍ୟ ଅଭିଯୋଗ କରିଛନ୍ତି ଯେ ତାଙ୍କ ପିତାଙ୍କ ମାନସିକ ଅବସ୍ଥା ଭଲ ନୁହେଁ ଏବଂ ବିଜେପି ଏହାର ଫାଇଦା ଉଠାଇ ରାଜନୀତି କରୁଛି ।

ଏଥି ସହ ଗଣମାଧ୍ୟମ ସାମ୍ନାକୁ ଆସିଥିବା ମୁକୁଲ ରାୟ କହିଛନ୍ତି ଯେ ମୁଁ ଜଣେ ବିଜେପି ବିଧାୟକ ଏବଂ ଦଳକୁ ଫେରିବା ପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବାକୁ ଚାହୁଁଛି । ଯଦି ଦଳ ମୋତେ କୌଣସି ଦାୟିତ୍ୱ ଦିଏ, ତେବେ ମୁଁ ଏହାକୁ ପୂରଣ କରିବି । ଯେତେ ଦୂର ଟିଏମସି କଥା, ମୁଁ ସେହି ଦଳରୁ ଇସ୍ତଫା ଦେଇସାରିଛି । ଯେତେବେଳେ ମୁଁ ଟିଏମସିର ସଦସ୍ୟ ନୁହେଁ, ସେତେବେଳେ ଇସ୍ତଫା ଦେବା ପ୍ରଶ୍ନ ଉଠୁ ନାହିଁ ।