ଚଣ୍ଡୀ ପାଠ ପରେ ମଞ୍ଚରେ ଦୁର୍ଗା ପାଠ କଲେ ମମତା, କହିଲେ- ନିର୍ବାଚନ କମିଶନ କାମରେ ଦଖଲ ଦେଉଛନ୍ତି ଅମିତ ଶାହା
ମଙ୍ଗଳବାର ଦିନ ବାଙ୍କୁରା ବିଧାନସଭା ନିର୍ବାଚନମଣ୍ଡଳୀରେ ଏକ ଜନ ସମାବେଶକୁ ସମ୍ବୋଧିତ କରି ମମତା ବାନାର୍ଜୀ 'ଦୁର୍ଗା ପାଠ' କରିଥିଲେ । ସୂଚାନାଯୋଗ୍ୟ ଏହା ପୂର୍ବରୁ ସେ ନନ୍ଦିଗ୍ରାମରେ 'ଚଣ୍ଡି ପାଠ' ଜପ କରିଥିଲେ ।
କୋଲକାତା : ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଆହତ ସତ୍ତ୍ୱେ ତୃଣମୂଳ କଂଗ୍ରେସର ମୁଖ୍ୟ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଜେପି ବିରୋଧରେ ନିଜର ସମସ୍ତ ଶକ୍ତି ପ୍ରଦର୍ଶନ କରୁଛନ୍ତି । ହ୍ୱିଲ ଚେୟାରରେ ବସି ରୋଡ୍ ସୋ କରିବା ସହ ପ୍ରତିଦିନ ରାଲିକୁ ସମାବେଶକୁ ସମ୍ବୋଧନ କରୁଛନ୍ତି । ଏହି ସମୟରେ ସେ ଏପରି କିଛି କରିଛନ୍ତି ଯାହା ପ୍ରତିପକ୍ଷଙ୍କ ପାଟିରେ ତାଲା ପକାଇ ଦେଇଛି । ମଙ୍ଗଳବାର ଦିନ ବାଙ୍କୁରା ବିଧାନସଭା ନିର୍ବାଚନମଣ୍ଡଳୀରେ ଏକ ଜନ ସମାବେଶକୁ ସମ୍ବୋଧିତ କରି ମମତା ବାନାର୍ଜୀ 'ଦୁର୍ଗା ପାଠ' କରିଥିଲେ । ସୂଚାନାଯୋଗ୍ୟ ଏହା ପୂର୍ବରୁ ସେ ନନ୍ଦିଗ୍ରାମରେ 'ଚଣ୍ଡି ପାଠ' ଜପ କରିଥିଲେ ।
ବାଙ୍କୁରାରେ ଜନସାଧାରଣଙ୍କୁ ସମ୍ବୋଧିତ କରି ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ମଧ୍ୟ ଟାର୍ଗେଟ କରିବାର ସୁଯୋଗ ହାତଛଡ଼ା କରିନାହାଁନ୍ତି । ସେ ବିଜେପିର ବରିଷ୍ଠ ନେତା ଅମିତ ଶାହାଙ୍କୁ ଭାରତର ନିର୍ବାଚନ ଆୟୋଗର କାର୍ଯ୍ୟରେ ହସ୍ତକ୍ଷେପ କରୁଥିବା ଅଭିଯୋଗ କରିଛନ୍ତି । ମମତା ବାନାର୍ଜୀ କହିଛନ୍ତି, 'ଗୃହମନ୍ତ୍ରୀ ଦେଶ ଚଳାଇବେ ନା କାହାକୁ ଗିରଫ କରାଯିବ ଏବଂ କାହାକୁ ମାଡ ମରାଯିବ ତାହା ସ୍ଥିର କରିବେ, କିମ୍ବା କେଉଁ ଏଜେନ୍ସି କାହା ବିରୋଧରେ ମାମଲା ଦାୟର କରିବେ ସେ ସ୍ଥିର କରିବେ । ଭାରତର ନିର୍ବାଚନ ଆୟୋଗ କିଏ ଚଳାଉଛି ? ମୁଁ ଆଶା କରୁଛି ସେ ବ୍ୟକ୍ତି ଆପଣ ନୁହଁନ୍ତି, ଅମିତ ଶାହା... ଆମେ ମୁକ୍ତ ଏବଂ ନିରପେକ୍ଷ ନିର୍ବାଚନ ଚାହୁଁ, ସେ ନିର୍ବାଚନ ଆୟୋଗର ଦୈନନ୍ଦିନ କାର୍ଯ୍ୟରେ ହସ୍ତକ୍ଷେପ କରୁଛନ୍ତି। '
#WATCH: West Bengal CM Mamata Banerjee recites 'Durga Path' during her public rally in Bankura.#WestBengalElections pic.twitter.com/8RmsCcdgqN
— ANI (@ANI) March 16, 2021
ସୂଚନାଯୋଗ୍ୟ, ପଶ୍ଚିମବଙ୍ଗରେ ବିରୋଧୀ ବିଜେପି ଯେଉଁ ଆଇପିଏସ୍ ଅଧିକାରୀଙ୍କ ନିରପେକ୍ଷତା ଉପରେ ପ୍ରଶ୍ନ ଉଠାଇଥିଲେ, ଏବେ ତାଙ୍କୁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସୁରକ୍ଷା ଦାୟିତ୍ୱ ଦିଆଯାଇଛି । ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସୁରକ୍ଷା ପାଇଁ ଆଇପିଏସ୍ ଜ୍ଞାନବନ୍ତ ସିଂଙ୍କୁ ନୂତନ ସୁରକ୍ଷା ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି । ଏହି ପରିପ୍ରେକ୍ଷୀରେ ନିର୍ବାଚନ ଆୟୋଗ ରାଜ୍ୟ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି । ଜ୍ଞାନବନ୍ତ ସିଂ ଅତିରିକ୍ତ ପୋଲିସ ମହାନିର୍ଦ୍ଦେଶକ ପଦବୀର ଜଣେ ଅଧିକାରୀ ଏବଂ ବର୍ତ୍ତମାନ ରାଜ୍ୟରେ ଅତିରିକ୍ତ ସୁରକ୍ଷା ମହାନିର୍ଦ୍ଦେଶକ ଭାବରେ ନିଯୁକ୍ତ ହୋଇଛନ୍ତି ।
Click it and Unblock the Notifications
Sign in with Google