Click it and Unblock the Notifications
MUST READ
-
-
-
-
-
-
ଆସନ୍ତାକାଲି ଆସିବ ସିନ୍ଦେ କ୍ୟାବିନେଟ ତାଲିକା, ପୂର୍ବାହ୍ନ 11 ରେ ଶପଥ ନେବେ ମନ୍ତ୍ରୀ
ମଙ୍ଗଳବାର (ଅଗଷ୍ଟ 09) ସକାଳ 11 ଟା ସମୟରେ ମହାରାଷ୍ଟ୍ର ରାଜ ଭବନରେ ଏକନାଥ କ୍ୟାବିନେଟର ସମ୍ପ୍ରସାରଣ କରାଯାଇପାରନ୍ତି । ଖବର ଅନୁଯାୟୀ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଗୃହ ବିଭାଗ ମିଳିବ ବୋଲି ଆଶା କରାଯାଉଛି ।
ମୁମ୍ବାଇ : ଉଦ୍ଧବ ସରକାର ଭାଙ୍ଗି ବିଜେପି ସହ ମିଶି ସରକାର ଗଠନ କରିବା ଏବଂ ମୁଖ୍ୟମନ୍ତ୍ରୀ ହେବାର ଏକ ମାସ ପରେ କାଲି ଆସିବ ସିନ୍ଦେ କ୍ୟାବିନେଟ୍ ତାଲିକା । ଆସନ୍ତାକାଲି ମହାରାଷ୍ଟ୍ରରେ ସିନ୍ଦେ ଗୋଷ୍ଠୀ ଏବଂ ବିଜେପି ସରକାରର ମନ୍ତ୍ରୀମଣ୍ଡଳର ସମ୍ପ୍ରସାରଣ ହେବ ।
ସୂଚନାନୁସାରେ, ମଙ୍ଗଳବାର (ଅଗଷ୍ଟ 09) ସକାଳ 11 ଟା ସମୟରେ ମହାରାଷ୍ଟ୍ର ରାଜ ଭବନରେ ଏକନାଥ କ୍ୟାବିନେଟର ସମ୍ପ୍ରସାରଣ କରାଯାଇପାରନ୍ତି । ଖବର ଅନୁଯାୟୀ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଗୃହ ବିଭାଗ ମିଳିବ ବୋଲି ଆଶା କରାଯାଉଛି । ଏଥି ସହିତ ଅତି କମରେ 15 ଜଣ ମନ୍ତ୍ରୀଙ୍କୁ କ୍ୟାବିନେଟରେ ସାମିଲ କରାଯାଇପାରେ ।
ମିଳିଥିବା ଖବର ଅନୁଯାୟୀ ମହାରାଷ୍ଟ୍ର ବିଜେପି ଅଧ୍ୟକ୍ଷ ଚନ୍ଦ୍ରକାନ୍ତ ପାଟିଲ ମଧ୍ୟ ସିନ୍ଦେ କ୍ୟାବିନେଟର ଏକ ଅଂଶ ହେବାକୁ ଯାଉଛନ୍ତି । ଏଥି ସହିତ ତାଙ୍କ କ୍ୟାବିନେଟରେ ଯୋଗଦେବା ପରେ ଦଳ ନୂତନ ରାଜ୍ୟ ସଭାପତିଙ୍କ ପ୍ରକ୍ରିୟା ଆରମ୍ଭ କରିବ । ମହାବିକାଶ ଅଘାଡ଼ି ସହଯୋଗୀ ତଥା ପୂର୍ବତନ ସିଏମ୍ ଉଦ୍ଧବ ଠାକରେଙ୍କ ବିରୋଧରେ ମୋର୍ଚ୍ଚା ଖୋଲି ଶିବସେନାର ବିଦ୍ରୋହୀ ନେତା ଏକନାଥ ସିନ୍ଦେ ବିଜେପି ସହ ମିଶି ଦଳର ବିଧାୟକଙ୍କୁ ନେଇ ମହାରାଷ୍ଟ୍ରରେ କ୍ଷମତା ପରିବର୍ତ୍ତନ କରିଥିଲେ । ଏଭଳି ପରିସ୍ଥିତିରେ, ସିଏମ୍ ଭାବେ ଶପଥ ଗ୍ରହଣ କରିବାର ପ୍ରାୟ ଏକ ମାସ ପରେ, ମନ୍ତ୍ରୀମଣ୍ଡଳ ନ ଆସିଥିବାରୁ ବାରମ୍ବାର ବିରୋଧୀଙ୍କ ଟାର୍ଗେଟ୍ ର ଶିକାର ହେଉଥିଲେ ।
ସୂଚନାଯୋଗ୍ୟ, ଜୁନ୍ 30 ରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିବାବେଳେ ଦେବେନ୍ଦ୍ର ଫଡନାଭିସ୍ ଉପମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଥିଲେ । କ୍ୟାବିନେଟର ସମ୍ପ୍ରସାରଣ ନକରିବାରୁ ବିରୋଧୀ ଦଳର ନେତା ଅଜିତ ପାୱାରଙ୍କ ସମେତ ଅନେକ ବିରୋଧୀ ଦଳ ସରକାରଙ୍କ ଉପରେ ଲଗାତାର ଆକ୍ରମଣ କରୁଥିଲେ । ଏନସିପି ନେତା ଅଜିତ ପାୱାର ଶନିବାର ଦିନ କହିଛନ୍ତି ଯେ ଦିଲ୍ଲୀରୁ ସବୁଜ ସଙ୍କେତ ନଆସିଲେ ଏକନାଥ ସିନ୍ଦେ-ଦେବେନ୍ଦ୍ର ଫଡନାଭିସ୍ ସରକାର କ୍ୟାବିନେଟକୁ ବିସ୍ତାର କରିପାରିବେ ନାହିଁ ।
