ଆଜି ‘ଫ୍ଲୋର୍ ଟେଷ୍ଟ' ଦେବେ ଏକନାଥ ସିନ୍ଦେ, ଶରଦ ପାୱାର କହିଲେ - ଖୁବ୍ ଶୀଘ୍ର ହୋଇପାରେ ମଧ୍ୟବର୍ତ୍ତୀକାଳୀନ ନିର୍ବାଚନ
ମହାରାଷ୍ଟ୍ରରେ ନୂତନ ସରକାର ଗଠନ ପରେ ଏକନାଥ ସିନ୍ଦେଙ୍କୁ ଆଜି ବିଧାନସଭାରେ ଆସ୍ଥା ଭୋଟର ସମ୍ମୁକୀନ ହେବାକୁ ପଡ଼ିବ । ନୂତନ ବାଚସ୍ପତି ଚୟନ ଏବଂ ଫ୍ଲୋର୍ ଟେଷ୍ଟ ପାଇଁ ଦୁଇ ଦିନିଆ ସ୍ୱତନ୍ତ୍ର ଅଧିବେଶନ ଡକାଯାଇଛି ।
ମୁମ୍ବାଇ : ମହାରାଷ୍ଟ୍ରରେ ନୂତନ ସରକାର ଗଠନ ପରେ ଏକନାଥ ସିନ୍ଦେଙ୍କୁ ଆଜି ବିଧାନସଭାରେ ଆସ୍ଥା ଭୋଟର ସମ୍ମୁକୀନ ହେବାକୁ ପଡ଼ିବ । ନୂତନ ବାଚସ୍ପତି ଚୟନ ଏବଂ ଫ୍ଲୋର୍ ଟେଷ୍ଟ ପାଇଁ ଦୁଇ ଦିନିଆ ସ୍ୱତନ୍ତ୍ର ଅଧିବେଶନ ଡକାଯାଇଛି । ରବିବାର ଦିନ ବିଜେପିର ରାହୁଲ ନାର୍ଭେକର ବିଧାନସଭା ବାଚସ୍ପତି ଭାବରେ ନିର୍ବାଚିତ ହୋଇଛନ୍ତି । ଏହି ସମୟରେ ଆଜି ଗୃହରେ ଏକନାଥ ସିନ୍ଦେ ସରକାରଙ୍କ ଫ୍ଲୋର ଟେଷ୍ଟ ରହିଛି ।
ଏବେ 39 ବିଦ୍ରୋହୀ ଶିବସେନା ବିଧାୟକଙ୍କ ସମେତ 50 ବିଧାୟକ ସିନ୍ଦେ କ୍ୟାମ୍ପରେ ଅଛନ୍ତି । ବିଜେପି ମଧ୍ୟ ସିନ୍ଦେ ସରକାର ସହ ଅଛି । ତେଣୁ ସିନ୍ଦେ -ବିଜେପି ନିକଟରେ ବହୁମତ ରହିଛି । ଯଦି କିଛି ଆଇନଗତ ସମସ୍ୟା ନ ଉପୁଜେ, ତେବେ ଏକନାଥ ସିନ୍ଦେ ଆସ୍ଥା ଭୋଟରେ ବିଜୟୀ ହେବା ନିଶ୍ଚିତ ।
ଗତକାଲି ବାଚସ୍ପତି ନିର୍ବାଚନରେ ଜେପି ଓ ଶିବସେନାର ସିନ୍ଦେ ଗୋଷ୍ଠୀର ମିଳିତ ପ୍ରାର୍ଥୀ ରାହୁଲ ନାର୍ଭେକର ବାଚସ୍ପତି ଭାବେ ନିର୍ବାଚିତ ହୋଇଛନ୍ତି । ରାହୁଲଙ୍କୁ 164 ଟି ଭୋଟ୍ ମିଳିଥିଲା ବେଳେ ମହାବିକାଶ ଅଘାଡିର ସାଲଭୀ ପାଇଥିଲେ 107 ଭୋଟ୍ । ଏଣୁ ସଂଖ୍ୟା ଦୃଷ୍ଟିରେ ସିନ୍ଦେ ଢେର ଆଗରେ ଅଛନ୍ତି । ସେପଟେ ବିଧାନସଭା ଅଧିବେଶନ ଓ ବାଚସ୍ପତି ନିର୍ବାଚନ ପ୍ରକ୍ରିୟାକୁ ବିରୋଧ କରିଛନ୍ତି ଶିବସେନାର ଉଦ୍ଧବ ଗୋଷ୍ଠୀ ଓ କଂଗ୍ରେସ । ସିନ୍ଦେ ଗୋଷ୍ଠୀର ବିଧାୟକମାନେ ବାଚସ୍ପଚି ନିର୍ବାଚନରେ ଭାଗ ନେବା ସଂପୂର୍ଣ୍ଣ ଅସାମ୍ବିଧାନିକ ବୋଲି ଟିମ୍ ଉଦ୍ଧବ ପକ୍ଷରୁ କୁହାଯାଇଛି ।
ଏହି ସମୟରେ ସେପଟେ ଏନସିପି ମୁଖ୍ୟ ଶରଦ ପାୱାର ଏକ ବଡ ବିବୃତ୍ତି ଦେଇଛନ୍ତି । ସେ କହିଛନ୍ତି ଯେ ଏକନାଥ ସିନ୍ଦେ ସରକାର 6 ମାସ ମଧ୍ୟରେ ଭାଙ୍ଗିଯିବ ଏବଂ ରାଜ୍ୟରେ ମଧ୍ୟବର୍ତ୍ତୀକାଳୀନ ନିର୍ବାଚନ ହୋଇପାରେ ।
ଶରଦ ପାୱାର କହିଛନ୍ତି ଯେ ଆସନ୍ତା 6 ମାସ ମଧ୍ୟରେ ଏହି ନୂତନ ସରକାର ଭାଙ୍ଗିପାରେ, ତେଣୁ ସମସ୍ତେ ନିର୍ବାଚନ ପାଇଁ ପ୍ରସ୍ତୁତ ହେବା ଉଚିତ୍ । ଶରଦ ପାୱାରଙ୍କ ସହ ବୈଠକରେ ଯୋଗ ଦେଇଥିବା ଏନସିପି ନେତା କହିଛନ୍ତି ଯେ ଏହି ସଭାରେ ଶରଦ ପାୱାର କହିଛନ୍ତି ଯେ ଏକନାଥ ସିନ୍ଦେଙ୍କୁ ସମର୍ଥନ କରୁଥିବା ଅନେକ ବିଦ୍ରୋହୀ ବିଧାୟକ ନୂତନ ସରକାରରେ ଖୁସି ନୁହଁନ୍ତି । ମନ୍ତ୍ରିମଣ୍ଡଳ ବିଭାଜିତ ହେବା ପରେ ସେମାନଙ୍କ ବିଦ୍ରୋହ ସାମ୍ନାକୁ ଆସିବ, ଯାହା ଶେଷରେ ଏହି ସରକାରକୁ ହଟାଇବା ପାଇଁ କାର୍ଯ୍ୟ କରିବ । କେବଳ ଏତିକି ନୁହେଁ ଶରଦ ପାୱାର କହିଛନ୍ତି ଯେ ନୂତନ ସରକାର ଗଠନ ପାଇଁ ପରୀକ୍ଷଣ ବିଫଳ ହେବା ପରେ ଅନେକ ବିଦ୍ରୋହୀ ବିଧାୟକ ନିଜ ମୂଳ ଦଳକୁ ଫେରିବେ । ଯଦି ଆମ ହାତରେ ମାତ୍ର 6 ମାସ ଅଛି ତେବେ ଆମେ ପ୍ରସ୍ତୁତ ହେବା ଆବଶ୍ୟକ, ସର୍ବାଧିକ ବିଧାୟକମାନେ ସେମାନଙ୍କ ବିଧାନସଭା କ୍ଷେତ୍ରରେ ସମୟ ବିତାଇବା ଉଚିତ୍ ।
Click it and Unblock the Notifications
Sign in with Google