କିଏ ଏହି ଗୁଜୁରାଟର ନୂଆ ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଥିବା ଭୂପେନ୍ଦ୍ର ପଟେଲ ? କଣ ରହିଛି ତାଙ୍କର ରାଜନୈତିକ ଜୀବନ...

ବିଜୟ ରୂପାଣୀଙ୍କ ଇସ୍ତଫା ପରେ ଭୂପେନ୍ଦ୍ର ପଟେଲ ଗୁଜରାଟର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ମନୋନୀତ ହୋଇଥିଲେ । ତେବେ କିଏ ଏହି ଭୂପେନ୍ଦ୍ର ପଟେଲ, କଣ ରହିଛି ତାଙ୍କର ରାଜନୈତିକ କ୍ୟାରିୟର ...

Published: Monday, September 13, 2021, 13:03 [IST]

ଅହମ୍ମଦାବାଦ : ବିଜେପି ଶାସିତ ରାଜ୍ୟରେ ଗତ କିଛି ଦିନ ହେବ ଅଶାନ୍ତି ଲାଗି ରହିଛି । ପ୍ରଥମେ, ଉତ୍ତରାଖଣ୍ଡରେ ତ୍ରିବେନ୍ଦ୍ର ସିଂ ରାୱତଙ୍କୁ ହଟାଇବା ପରେ ତିରଥ ସିଂ ରାୱତ ତାଙ୍କ ସ୍ଥାନରେ ପଦ ସମ୍ଭାଳିଥିଲେ, କିନ୍ତୁ କିଛି ଦିନ ପରେ ତାଙ୍କୁ ହଟାଇ ଦିଆଯାଇଥିଲା ଏବଂ ପୁଷ୍କର ସିଂ ଧାମଙ୍କୁ ରାଜ୍ୟର ଦାୟିତ୍ୱ ଦିଆଯାଇଥିଲା । ସେହିଭଳି କର୍ଣ୍ଣାଟକରେ ଦୀର୍ଘ ଦିନର ବିକାଶ ପରେ ଶେଷରେ ୟେଦ୍ଦିୟୁରପ୍ପା ମଧ୍ୟ ମୁଖ୍ୟମନ୍ତ୍ରୀ ପଦ ହରାଇଲେ ଏବଂ ତାଙ୍କ ସ୍ଥାନରେ ବସଭରାଜ ବୋମ୍ମାଇଙ୍କୁ କର୍ଣ୍ଣାଟକ ମୁଖ୍ୟମନ୍ତ୍ରୀ ଭାବେ ନିର୍ବାଚିତ କରାଯାଇଥିଲା । ଏହି ସମୟରେ, ଶନିବାର ଦିନ ଗୁଜୁରାଟରୁ ମୁଖ୍ୟମନ୍ତ୍ରୀ ପରିବର୍ତ୍ତନ କରିବାର ଏକ ନୂଆ ଧାରା ଦେଖିବାକୁ ମିଳିଥିଲା ଯେଉଁଠାରେ ବିଜୟ ରୂପାଣୀଙ୍କ ଇସ୍ତଫା ପରେ ଭୂପେନ୍ଦ୍ର ପଟେଲ ଗୁଜରାଟର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ମନୋନୀତ ହୋଇଥିଲେ । ତେବେ କିଏ ଏହି ଭୂପେନ୍ଦ୍ର ପଟେଲ, କଣ ରହିଛି ତାଙ୍କର ରାଜନୈତିକ କ୍ୟାରିୟର ...

ପ୍ରକୃତରେ, ବିଜୟ ରୁପାଣୀ ଗୁଜୁରାଟ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ମୁଖ୍ୟମନ୍ତ୍ରୀଙ୍କ ଦୌଡ଼ରେ ଅନେକ ନାମ ଆଗକୁ ଆସୁଥିଲେ ମଧ୍ୟ ରବିବାର ଦିନ ବିଜେପି ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇଛି । ଗତଥର ନିର୍ବାଚନରେ ଜିତିବା ପରେ ଯେପରି ମୁଖ୍ୟମନ୍ତ୍ରୀ ପଦ ପାଇଁ ନିତିନ ପଟେଲଙ୍କ ନାମରେ କଳ୍ପନାଜଳ୍ପନା ଲାଗି ରହିଥିଲେ ମଧ୍ୟ ବିଜୟ ରୂପାଣୀଙ୍କ ଉପରେ ଦଳ ଭରସା କରିଥିଲା । ସେହିଭଳି ଏଥର ମଧ୍ୟ ରୁପାଣୀଙ୍କ ସ୍ଥାନରେ ଭୂପେନ୍ଦ୍ର ପଟେଲଙ୍କ ନାମ ଘୋଷଣା କରି ଦଳ ସମସ୍ତ କଳ୍ପନାଜଳ୍ପନାରେ ପୂର୍ଣ୍ଣଚ୍ଛେଦ ପକାଇଥିଲା । ରବିବାର ଅନୁଷ୍ଠିତ ବିଧାୟକ ଦଳ ବୈଠକରେ ଏହା ସ୍ପଷ୍ଟ ହୋଇଛି ଯେ ବର୍ତ୍ତମାନ ଭୂପେନ୍ଦ୍ର ପଟେଲ ଗୁଜୁରାଟର ନୂତନ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ତୁଲାଇବେ ।

ଗୁଜୁରାଟର ନୂତନ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ହେଉଛନ୍ତି ଘାଟଲୋଡିଆ ଆସନରୁ ବିଧାୟକ । କୁହାଯାଉଛି ଯେ ମୁଖ୍ୟମନ୍ତ୍ରୀ ପଦ ପାଇଁ ତାଙ୍କ ନାମ ପୂର୍ବତନ ସିଏମ ବିଜୟ ରୂପାଣୀ ଦ୍ୱାରା ପ୍ରସ୍ତାବିତ ହୋଇଥିଲା । ରବିବାର ଦିନ ଗାନ୍ଧୀନଗରର ବିଜେପି କାର୍ଯ୍ୟାଳୟରେ ଚାଲିଥିବା ବିଧାୟକ ଦଳର ବୈଠକରେ ତାଙ୍କ ନାମ ଉପରେ ସର୍ବସମ୍ମତ ନିଷ୍ପତ୍ତି ନିଆଯାଇଛି ।

ଗୁଜୁରାଟର ନୂତନ ସିଏମ୍ ଭୂପେନ୍ଦ୍ର ପଟେଲ ପାଟିଦାର ସମ୍ପ୍ରଦାୟର ଅଟନ୍ତି । ଆପଣଙ୍କୁ କହିରଖୁଛୁ ଯେ ଗୁଜୁରାଟରେ ପାଟିଦାର ସମ୍ପ୍ରଦାୟର ଏକ ଭଲ ଭୋଟ୍ ବ୍ୟାଙ୍କ ଅଛି । ଯଦିଓ ହାର୍ଦ୍ଦିକ ପଟେଲ ମଧ୍ୟ ପାଟିଦାର ସମ୍ପ୍ରଦାୟର ନୂତନ ନେତା ଭାବରେ ଉଭା ହୋଇଛନ୍ତି, କିନ୍ତୁ ଭୂପେନ୍ଦ୍ର ପଟେଲ ଏହି ସମାଜର ଏକ ବଡ଼ ଚେହେରା । ପଟେଲ ସମ୍ପ୍ରଦାୟରେ ତାଙ୍କର ଭଲ ସ୍ଥାନ ରହିଛି ।

ଏହା ବ୍ୟତୀତ ଭୁପେନ୍ଦ୍ର ପଟେଲ ଦୀର୍ଘ ଦିନ ଧରି RSS ଅର୍ଥାତ୍ ସଂଘ ସହିତ ଜଡିତ ଥିଲେ । ଏଥି ସହିତ ବିଜୟ ରୂପାଣୀ ସରକାରରେ କ୍ୟାବିନେଟ ମନ୍ତ୍ରୀ ଦାୟିତ୍ୱ ମଧ୍ୟ ତୁଲାଇଛନ୍ତି । ଏହା ବ୍ୟତୀତ ସେ AUDA ର ଚେୟାରମ୍ୟାନ୍ ମଧ୍ୟ ରହିଛନ୍ତି । କେବଳ ଏତିକି ନୁହେଁ, 2017 ବିଧାନସଭା ନିର୍ବାଚନରେ ତାଙ୍କର ବିଜୟ ମଧ୍ୟ ଅନେକ ଆଲୋଚନାରେ ଥିଲା । ସେ ନିର୍ବାଚନ 1 ଲକ୍ଷ 17 ହଜାର ଭୋଟରେ ଜିତିଥିଲେ ।

Published On September 13, 2021